Lukas 23:41 - Intas-Etipup Mat u Iesu Kristo 1863 (Aneityum Gospels)

⁴¹ eh mun idim ago nedo atoh vai caijau; intau mun leh nimtan nedo ujau akaijau: ja is eti ago tah nedo has natimi ineigki.

Lukas 23:41 Iomraidhean Croise

Madius 27:19

Is wat ateuc aien an nitai ateuc tas alep iran, is abraig pan tah ehelen a ehgan, um ika, Jim ago tah nitai aiek irai natimi upene ineigki: et mun alupas nohocred unyak vai yin an numjeg ahnag unyak inpeig.

Madius 27:24

Is wat ato a Pailet, nikavaig, is auatialidi nimyiisjis o un, um esjilid nehtauo o atimi, is leh inwai aien, um ahisjim an nuhup ura, um ika, Ek adicinadicin ainyak vai inja irai natimi upene ineigki: tup aijaua marom.

Madius 27:4

um ika, Kis mun ago nedo has ainyak, um aniv natimi upene ineigki. Eris um ika ara, Eruauo vai cama? tup aiek marom.

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Lukas 23:40

Is tas a etoan, um ated yin, um ika, Nai eti imtitai Atua aiek? et tup ethi ache nimtan imi cataij:

Lukas 23:42

Is ika aien ehele Iesu, Ak Natimarid, namu imyiehva nyak aiek, na wit apan an nelcau unyum aiek.