Lukas 20:10 - Intas-Etipup Mat u Iesu Kristo 1863 (Aneityum Gospels)

¹⁰ Is wat metto nohoan, is abraig pan naheca is ethi o un aien ehele ilpu atimi ahapol, mika eri alupai yin nahaiji ohoai itai an nekaro vaine o un: ja eris aredei yin a ilpu atimi ahapol, um abraig pan yin, um eti alupai yin tah nitai.

Lukas 20:10 Iomraidhean Croise

Lukas 13:34

Ak Jerusalem, ak Jerusalem, na atgei ilpu profeta aiek, um asji ra sji eigki irai hat eris abraig pan ra ehelum; kis ehcahinag merit ainyak mika ki asjapicnaig pam ilpu hal unyum et idivaig injaa et aibuthan hal o un aien, ja akis esjum aijaua!

Lukas 20:11

Is lep aketo aien um abraig pan naheca o un is ethi is eche: eris lep aredei yin ara, um ago nedo has esjilid vai yin, um abraig pan yin, um eti alupai yin tah nitai.

Lukas 20:9

Is atupun aien um asan tas ecsipece ineigki ehele atimi, um ika, Is ahoaig vaine natimi is ethi anliin nekaro o un, um atceijaig imi ilpu atimi ahapol, um atga o un, um apan an pece itac acen, um amen is itu iran.

Joanes 15:16

Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak.