Lukas 9:11 - Intas-Etipup Mat u Iesu Kristo 1863 (Aneityum Gospels)

¹¹ Eris wat ato atimi, eris apitac yin ara: is leh ra aien, um asuptecnaig nelcau o Atua ehele ra, um ago cehcehe ra eris emehe ara.

Lukas 9:11 Iomraidhean Croise

Madius 12:15

Is wat ato a Iesu, is ahes eahki aien um atga o un: eris apitac yin natimi is ahinag, is ago cehcehe ra asega aien;

Madius 14:14

Is wat apan a Iesu, um alum atimi is ahinag, is aiheuc vai ra aien, um ago cehcehe ilpu atimi emehe ira ra.

Madius 21:31

Is imyiaiji intas o etman a di ira rau? Eris ika ehelen ara, Inmetto. Is ika ehele ra a Iesu, Et inivaijec ineig ek asaig ehelemia ainyak mika, Era uhup a ilpu atimi akwanaham im ilpu takata ago ingaijid um apan an nelcau o Atua, eka apitac aijaua.

Madius 21:43

Va nedo ineigki ek asaig ehelemia ainyak mika, Uhpu atipagki nelcau o Atua ehelemia, um alupai nup urai taka pece ineig erupu ohoai itai iran ara.

Lukas 1:53

Is alayi ilpu atimi ehtele ra niji itai upene aien; jam abraig pan ra eris ikni itai ara, um eti alupai ra itai.

Lukas 5:31

Is tas a Iesu, um ika ehele ra, Er eti ika ehele natimi atipagki nemehe yi aminjinai ra era cehcehe ara; ja ara ache era emehe ara:

Lukas 8:1

IS wat ti pan itac nitai iji eigki, is apan aien irai iji uari-pece alupas asega, im niji uari-pece haklin, um efehtas, um asuptecnaig intas-upene va nelcau o Atua: eris ahced yin natimi is twelv,

Lukas 8:10

Is ika aien, Eh mun alupai caua mika aki ato aijaua niji itai adenaig an nelcau o Atua: ja eh tas ehele tak atimi irai tas ecsipece; mika eri alum itai, jam eti almoi; um atahaijeg itai, jam eti ahaijeg.

Lukas 9:10

Eris wat adumoij pan ehelen a ilpu apostolo, eris asuptecnaig ehelen ara niji itai asega iji eigki eris ago ara. Is imyiacaij ra aien, eris apan ara an namasacen is ethi an nuarin-pece is ethi, nidan Bedseta, jam ateri.

Lukas 9:12

Is wat jupura, eris apan ehelen natimi is twelv, um ika ehelen, Abrai atimi asega aiek, mika eri apan ara irai iji uari-pece im lep inpece asega marahed mihtag, um amen iran, um ahilek nitai caig incara; et amasacen igcaki inta amen iran akaija.

Lukas 9:2

is abrai ra aien mika eri apan ara, um asuptecnaig intas va nelcau o Atua, um ago cehcehe ilpu atimi emehe.

Joanes 4:34

Is um ika ehele ra a Iesu, Et itai caig unyak ineigki, nimyiaijivaig intas o un is abrai nyak aien, um lep ago ehni nauritai o un.

Joanes 6:37

erupu ahtag pam ehelek ara asega is alupai nyak ra a Etmak; aien et ham ehelek aien, inki idim eti acaiji yin ainyak: