Lukas 2:14 - Intas-Etipup Mat u Iesu Kristo 1863 (Aneityum Gospels)

¹⁴ Etmu eteuc nimyiahpas vai Atua an nohatag ijinies acen; um eteuc neigpa an nobohtan, im naiheuc va atimi.

Lukas 2:14 Iomraidhean Croise

Madius 21:9

ara eris uhup ara, im lep ra eris apitac ara, eris ahlaig ara, um ika, Hosana vai Mapoi Tevit: Naaurineig vai yin et ham aien an nidai Natimarid; Hosana an nohatag ijinies acen.

Lukas 1:79

par lah ehele ra era amen an naupat ara, et ahelmon ra inmas, um lep atau iraija an nefalaig eigpa.

Lukas 19:38

um ika, Naaurineig vai Natimarid ineig et ham aien an nidai Ihova: et eteuc neigpa an nohatag, im nimyiahpas an nuarin ijinies acen.

Lukas 2:13

Eris lep auroauro a ilpu agelo is ahinag an nohatag, um ehcohos pan ehele nagelo iyehki, um imyiahpas Atua, um ika,

Lukas 2:15

Eris wat ude ra a ilpu agelo um aridjai an nohatag, eris tas jipe a ilpu atimi asgi siip, um ika, Ti apan Bedleem akaija, um almoi nitai ineig et mun ham, et mun asuptecnaig eheleija a Ihova.

Lukas 3:22

is asuol iran a Nesgan Upene, is idivaig nalaupa nalmun nohun; is ahes an nohatag nohran tah, um ika, Nai Halav cop unyak aiek; ek imyiacitak euc ainyak.

Joanes 14:27

Ek ati neigpa unyak ainyak ehelemia, ek alupai caua neigpa unyak ainyak: ekpu ahtai itai imi caua ainyak, ja inyi ti idivaig ineig er ahtai an nobohtan. Etmu jim ohocred inliinmopomia aijaua, um jim imtitaig.

Joanes 17:4

Kis ehvaig natimi alupas unyum ainyak an nobohtan: ek mun ago ehni nauritai ineig ainyak as alupai nyak aiek mika ki ago ainyak.

Joanes 3:16

Is um ucce naiheuc vai iji pece asega o Atua is abrai Inhal o un is eti ache aien, va eri eti emesmas a ilpu atimi asgeig iran asega, jam leh nitai umoh iran ineig inyi ti lep ti.