Lukas 9:48 - Intas-Etipup Mat u Iesu Kristo 1863 (Aneityum Gospels)

⁴⁸ um ika ehele ra, Aien etpu leh inhalav ineigki an nidak aien, et leh nyak aien; aien etpu leh nyak aien, et leh yin aien is abrai nyak aien: aien et upoupo aien iramia asega, etpu esjilid aien.

Lukas 9:48 Iomraidhean Croise

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nohatag a ilpu agelo ura irai iji adiat an nohatag.

Madius 18:14

Et idim ucco et eti merit a Etmamia an nohatag, mika uhpu auahas tah ira atimi upoupo iji eigki.

Madius 19:28

Is um ika ehele ra a Iesu, Et inivaijec ineig ek asaig ehelemia ainyak mika, An naopan iyehki uhu wit lep ehteduo niji itai asega, et wit ateuc a Inhal o natimi a dorona esjilid o un, akupu lep ateuc aijaua akis ahced nyak irai dorona inyi twelv, um asuptecnaig nimtan imi ilpu mapoi ilpu hal o Isreel et twelv:

Madius 25:40

Etpu tas a Natimarid, um ika ehele ra, Et inivaijec ineig ek asaig ehelemia ainyak mika, akis wat ago nedo ineigki aijaua vaig tah natimi upoupo irai ilpu etoak iji eigki, akis idim ago vai nyak aijaua.

Madius 25:45

Etpu tas ehele ra aien, um ika, Et inivaijec ineig ek asaig ehelemia ainyak mika, akis wat eti ago nedo ineigki aijaua vaig tah natimi upoupo iji eigki, akis idim eti ago vai nyak aijaua.

Lukas 10:16

Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Lukas 14:11

Aien et ago nedo ijinies aien, etpu upoupo aien; aien et ago nedo upoupo aien, etpu esjilid aien.

Lukas 22:26

jam jim ago nedo ineigki aijaua: aien et esjilid iramia aien, etmu idivaig inharei aien; aien et atimi alupas iramia aien, etmu idivaig naheca unyimia aien.

Lukas 22:30

mika aki hag aijaua um umnyi an nitai hag unyak an nelcau unyak, um ateuc irai dorona um asuptecnaig nimtan imi ilpu mapoi ilpu hal o Isreel et twelv.

Lukas 7:28

Ek asaig ehelemia ainyak mika, Is eti eteuc tah naprofeta ira atimi iji eigki eris apos ra a risira, nesjilidvaig irai Joanes Natimi baptiso: ja et esjilid iran aien et upoupo aien an nelcau o Atua.

Joanes 13:20

Et idim inivaijec ineig ek asaig ehelemia ainyak mika, Aien et leh ra aien ek abrai ra ainyak, et leh nyak aien; aien et leh nyak aien, et leh yin aien is abrai nyak aien.

Joanes 14:21

Aien et leh niji tas alep unyak aien, um apos upene, et aiyu inliinmopon aien vai nyak: aien et aiyu inliinmopon aien vai nyak, et lep aiyu inliinmopoi Etmak vai yin, etpu lep aiyu inliinmopok ainyak vai yin, ekpu lep ehvai nyak ainyak ehelen.