Hɨm Yaaim Me Krais Jon Kewisɨm Mau Tɨwei 4:39 - Hɨm Yaaim Me God

³⁹ Maain mɨt yapɨrwe ne wit kike Saika ke provins Sameria nises Jisas nentar hɨr nemtau hɨm me mɨte hɨre epei wetpor, “Hɨrak ketpo menmen yapɨrwe nɨpaa ein hi hɨrɨakem.”

Hɨm Yaaim Me Krais Jon Kewisɨm Mau Tɨwei 4:39 Iomraidhean Croise

Matyu 10:5

Jisas keriuwet mɨt in nar hiswiyen wik (12) nen, hɨrak kinɨn ketpor hɨm im: “Yi ap eino eiyu eitike mɨt ap ne weiwɨk me Isrel o mɨt nau nerer wit wit ke Sameria.

Hɨm Yaaim Me Krais Jon Kewisɨm Mau Tɨwei 1:37

Mɨtɨkɨt wik temtau Jon katɨp kar ik, te hɨrakɨt tises Jisas ten tetikerek.

Hɨm Yaaim Me Krais Jon Kewisɨm Mau Tɨwei 11:45

Mɨt miyapɨr yapɨrwe ne Isrel kerek epei nan nɨr Maria, hɨr nɨr menmen Jisas kɨrɨakem, te hɨr han kitet hɨrak Mɨtɨk kerek God keriuwetek kan tɨ ik.

Hɨm Yaaim Me Krais Jon Kewisɨm Mau Tɨwei 4:29

Hɨre wetpor, “Yi einen eiyɨr mɨtɨk ik. Hɨrak ketpo menmen yapɨrwe kerek hi nɨpaa hɨrɨakem. Hɨrak mɨtɨk Mesaia kerek God kehimɨtanek kakɨkaap haiu mɨt?”

Hɨm Yaaim Me Krais Jon Kewisɨm Mau Tɨwei 4:30

Hɨre wetpor, te hɨr nɨnaaiwɨr wit ek nen nanɨr Jisas.

Hɨm Yaaim Me Krais Jon Kewisɨm Mau Tɨwei 4:38

Nɨpaa hi eriuweti yi yen yari han ke mɨt hɨr nises hɨm me God yar ke mɨtɨk kakɨt menmen epei me yaaim meit ni eim. Nɨpaa yi ap yen yetpor menmen, te yi yɨkɨak han kɨr te hɨr nanises hɨm me God. Mɨt han keriyen nɨrɨak menmen im. Te in ek yi yɨkaap mɨt hɨr nanises hɨm me God.”

Hɨm Yaaim Me Krais Jon Kewisɨm Mau Tɨwei 4:40

Te mɨt ne Sameria nan nɨr Jisas hɨr netpɨwek eku ektikeri. Te hɨrak kau ketikeri neit wit eik wɨ wik.

Hɨm Yaaim Me Krais Jon Kewisɨm Mau Tɨwei 4:42

Te hɨr natɨp mɨte, “In ek haiu memtau hɨm mɨrak te haiu misesim. Haiu ap misesim mentar menmen nɨpaa ti etpaiyem au. Haiu hɨras memtewem te haiu han kitet hɨrak Mɨtɨk Krais kerek God keriuwetek kaknen kakɨkaap haiu mɨt miyapɨr ne tɨ.”

Hɨm Yaaim Me Krais Jon Kewisɨm Mau Tɨwei 4:5

Te hɨrak ken wit hak iuwe ke Sameria niuk mɨrak Saika. Wit ik hɨrak menep tɨ me ni kerek nɨpaa enum eik Jekop epei kewet nɨkan kɨrak Josep em.

Hɨm Yaaim Me Krais Jon Kewisɨm Mau Tɨwei 4:8

(Hɨr mɨt disaipel ne Jisas epei nen wit eik nanwɨr pewek nanɨt menmen me hɨr nanɨm.)