Tite 3:5 - Kice Manito Ocki Omirwatcimowin

⁵ ki ki akwacimikono. Namaiew aniheriw otci e ki miro totamokw wetci ki akwacimitokw, aric osam e ki kitimakerimitokw. Ki ki akwacimikono kirika ki ki mirikono kitci ocki pimatisiikw. Tarasak ki ki kisisiparikono, ka kasihamatokw kipactatowininariw, aniheriw nipiriw e ki totak ka sikahatasoikw, kirika e ki miritokw Miro Manitowa kitci pitciteheckatokw.

Tite 3:5 Iomraidhean Croise

2 Timothée 1:9

Wir ka ki akwacimitokw kirika ka ki wicamitokw otirinima kitci iteritakosiikw. Nama ki otci itotiskew osam e ki miro totamokw, aric tepirak osam e ki ici nataweritak kitci totak kirika e mirotehetc. Aci weckatc, epwamoci kiceritak askiriw, ki iteritamokopan kitci mirikoiak aniheriw omirotehewin, e pe iciticohwatc okosa Cecoc Krist.

1 Corinthe iriniwok 6:11

Ekoni meka e itatisiekopanen, atita nta e taciekw, epwamoci pe kiskerimekw Cecoc. Aric ki ki kasihamakowinawaw ka ki ici patahamekw tekaci kitci mirwinakosiekw kitehiwak. Tipan ki ki arikowinawaw kitci okimamiekw Kice Manito. Ki icitaw icikowisk kitci iterimitakw Kice Manito, Teperitciketc Cecoc Krist e ki itotisketc kitci icinakonik, kirika Kikice Manitomino Omiro Manitoma e ki pe nta witci tacikemitokw.

1 Pien 3:21

Anihe nipi ka ki mitcakamik ka riskipotek aski, ki otci kiskeritenawaw kaie tan e irapatak anihe kotak nipi ka apatak anotc e sikahatasonaniwok, e kasihamakoiekw kipactatowiniwaw. Sikahatakewin, nama ki kisisipasowakanawaw. Aric atamik kitehiwak ki kisisiparikowinawaw, e nataweritamawekw Kice Manito kitci kasihamatakw, kitci kiskerimitisoekw aci icikowisk e iteritakosiekw. Ki ki akwacimikowaw, anihe otci, osam e ki apitcipatc Cecoc.

1 Pien 1:3

Mirwatcimatan Kice Manito, anahwe Ka Tiperimitokw Cecoc Krist otawiwa. E apitc micarik okicewatisiwin, ki ki mirikono kiapatc minawatc kitci nitawikiikw, kitci ki ocki pimatisiikw, e ki apitcipahatc Cecoca ka niporitci. Ekoni wetci takok kitasperimowinino e pimatisimakak,

Rome iriniwok 12:2

Aka awocamec nosanetawakw e itatisitcik kotakihik iriniwok ota askik aka ka kicterimatcik Kice Manitowa. Aric pakitinakw Kice Manito kitci miritakw pitoc kitci ki aiteritamekw, kaie pitoc kitci ki itatisiekw. Ekoni ke otci kackitaiekw kitci nta kiskeritamekw mia e ici nataweritak kitci totamekw: e mirwacinik, ka ici mireritak kaie mia e itatisinaniwonik.

Éphèse iriniwok 2:4

Aric Kice Manito kice micariw okitimakeritcikewin. E apitc sakihitokw,

Éphèse iriniwok 5:26

Wetci ki totak aniheriw, kitci ki tipi iteritakosiritci, Kice Manito otirinima kitci iteritakosiritci, tekaci e ki mirwinakohatc otehiwarik, nipiriw acitc otitewin e ki apatcitatc.

Rome iriniwok 11:6

Ki orapamew osam e mirotehetc, nama osam wirawaw tipirawe e ki miro totamiritci. Kecpin meka ki orapamikotcik osam e ki mirotehetcik nama kata ki itwaniwon Kice Manito cawerimew iriniwa aka e wi koski nataweritamawatc kekociciriw.

Hébreux iriniwok 4:16

Nama tca actew kitci cakwerimoikw kitci pakoserimokw Kice Manito e aiamihaikw, anahwe ka mirotehetc, e sakihitokw kotc e icinakosiikw. Ki ka mirikono kasihamakewiniw kaie mirotehewiniw, kitci witcihitokw tatwaw ke nataweritamawokw kitci witcihitokw.

Colosse iriniwok 3:10

Minawatc ki ki otapinenawaw ocki iteritakosiwin, tarasak mitowi e ki ockihoekw. Ocki iriniwok kit iteritakosinawaw, kirika aspinikotc ki mirikowaw Kice Manito, anahwe kaskina ka ki kicerimitokw, kiapatc mia ocki kitci iteritakosiekw, mia wir kitci itatisiekw, kitci ki tca capo kiskerimekw.

Galatie iriniwok 2:16

Aci aric ni kiskeritenan wetci icikowisk iterimikotc Kice Manitowa iriniw: tepirak Cecoca e asperimototawatc, nama osam kaskina e sapitak cota aiamihe irakonikewiniw, Moïsa ka ki mirakaniwiritci. Ekoni tca wetci kaie ninan ki tapwerimakitc Cecoc Krist icikowisk kitci ki iteritakosiak, osam e asperimototawakitc anahwe Krist, nama osam e ki otci sapitamak aiamihe irakonikewin. Nama meka awik icikowisk kata ki iteritakosiw osam e ki nosanetatc aniheriw irakonikewiniw.

Rome iriniwok 3:20

Nama meka awik wir tipirawe kackitaw icikowisk kitci iterimikotc Kice Manitowa osam e ki nosanetatc kaskina aiamihe irakonikewiniw. Anihe irakonikewin tepirak ki witcihikonano kitci kiskeritamokw e pactati iriniwiikw.

1 Pien 2:10

Weckatc nama Kice Manito otirinima ki ki otci iteritakosinawaw. Aci pitoc anotc icinakon. Nama kaie moci ki ki otci mirikowitawaw okitimakeritcikewin. Aric anotc aci kaskina aniheriw ki ki mirikowinawaw.

Éphèse iriniwok 4:23

Ki ta pakitinawaw Kice Manito tekaci kitci meckotcitatc e ici mosoweritamekw kitehiwak acitc e iteritamekw kimitoneritcikaniwak.

Rome iriniwok 3:28

Ki kiskeritenano meka e asperimototawatc awik Cecoca, ekoni icikowisk e otci iterimikotc Kice Manitowa, aka tca e otci nosanetatc e itemakanik aiamihe irakonikewiniw.

Rome iriniwok 9:11

Kice Manito ki itew anahweriw Rébecca epwamoci nitawikiritci anahweriw onicocana: “Anahwe nictam ke nitawikitc kata atoskectawew anihi ke mawotci awaciwiritci.” Genèse 25.23 Ekoni ka itatc e arimomatc anahweriw e niciritci ockinikiwa, aka moci e ki otci miro totakwapan kaie e matci totakwapan. Ekoni ka ici wapatahiwetc Kice Manito wir mocak e oreritak kaskina ke iciwepasitcik iriniwok wir tipirawe ke ici nataweritak. Orapamew peikw awiriwa ka iteritak kitci wicamatc, nama soka e miro totamiritci.

Luc Omasinahikan 1:78

Mictahi meka mirotehew Kikice Manitomino kirika ki micta miro totakono: Ki ka pe nta wactenamakono, icpimik e pe otci wactek, mia e pe sakasiketc pisimw kitci icinakok,

Luc Omasinahikan 1:54

Ki pe nta witcihew Israël iriniwa, otarotakana. Nama ki otci onikew kitci wapatahatc omirwasiwin

Luc Omasinahikan 1:50

Mocak miro totawew kaskina ka kicterimikotc.

Tite 3:4

Kotc aric ka wapatahiwetc Kice Manito, anahwe Ka Akwacimitokw, e apitc micta miro totawatc kaskina iriniwa kirika e apitc sakihatc,

Rome iriniwok 9:30

Tan wa itemakak ohwe? Kice Manito ki mirew iriniwa aka ka cota iriniwiritci icikowisk kitci ki iterimatc kecpin asperimototakote, misawatc aka e ki otci nanto kiskeritamiritci icikowisk kitci iterimikotc.

Rome iriniwok 9:16

Nama tca kanawapatam Kice Manito e iteritamiritci iriniwa, nama kaie e apitc mantokasoritci kitci miro totamiritci, aric tepirak wir tipirawe kitimakerimew kotc e iteritak.

Rome iriniwok 4:5

Pitoc aric icinakon apitc awik aka wikokwe totak kekociciriw kitci ki otci kanewitc icikowisk kitci iterimikotc Kice Manitowa. Tepirak asperimototawew Kice Manitowa, wir ka akwacimaritci anihi ka pactatiritci. Icikowisk iteritakosiw anahwe awik, otasperimowin tepirak e kanawapatcikaterik.

Luc Omasinahikan 1:72

Ki wapatahiwew omirwasiwin kitaniskotape kimocominowa otci. Nama kaie ki otci onikew aniheriw orictwatowin e kitcitwaweritakonik.

Hébreux iriniwok 6:6

Peikon ki koski pakiciniwok kitci ici pimatisitcik weckatc e ici pimatisiwakopanen epwamoci kiskerimatcik Cecoca. Aniheriw e itotisketcik, tarasak mia e koski tcictaskowatatcik tcipaiatikok Kice Manito Okosa, kaie tarasak kaskina wiec e aitatcik e marerimatcik kitci wanerimakaniwiritci.

Matio 3:11

“Nin anotc ki sikahatatinawaw, nipi e apatcitaian, kitci ki wapatahiweiekw e wi kweskatisiekw. Aric anahwe nanake ke pe takocik, ki ka sikahatakowaw ickoteriw kitci apatcitatc kirika Miro Manitowa kitci miritakw. Kirawe mackaweritakosiw patok nin. Nin nama ni tipi kicteritakosin wawatc kitci ki maninamowak omaskisiniapi.

Rome iriniwok 11:14

Nit iteriten kirawe kitci otcinawekeritakik niwitc cota iriniwok, atita tca neta e tacitcik kitci ki akwacimakaniwitcik.

Hébreux iriniwok 10:22

Pecowapamatan tca Kice Manito e irikokoteheikw e asperimototawokw, e ketcinaweritamokw. Aci meka tekaci ki mirwinakosinano kitehinak osam e ki maninak kaskina ka maratanik, aci kaie ki kisisipataw kiwiawinariw, nipiriw ka mirwakaminik e ki apatcitatc.