Lukas 8:21 - Intas-Etipup Mat u Iesu Kristo 1863 (Aneityum Gospels)

²¹ Is tas aien, um ika ehele ra, Risik im ilpu etoak iji eigki era atahaijeg intas o Atua ara um imyiaiji.

Lukas 8:21 Iomraidhean Croise

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Madius 25:40

Etpu tas a Natimarid, um ika ehele ra, Et inivaijec ineig ek asaig ehelemia ainyak mika, akis wat ago nedo ineigki aijaua vaig tah natimi upoupo irai ilpu etoak iji eigki, akis idim ago vai nyak aijaua.

Madius 25:45

Etpu tas ehele ra aien, um ika, Et inivaijec ineig ek asaig ehelemia ainyak mika, akis wat eti ago nedo ineigki aijaua vaig tah natimi upoupo iji eigki, akis idim eti ago vai nyak aijaua.

Madius 28:10

Is ika ehele rau a Iesu, Jim imtitaig aijaurau: jam apan um asaig ehele ilpu etoak mika eri apan ara Calili: erupu ecet nyak eahki ara.

Lukas 8:15

Nupsi itai an nobohtan upene et idivai ra era atahaijeg intas ara, um apos anliinmopura inivaijec um upene, era ohoai itai ara, um eti auatialidi.

Lukas 8:20

Eris asuptecnaig ehelen atimi, um ika, Era aiji ijo a risum im ilpu etoam, um merit nalum euc vaig.

Joanes 13:17

El eka ato nitai iji eigki aijaua, eka mun ahesmoij aijaua el eka ago.

Joanes 20:17

Is um ika ehelen a Iesu, Jim atcei pam nyak aiek; ek pam eti fi aridjai ainyak ehele Etmak: jam apan aiek ehele ilpu etoak, um asaig ehele ra mika, ek aridjai ehele Etmak ainyak, im lep Etmamia; ehele Atua unyak, im lep Atua unyimia.