Tite 2:8 - Kice Manito Ocki Omirwatcimowin

⁸ Acteriw mocak icikowisk kitci ititakok ke aitein, kirika aka ke ki anweritcikatek, aka awik wiec kitci ki itetc, kitci tca waneritakik aniki iriniwok ka wi itactahoritokok, aka e miskakik kekociciriw e maratanik neta kititatisiwinik.

Tite 2:8 Iomraidhean Croise

Mark 12:17

Itew Cecoc: “Mirakw Kice Okimaw ka ici tiperitak, peikon kaie wir Kice Manito mirakw ka ici tiperitak.” Ki micta mamiskasitawewok ka ki ici naskamikotcik.

Mark 12:28

Peikw iriniw ka kiskinohamaketc cota aiamihe irakonikewiniw ki petawew e taci aimihitoritci anahweriw Sadducéen iriniwa, kaie ki petawew Cecoca wewerita e naskamowaritci. Ki natcikapowictawew Cecoca e tca kokwetcimatc: “Kekw irakonikewin ka mawotci kicteritakok neta aiamihe irakonikewinik?”

Mark 12:32

Anahwe ka kiskinohamaketc cota aiamihe irakonikewiniw itew Cecoca: “Kiskinohamake iriniw, kaskina ka ki itein ki tapwan. Teperitciketc, enko tepirak ka kice manitowitc. Nama taw kotak.

Mark 12:34

Cecoc kiskerimew wewerita e ki naskamoritci. Itew tca: “Ki pecowapaten Kice Manito Okimawin.” Ka ickwa aitetc aniheriw, nama aci awik ki otci wi kokwetcimew kekociciriw.

Luc Omasinahikan 13:17

Aniki ka wi marerimawaspan Cecoca ki waneritamok aniheriw e itikotcik. Aric kaskina kotakihik iriniwok neta ka tacikewaspan ki micta mireritamok e wapamatcik Cecoca e miro totamiritci.

2 Thessalonique iriniwok 3:14

Kecpin peikw neta e taciekw aka natotake e ici kiskinohamakeiak ota masinahikanik, nanakatcitakw aniheriw ka itotisketc, aka kaie awocamec pamerimakw, kitci ki otci waneritak e ki matci totak.

1 Timothée 5:14

Ekoni wetci nataweritaman ka ocki pimatisitcik cikawok kitci koski nipowitcik kaie kitci onitcanicitcik, acitc kitci miro mitatcik omikiwamiwaw, aka tca kitci ki takonik ke itawikok aniki ka wi itactahoritokok.

1 Timothée 6:3

Kecpin awik pitoc ici kiskinohamakete kirika aniheriw ka ki ici kiskinohamakeritci anihi Ka Tiperimitokw Cecoc Krist, kaie aka ici nahitake ka ici kiskinohamakaniwonik ke itatisiritci iriniwa ka asperimototawaritci Cecoca,

Tite 3:14

Acteriw kaskina ka nosanehwatcik Cecoca kirika kirano kitci mantokasotcik kaie wirawaw mocak kitci miro totakik, mocak kitci ki witcihatcik iriniwa ka notepariritci kekociciriw. Kata tca mirwapataniw opimatisiwiniwaw.

1 Pien 2:12

Icikowisk ki ka itatisinawaw. Kecpin tca iriniwok aka ka kiskerimatcik Kice Manitowa wapamitakwe e itatisiekw, misawatc kecpin e itactahoritakw kekwariw, kata kiskeritamok peikon mocak e miro totamekw kaie kata mirwatcimewok minawatc takociniritena.

1 Pien 2:15

Tapwe wirata, ekoni e ici nataweritak Kice Manito, kitci miro totamekw, aka awocamec kitci ki kitotcik aniki iriniwok aka ka wi waskamateritakik, aka ka kiskeritakik e aitetcik e itactahoriwetcik.

1 Pien 3:16

Pekatc aric ki ka ici naskamonawaw acitc ki ka kicterimawok aniki ke ici kokwetcikemotcik. Ki ta kiskeritenawaw kitehiwak e miro totamekw. Otcitciparike tca kitci marerimikoiekw e miro itatisiekw aci Cecoc e nosanehwekw, aniki ka wi itactahoritakok kata waneritamok e ki pokonimitakok.