Nnwom 1:3 - KYERƐW KRONKRON

³ Ɔte sɛ dua a atim asubɔnten ho a ɛsow n’aba, ne bere mu, na n’ahaban mpo, na nea ɔyɛ nyinaa bewie yiye.

Twerɛ Kronkron

³ Ɔte sɛ dua a atim asubɔnten ho a ɛso n’aba ne berɛ mu, na n’ahahan mpo, na deɛ ɔyɛ nyinaa bɛwie yie.

Akuapem Twi Nkwa Asɛm

³ Ɔte sɛ dua a wɔatɛw wɔ asuten ho, na ɛsow nʼaba ne bere mu a nʼahaban no nguan da. Nea ɔyɛ biara yɛ yiye.

New Revised Asante Twi Bible

³ Ɔte sɛ dua a atim asubɔnten ho a ɛso n’aba ne berɛ mu, na n’ahahan mpo, na deɛ ɔyɛ nyinaa bɛwie yie.

Asante Twi Nkwa Asɛm

³ Ɔte sɛ dua a wɔatɛ wɔ asutene ho, na ɛso nʼaba ne berɛ mu a nʼahahan no nnwan. Deɛ ɔyɛ biara yɛ yie.

KYERƐW KRONKRON

³ Ɔte sɛ dua a atim asubɔnten ho a ɛsow n’aba, ne bere mu, na n’ahaban mpo, na nea ɔyɛ nyinaa bewie yiye.

Nnwom 1:3 Iomraidhean Croise

Yeremia 17:8

Na ɔbɛyɛ sɛ dua a wɔatɛw, asukɔn so, na ne ntini tenetene kɔ asu no ho; na sɛ ahohuru ba a, ɛnyɛ no hu, na ɛso ahaban bɛyɛ frɔmfrɔm, na osukɔm afe mu nso, ɛrempo, na ɛrennyae abasow.

Hesekiel 47:12

Na asu no kɔn so ha ne ha na nnua a wodi ahorow nyinaa befifi; n’ahaban rempo, na n’aba rensa, ɛbɛsosow n’asram so, efisɛ ne nsu no, kronkronbea na efi sen; na n’aba bɛyɛ aduan, na n’ahaban ayɛ aduru.

Nnwom 92:14

Wɔbɛkɔ so asow aba nkwakoraa bere, wɔbɛyɛ akɛse ne frɔmfrɔm ara,

Yohane 15:6

Sɛ obi antena me mu a, wɔtow no kyene sɛ baa, na ewu; na wɔboaboa ano de kogu gya mu, na ɛhyew.

Hesekiel 19:10

Anka wo na te sɛ bobeturo mu bobe a wɔatɛw no nsuso, nsu pii nti, n’aba ne n’abaa bae yiye.

1 Mose 39:23

Afiasehwɛfo no anhaw ne ho anhwɛ biribiara a ɔde hyɛɛ Yosef nsa no, efisɛ AWURADE dii n'akyi, na nea ɔyɛe nyinaa, AWURADE ma ɛyɛɛ yiye.

Adiyisɛm 22:2

ne kurow no abɔnten mfinimfini ne Asubɔnten no afanu nyinaa na nkwa dua a ɛsow aba ahorow dumien sisii, na ɛsosow n’aba daa ɔsram; na dua no nhaban na wɔde sa amanaman no yare.

Hesekiel 17:8

Wotutu kɔtɛwee wɔ beae foforo wɔ afuw pa so ne nsu bebree ho sɛ enyiyi abaa na ɛnsow aba na ɛnyɛ bobe fɛfɛ.

Mateo 13:6

na owia fii no, ekisae, na enni ntini nti, ɛhyewee.

2 Berɛsosɛm 31:21

Na nneyɛe a ofii ase Onyankopɔn fi som mu ne mmara ne mmara nsɛm mu de hwehwɛɛ ne Nyankopɔn no nyinaa, ɔde ne koma nyinaa na ɛyɛe, na esii no yiye.

1 Mose 39:3

Na ne wura hui sɛ: AWURADE di n'akyi na AWURADE ma nea ɔyɛ nyinaa yɛ yiye n'abasa so no,

Nnwom 128:2

Na wubedi wo nsa ano adwuma, nhyira ne wo, na ebesi wo yiye.

Yesaia 3:10

Monka ɔtreneeni ho sɛ obedi yiye, na wobedi wɔn nneyɛe so aba.

Yesaia 44:4

na wɔafefɛw sɛ sare a ɛwɔ nsu mu sɛ asukɔn so nnuaa, nsuten so.

Hiob 14:9

nsu hua nti ɛfefɛw, na eyiyi abaa sɛ dua a wɔatɛw;

Mateo 21:34

Na aduaba bere dui no, ɔsomaa ne nkoa kɔɔ ahwɛsofo no nkyɛn sɛ wonkogye n’aduaba mmra.

Mateo 21:19

Na ohuu borɔdɔma bi ɔkwan so no, otwiw bɛn ho, na wanhu hwee wɔ so sɛ nhaban nko. Na osee no sɛ: Worensow aba bio ara da! Amonom hɔ ara na borɔdɔma nhaban no poe.

Yuda 1:12

Eyinom yɛ mo dɔ adidi mu nkekae, wɔne mo redidi, wɔmfɛre ade, wɔyɛn wɔn ho; wɔyɛ omununkum a nsu nni mu a mframa twetwe kyinkyin, nnua a ɛso nhaban aporow a enni aba na awuwu mprenu a ne ntini atutu,

Yesaia 27:11

Sɛ ne mmobaa no guan a, wobubu, mmea bɛpɛ kɔsɔ gya; na wɔyɛ ɔman a wonni nhumu, enti wɔn yɛfo no yam nhyehye no mma wɔn, na nea ɔnwenee wɔn no nhu wɔn mmɔbɔ.

Mateo 21:41

Wɔka kyerɛɛ no sɛ: Ɔbɛsɛe nnipa bɔne no pasaa, na ɔde bobe turo no ama ahwɛsofo foforo a wɔde aduaba bɛbrɛ no ne bere mu.

1 Berɛsosɛm 22:11

Afei, me ba, AWURADE nni w’akyi, na kɔ w’anim, na si AWURADE wo Nyankopɔn fi no, sɛnea ɔkae wo ho no.

Nnwom 129:8

na wɔn a wotwam mpo nka sɛ: AWURADE nhyira mmra mo so, yehyira mo AWURADE din mu.

2 Berɛsosɛm 32:23

Na nnipa bebree de ayɛyɛde brɛɛ AWURADE wɔ Yerusalem, na wɔde aboɔdenne brɛɛ Yuda hene Hesekia, na wɔmaa no so amanaman nyinaa ani so, eyinom akyi.

4 Mose 24:6

Ɛyerɛw sɛ asubon, sɛ asu so nturo, te sɛ pɛprɛ nnua a AWURADE atɛw, te sɛ nsu so nkyeneduru.

5 Mose 28:8

AWURADE bɛhyɛ nhyira ma aba wo so, w’asan so, ne ade a wode wo nsa bɛka nyinaa mu, na obehyira wo, asase a AWURADE wo Nyankopɔn de rema wo no so.

2 Ahene 18:7

Na AWURADE dii n’akyi; baabiara a ofi kɔ no, onya siade; na ɔtew Asaria hene so atua, na wansom no.

1 Berɛsosɛm 22:13

Sɛ wohwɛ wo ho sɛ wubedi ahyɛde ne atemmude a AWURADE hyɛɛ Mose Israel ho no so a, ɛnne wobɛfɔefɔe. Hyɛ wo ho den na pirim w’anim. Nsuro na wo koma nntu.

Hiob 22:28

Wobɛbɔ wo tirim, na ebegyina ama wo, na hann bɛhyerɛn w’akwan so.

Nnwom 92:15

na wɔaka akyerɛ sɛ AWURADE teɛ, ɔne me botan, na nea ɛnteɛ biara nni ne mu.

Yesaia 58:11

Na AWURADE bɛkyerɛ wo kwan daa yi, na wama wo kra amee nea ɛhɔ awo, na wahyɛ wo nnompe mu den, na woayɛ sɛ turo a nsu sen wom, ne nsuaniwa a emu nsu nni huammɔ.

Hesekiel 31:5

Enti ɛkorɔn sorɔnsorɔn sen wuram nnua nyinaa, n’abaa akɛse wowaree atenten, nsu dodow a enyae a eyiyi abaa no nti.