Lukas 8:25 - Intas-Etipup Mat u Iesu Kristo 1863 (Aneityum Gospels)

²⁵ Is ika ehele ra aien, Nimyiisjis ninivaijec unyimia yek ed? Eris imtitaig ara, um imyiali, um tas jipe ehele ra, um ika, Et echamecha natimi ineigki! et tas aien, et um imyiaiji intas o un nimtinjop im injop.

Lukas 8:25 Iomraidhean Croise

Madius 14:31

Is auroauro a Iesu um arahpan va nikman, um asjirai yin, um ika ehelen, Ak natimi auatialidi, na auri aiek par imyiisjis nahcil?

Madius 17:20

Is um ika ehele ra a Iesu, Va nimyiisjis nahcil unyimia: et inivaijec ineig ek asaig ehelemia ainyak mika, El et eteuc nimyiisjis ninivaijec unyimia et idivaig nupsi mustart, aku wit tas ehele nedoon ineig aijaua, mika yi atga um apan an tah anuarin; el et par apan; el et ti ehka vai caua tah nitai:

Madius 6:30

El et ucce nedo o Atua, va nefelelicai an nobohtan, et umoh inpeig, ja er erekhaigjai an cop an tak apnyin, etpu idim aso caua aien, et tintin nimyiisjis ninivaijec unyimia.

Madius 8:10

Is wat atahaijeg a Iesu is um imyiali aien, um ika ehele ilpu atimi apitac yin, Et inivaijec ineig ek asaig ehelemia ainyak mika, kis eti ecetai tah nimyiisjis ninivaijec esjilid ainyak, et idivaig ineig, an pece Isreel asega.

Madius 8:26

Is ika ehele ra aien, Ak ilpu atimi auatialidi inliinmopomia, eka imtitaig aijaua vanhe? Is atidai aien, um acaiji nimtinjop im injop; is um esjilid neigpa.

Lukas 12:28

El et ucce nedo o Atua va nefelelicai, et umoh an nobohtan inpeig, ja er erekhaigjai an cop an tak apnyin; etpu idim aso caua aien, et tintin nimyiisjis ninivaijec unyimia.

Lukas 8:24

Eris apan ehelen ara, um ahugni yin, um ika, Ak Natimi alupas, ak Natimi alupas, intumu emesmas akaija. Is atidai aien, um acaiji nimtinjop im nalupas u injop: is um esjaig, um eigpa.

Lukas 8:26

ERIS apahai ara an pece Catara et iblan pece Calili.

Joanes 11:40

Is um ika ehelen a Iesu, Ek mun idim asaig ehelum ainyak mika, el et imyiisjis ninivaijec aiek, napu almoi nemda o Atua aiek.