Tite 3:2 - Kice Manito Ocki Omirwatcimowin

² Kaie witamawik aka kitci matcatcimatcik awiriwa, aric kitci totakik kitci miroparihitonaniwonik, kitci mirotehectatotcik, kaie mocak kitci wapatahiwetcik e kicterimatcik kaskina owitc iriniwawa.

Tite 3:2 Iomraidhean Croise

Matio 11:29

Pakiterimitisokw kitci atoskectawiekw. Pakitinicikw kitci kiskinohamatakok. Ni roskitehan meka, kaie ni tipaterimitison. Ki ka tca miskenawaw tapwe arwepiwin kitehiwak.

Ka ki aitotiskeritci Cecoc otarotakana 23:5

Pwar itew: “Niwitcicanak, nama ni kiskerimatai e kitci makatewokorewitc. Tapwe wirata itemakan Kice Manito Omasinahikanik: ‘Nama ki ka papirotowaw ka nikaniwitc kitaskiwak.’”

1 Corinthe iriniwok 6:10

ka kimotitcik, ka asawakerimatcik owitc iriniwawa, mocak ka nicipetcik, ka mareritciketcik, kekotc ka wecimatcik owitc iriniwawa, kaskina aniki nama kata pitakewok Kice Manito Okimawinik.

1 Corinthe iriniwok 9:19

Nama aci ni tiperitakosin. Nama otci peikw iriniw ni tiperimikw. Aric ni ki oreriten kitci tipaterimitisoian kaskina iriniwok kitci ki atoskectawakik, eckam kitci ki mitcetitcik iriniwok ke pe nta nosanehwatcik Krist.

2 Corinthe iriniwok 10:1

Nin Pwar, ki pakoserimitinawaw kitci natotawiekw Cecoc otci, tekaci ka tipaterimitisotc kaie e roskitehetc. Nin nit itikowin kekatc ko e akatcian e itatisian e witci tacikemitakok, aric ma aka e cakwerimoan e kakeskimitakok, e itikoian, mekwata aka e witci tacikemitakok.

2 Corinthe iriniwok 12:20

Ni sekisin, minawatc takociniane neta ka ici tacikeiekw, aka kitci mirowinaman tan e itatisiekw, peikon kaie kirawaw aka kitci mirowinamekw wapamiekw kaie nin tan e itatisian. Ni kocten kitci kikatoekw, kitci otcinawekerimekw kiwitc iriniwaw, kitci kiciwasiekw, kitci papikanitoekw, kitci marerimitoekw, kitci pokonimitoekw, kitci sasekaiekw, acitc kitci arimihitoekw.

Galatie iriniwok 5:22

Aric awik ka tiperimikotc Miro Manitowa, ekoni e itatisitc: sakihew Kice Manitowa kaie owitc iriniwa. Micta mireritam, kaie pekateritam. Ciciperitam. Mirotehew. Miro totawew owitc iriniwa. Mocak kata ki asperimototawakaniwiw.

Galatie iriniwok 6:1

Niwitcicanak, kecpin e keskopitakaniwitc awik arotc e totak, kirawaw ka tiperimitakw Miro Manito ki ta witcihawaw kitci kiwe mitimetc miro meskanariw. Pekatc witcihakw. Nanakatcihitisokw aric, tato nta e taciekw, aka kaie kirawaw kitci kokwetcihikoiekw kitci pactatiekw.

Galatie iriniwok 6:10

Ekoni tca wetci actek kaskina awik kitci miro totawikok, tatwaw ke mirikoikw kitci itotiskeikw, picicikw kiwitcicanowok ka iterimawikok, kaie wirawaw ka asperimototawatcik Cecoca.

Éphèse iriniwok 4:2

Mocak tipaterimitisokw. Pekatisikw. Aka otake kiciwasikw. Wawitcihitokw e sakihitoekw.

Éphèse iriniwok 4:31

Tekaci wepinamokw otameritamowin, cikeritamowin acitc kiciwasiwin. Nama actew kitci notakosinaniwok, aka kaie kitci marerimitonaniwok, tekaci aka kitci matcitwaniwok!

Pirip iriniwok 4:5

Ni masoweriten kaskina awik kitci miro kiskeritak e roskiteheiekw. Aci meka kekatc kata pe takociniw Teperitciketc.

1 Thessalonique irinowok 2:7

Matci wikockatc ki ka ki nataweritamatitan kitci totamekw kaskina e ici nataweritamak, osam meka Krist otarotakana e iteritakosiak. Nitowatc aric ni ki roskitehanan, irikik ka tacikeiak ka ici tacikeiekw, mitowi iskwew e miro nakatawerimatc onitcanica.

1 Timothée 3:11

Okomiwawa kaie mocak kata itatisiriwa kitci kicterimakaniwiritci, aka kitci pa nta arawotcimoritci kitci mareritcikeritci. Nama kaie orina kata minikweriwa acitc mocak kata ki asperimototawakaniwiriw wiec e iciwepanik.

1 Timothée 3:3

Nama orina kata minikwew, nama kaie kata akwatisiw. Kata pekatisiw, kaie nama kata otake kikawotam. Nama orina kata sakitaw coriariw.

Cak ka ki pe ici masinahiketc 3:17

Pitoc aric icinakon anihe miro mitoneritcikan icpimik ka otciparik. Nictam, mictahi mirwacin, nama takon ka maratak neta. Minawatc kaskina wiec wi totcikatew kitci ki miroparihitonaniwok. Pekatisinaniwon, nama mackoctikwaninaniwon, micta mirotehaniwon, acitc mocak ka mirwacik totcikatew. Nama kirawe miro mihakaniwiwok atita iriniwok patok kotakihik, nama kaie miro iriniwikasonaniwon.

Cak ka ki pe ici masinahiketc 4:11

Niwitcicanak, akawir marerimitokw. Anahwe ka marerimatc owitc iriniwa kekotc e wi tipaskonatc, ekoni aci e mareritamwatc otirakonikewiniw Kice Manitowa acitc tipaskonamwew. Kecpin anihe e totaman, aci nta ki miritison kitci tipaskonaman irakonikewin, aka nitowatc kitci nosanetain.

1 Pien 2:1

Wepakanamokw tca kaskina ka ici matcitwaniwok kipimatisiwiniwak. Nama ki ka kiraskinawaw. Nama kaie ki ka miro iriniwikasonawaw. Nama ki ka otcinawekerimawaw kiwitc iriniwaw. Nama kaie ki ka mareritcikanawaw.

1 Pien 3:10

Masinatew meka: “Awik e wi mirerimotc, e nataweritak kitci mireritak e pimatisitc, kata ponitaw arotcikotc e aitetc kaie e kiraskitc.

1 Pien 3:8

Minawatc ohwe mamitcitc kit ititinawaw, kaskina e taciekw. Kotcitakw tapickotc kitci iteritamekw. Kotcitakw kaie kitci nisitotatoekw e aiterimoekw. Sakihitokw, mia peikon kiwitcicaniwawok e iterimitoekw. Mirotehectatokw. Tipaterimitisokw.

1 Pien 4:4

Anotc aci e nosanehwekw Teperitciketc, aniki iriniwok aka ka kiskerimatcik kockopariwok aka aci e wi witcewekok omatci itatisiwiniwak. Aci neta ki marerimikowawok.

2 Pien 2:10

Kata kicakonew picicikw anahweriw tepirak ka nosanetaritci matci totamowiniw, aniheriw e ici nataweritakik iriniwok ka maratanik, kaie anahweriw ka cikeritamiritci kitci tiperimikoritci Kice Manitowa. Tekaci nama cakwerimowok aniki arotc ka kiskinohamaketcik. Kicterimowok. Nama kicterimewok anahweriw ka icperitakosiritci. Marerimewok.

Jude 1:10

Aric aniki iriniwok mareritamok kaskina kekociciriw aka ka ici nisitotakik. Minawatc oniwirikowok aniheriw omatci totamowiniwaw, pokona e aitotakik, e itatisitcik mia mitowi awesisa e kiskeritamiritci ke totamiritci aka e mamitoneritamiritci.

Jude 1:8

Ekoni peikon e itotisketcik aniki iriniwok anotc ka pe icatcik neta e mawotcihitoekw. Takoniw e icinakik, enkweriw ka nosanetatcik e pactatitcik, e micta matci totatisotcik. Nama ici naheritamok kitci tiperimikotcik Kice Manitowa. Marerimewok aceriwa ka icperitakosiritci, wakwek ka tacikeritci.