Lukas 1:35 - Intas-Etipup Mat u Iesu Kristo 1863 (Aneityum Gospels)

³⁵ Is tas a nagelo, um ika ehelen, Etpu yetpan iram a Nesgan Upene, etpu ahelmon euc nemda o un Et esjilid aien: uhpu anvi nidan nitai upene iyehki napu apos aiek, par ika Inhal o Atua;

Lukas 1:35 Iomraidhean Croise

Madius 1:18

IS um ucce napos Iesu Kristo: Is aminjinai Josef a Mere risin, ja erus eti fi ehramen arau; is um opouc aien vai Nesgan Upene.

Madius 1:20

Is wat aktaktai nitai iji eigki aien, is ehcohos pan ehelen a nagelo o Ihova an numjeg ahnag o un, um ika, Ak Josef, mapoi Tevit, jim imtitaig aiek inlehvaig Mere ehgam: et opouc aien vai Nesgan Upene:

Madius 14:33

Ara eris amen an nelcau ara, eris apan ara um atpuse an nuhup o un, um ika, Et idim inivaijec ineig, nikavaig, nai Hal o Atua aiek.

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Madius 4:3

Is apan ehelen natimi oop yin, um ika, El et Hal o Atua aiek, namu ika aiek yi areto inhat iji eigki.

Lukas 1:27

ehele natahaig is ethi, is aminjinanlai aien ehele natimi is ethi, nidan Josef, is mapoi Tevit aien; nidan natahaig iyehki Mere.

Lukas 1:34

Is ika ehele nagelo a Mere, Inyi echamecha nitai ineigki, kis eti ato natamaig ainyak?

Lukas 1:36

et idim opouc a etoam Elisabed irai inhalav atamaig an nefatimi o un: is ti pan itac inmohoc is siks is opouc aien, eris ika is eti asvalav aien:

Joanes 1:34

Kis ecetai ainyak um asuptecnaig, um ika, Inhal o Atua ineigki.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Joanes 20:31

ja eris aged nitai iji eigki, mika aki imyiisjis ninivaijec aijaua, um ika et Kristo a Iesu, et lep Hal o Atua aien; um lep mika aki leh nitai umoh iran an nidan, an nimyiisjis ninivaijec vaig unyimia.