Lukas 23:5 - Intas-Etipup Mat u Iesu Kristo 1863 (Aneityum Gospels)

⁵ Is esjilid acen nedemda ura ara, um ika, Et auahas inliinmopoi atimi aien, um esege an pece Jutaia asega, is atupun aien Calili um yetpam igcaki.

Lukas 23:5 Iomraidhean Croise

Madius 11:1

Is tas ehni a Iesu ehele ilpu atimi atahaijeg yin is twelv, ja par ahes eahki, um atga o un, um apan par esege imi atimi, um asuptecnaig intas irai iji uari-pece ura.

Madius 2:1

Eris apos Iesu Bedleem an pece Jutaia an naopan iyehki is atimarid a Herot, eris ahes an ridjai o un a ilpu atimi arapakau, um apan Jerusalem,

Madius 27:24

Is wat ato a Pailet, nikavaig, is auatialidi nimyiisjis o un, um esjilid nehtauo o atimi, is leh inwai aien, um ahisjim an nuhup ura, um ika, Ek adicinadicin ainyak vai inja irai natimi upene ineigki: tup aijaua marom.

Madius 4:23

Is arahed an pece Calili asega a Iesu, um esege irai eom alaigaheni ura, um asuptecnaig intas-upene va nelcau o Atua, um iknipagki emehe asega ira atimi im nauatialidi ira ra.

Lukas 11:53

Is wat asan tas iji ehki ehele ra aien, eris imyiisjis emda a ilpu atimi esege im ilpu Farisi, um oop yin, mika yi tas aien va niji itai is ahinag:

Lukas 23:23

Ja eris tas emda ara, um ahlaig ijinies mika eri atgei yin an nauincai atgeig. Is esjilid intas ura, im intas o ilpu atimi ahlap esjilid.

Lukas 23:6

Is wat atahaijeg vaig Calili a Pailet, is ahodai ra aien, um ika, Et upu Calili a natimi ineigki, ka o’o?

Joanes 1:43

Is wat lahlah an tak apnyin, is ika a Iesu yi apan Calili, is ecet Filipus aien, um ika ehelen, Apitac nyak aiek.

Joanes 19:15

Ja eris ahlaig ijinies ara, um ika, Imyiapan yin, imyiapan yin, um atgei yin an nauincai atgeig. Is um ika ehele ra a Pailet, Ekpu atgei Natimarid unyimia ainyak an nauincai atgeig, ka o’o? Eris ika a ilpu atimi ahlap esjilid, Et atimarid unyima ache a Sisar.

Joanes 2:11

Is atupun a Iesu um ago nauritai ehka ineigki Kena an pece Calili, um ehvaig natimi alupas o un; eris imyiisjis ninivaijec yin a ilpu atimi atahaijeg yin.

Joanes 7:41

Eris lep ika nahaiji ra, Et Kristo aien. Ja eris ika nahaiji ra, Et eti ahes Calili a Kristo:

Joanes 7:52

Eris tas ara, um ika ehelen, Nai lep upu Calili aiek, ka o’o? ahilek, um almoi: et eti ahes Calili tah naprofeta.