Lukas 18:23 - Intas-Etipup Mat u Iesu Kristo 1863 (Aneityum Gospels)

²³ Is wat atahaijeg nitai iji eigki aien, is taigtaig alupas aien: is idim atimi ikni itai aien.

Lukas 18:23 Iomraidhean Croise

Madius 19:22

Is wat atahaijeg intas ineigki a intakuras iyehki, is taigtaig aien um atga o un: is ahinag inpadiaig o un aien.

Lukas 12:15

Is ika aien ehele ra, Akumu almoi aijaua, um aminjinaig caua, um jim has iramia itai: inyi ti umoh tah natimi vai padiag alupas et ohuun aien.

Lukas 18:22

Is wat atahaijeg nitai iji eigki a Iesu, is ika ehelen aien, Nai eti ago nitai et ethi aiek: namu ahtai niji itai asega unyum aiek, um alupai ilpu ihki atimi, napu idim leh niji itai upene an nohatag aiek: um lep apam aiek, um apitac nyak.

Lukas 18:24

Is wat almoi a Iesu, nikavaig, is taigtaig alupas aien, is ika aien, Et ehka va atimi iji eig era ikni itai ara napanvaig an nelcau o Atua!

Lukas 19:8

Is aiji a Sakius, um ika ehele Natimarid, Ak Natimarid, ekpu alupai ilpu ihki atimi nahaiji padiaig unyak ainyak; el kis atoraliak tah nitai ainyak ehele tah natimi va nedo efaifa, ekpu ehcemanohwan aru ainyak.

Lukas 21:34

Aminjinai caua aijaua, um jim auahas inliinmopomia va nitai caig alupas, im nahnag vai kava, im naktaktai niji itai an nobohtan ineigki, va yi jim yetpam iramia nadiat iyehki, an neti aktaktaivaig unyimia.

Lukas 8:14

Nupsi itai ineig is elel irai efelelicai has et idivai ra, era atahaijeg intas ara, um atga ura, ja et atgei ra naktaktai inpadiaig ura im nedo imyiacitak an naopan ineig, era eti ohoai itai upene ara.