Tite 3:1 - Kice Manito Ocki Omirwatcimowin

¹ Mikawasomik kaskina ka nosanehwatcik Cecoca kitci natotawatcik okimawa kirika kice okimawa ota askik, kitci itotisketcik tan e itikotcik, kaie mocak kitci ickwa aiketcik kitci totakik kaskina ka mirwacinik.

Tite 3:1 Iomraidhean Croise

Matio 22:21

“Kice Okimaw,” itewok. Itew Cecoc: “Mirakw Kice Okimaw ka ici tiperitak, peikon kaie wir Kice Manito mirakw ka ici tiperitak.”

1 Corinthe iriniwok 15:58

Sokikapowikw, niwitcicanak ka micta sakihitakok! Aka pakiterimokw! Mocak atoskectawakw Teperitciketc e irikokoteheiekw. Ki kiskeritenawaw meka aka wiskat ceckwat e mantokasoekw e totamekw, e mamweritakosiekw kirika Teperitciketc.

Éphèse iriniwok 2:10

Wir meka Kice Manito ka ki ocihitokw. Ki ki kicerimikono mocak kitci miro totamokw, e mamweritakosiikw kirika Cecoc Krist. Enkweriw ni aci kicatc ka iteritakipan kitci ici pimatisiikw.

Pirip iriniwok 1:11

Kata mitcen ke ici miro totamekw, icikowisk e itatisiekw, wir Cecoc e ki miritakw kitci totamekw, kaskina e tacinaniwok kitci icperimakaniwitc Kice Manito, kaie mocak kitci mirwatcimakaniwitc.

Colosse iriniwok 1:10

Ki ka tca kackitanawaw wewerita kitci itatisiekw kotc e ici nataweritak Teperitciketc otirinima kitci itatisiritci, mocak e miro totamekw kotc e ici mireritak. Kata mitcen tca ke miro totamekw e nakowi aicinakok, kirika mocak eckam ki ka miro kiskerimawaw Kice Manito.

1 Timothée 2:2

Ki ta aiamihectamowanowok okimawok kaie kaskina aniki ka nikaniwitcik, kitci ki otci pekatisiikw ota kitaskinak kaie kitci pekaterimoikw, e kicterimokw Kice Manito, kirika mia e nosanehwokw.

1 Timothée 4:6

Kecpin ohwe witamawote kiwitcicaninowok, ki ka miro atoskectawaw Cecoc Krist, kirika kata otci kiskeritakon e otci mackawisihikoin, e sokeritaman Kice Manito otitewin acitc e nosanetain miro kiskinohamakewin.

1 Timothée 5:10

kaie kitci kiskeritakositc mocak e ki pe miro totak, kaie wewerita e ki mihatc onitcanica mekwata e matcekiritci, acitc wewerita e ki mihatc owitc iriniwa omikiwamik ka pe kiwotamikotc, kirika e ki kisisipatcisitenatc owitc iriniwa ka tapwerimaritci Cecoca, kaie e ki witcihatc owitc iriniwa e arimipariritci, acitc mocak e ki miro totak e pa witcihiwetc. Aniheriw e ki pe miro totak matci kata ki masinahwakaniwiw cikaw masinahikanik kitci witcihakaniwitc.

2 Timothée 1:6

Ekoni wetci mikwasimitan kitci manatcitain anihe caweritcikan Kice Manito ka ki ici mirisk kitci atoskectawotc, ka ki mirikoin ka aiamihectamatan, ka takinitan.

2 Timothée 2:14

Mikawasimik aniheriw kaskina ka tapwerimatcik Cecoca, acitc nataweritamawik, Kice Manito e kanawapamitakw, aka kitci kikatotcik itewiniw otci. Nama wiec irapatan e kikatonaniwok anihe otci. Matci aniki ka natotakik kata ki otci oniwirikowok.

2 Timothée 2:21

Peikon kaie kecpin awik e totak kitci maninikaterik aniheriw ka maratanik otehik, kata iteritakosiw kitci totak kekociciriw e kicteritakonik. Kata mirwapatisiw okimama otci, mitowi anihe orakan ka kicteritakok kitci iteritakositc, e ickwa aiketc kitci totak ka mirwacinik, kotc e icinakonik.

Tite 1:16

Itewok e kiskerimatcik Kice Manitowa, aric e matci totakik, wapatahiwewok aka e kiskerimatcik. Cikeritakosiwok, nama wi natotamok, kaie tekaci nama kackitawok kitci itotisketcik kekociciriw e ici mirwacinik.

Tite 2:14

Ki pakiterimitiso kirano otci kitci ki otci wikotcihitokw kaskina ka maratanik, aci kitci ki mirwinakosiikw kitehinak, wir tipirawe otirinima kitci ki iteritakosiikw, kitci ki mocak wi miro totamokw.

Tite 3:14

Acteriw kaskina ka nosanehwatcik Cecoca kirika kirano kitci mantokasotcik kaie wirawaw mocak kitci miro totakik, mocak kitci ki witcihatcik iriniwa ka notepariritci kekociciriw. Kata tca mirwapataniw opimatisiwiniwaw.

Tite 3:8

Enko anihe ka ketcinaweritamokw kitci isparik. Ni nataweriten mocak kaskina anahwe kaketin kitci ici witamawotcik iriniwok, kitci otci wikokwe mocak itotisketcik aniki ka tapwerimatcik Kice Manitowa. Enko anihe ka mirwacik kaie ke ki witcihikotcik kaskina iriniwok.

Hébreux iriniwok 13:21

Ni nataweritamawaw Kice Manito kitci miritakw kitci kackitaiekw kitci totamekw kaskina ka mirwacik wir e ici nataweritak. Nit aiamihan kaie kitci totak wir e ici nataweritak kitehinak, e miratc Ka Tiperimitokw Cecoc Krist kitci totamiritci, anihi ka iteritakosiritci nespitc kitci icperimakaniwitc! Kekora iki ki.

2 Pien 1:12

Ekoni mocak ke otci mikawasimitakok anihe ka aiarimotaman ota, misawatc aci e miro kiskeritamekw, acitc misawatc anotc e mackawisiekw e sokikapowiekw neta tapwewinik, anihe tapwewin ka ki pe otitikoiekw.

Jude 1:5

Misawatc aci weckatc e ki miro kiskeritamekw anihe, ni nataweriten kitci mikawasimitakok: Teperitciketc e ki akwacimatc Israël iriniwa e ki orowitahatc neta Égypte askik, minawatc aric e ki iterimatc kitci niporitci anahweriw aka ka ki otci asperimototakotc.