Lukas 6:12 - Intas-Etipup Mat u Iesu Kristo 1863 (Aneityum Gospels)

¹² IS ahes eahki aien an naopan iyehki, um apan an nedoon, mika yi alaigaheni, is amen aien an nepeig asega, um alaigaheni vai Atua.

Lukas 6:12 Iomraidhean Croise

Madius 5:1

Is alum atimi is ahinag aien, um aridjai an nedoon: is wat ateucse aien, eris apan ehelen a ilpu atimi atahaijeg yin.

Madius 6:6

Na wit alaigaheni aiek, apan anliin neom unyum um atapanes iram, um alaigaheni vai Etmam et adenai yin aien; etpu alupai euc nimtan a Etmam et alum itai aien an nuarin adenaig o un, um eti adenaig.

Lukas 5:16

Is ude ra aien, um apan an namasacen, um alaigaheni.

Lukas 6:11

Is esjilid nedemda ura ara; eris tas jipe ara, um ika, Inti ago inhe akaija vai Iesu?

Lukas 6:17

Is asuol aien im lep ra, um aiji igca is marara, im ilpu atimi atahaijeg yin is ahinag, im lep natimi is ahinag acen irai iji uari pece asega Jutaia im Jerusalem, im lep irai iji uari pece u unjop Tairus im Saiton, eris ahtag pan ehelen ara mika eri atahaijeg yin, um lep ika yi ago cehcehe ra aien va nemehe ira ra;

Lukas 9:18

IS echim amen aien um alaigaheni, eris amen ehelen a ilpu atimi atahaijeg yin; is ahodai ra aien, um ika, Era ika natimi, ainyak di aigki?

Lukas 9:28

Is asan tas iji ehki aien, ja par ti pan itac nadiat is idivaig is eet, is leh Pitrus aien, im Joanes, im Jakobus, eris um aridjai ara an nedoon, mika eri alaigaheni.

Lukas 9:29

Is wat alaigaheni aien, is um eche nesganimtan aien, um lep ahi napelumai iran um ememina.

Joanes 6:3

Is aridjai a Iesu an nedoon, um ateuc, im lep ilpu atimi atahaijeg yin.