Tite 2:5 - Kice Manito Ocki Omirwatcimowin

⁵ icikowisk kitci iteritakik; kitci tca mirwinakositcik otehiwak; kitci miro mitatcik omikiwamiwaw; kitci mirotehetcik; kaie kitci natotawatcik onapemiwa. Kecpin ni itotisketawe, nama kata mareritcikateriw Kice Manito otitewin.

Tite 2:5 Iomraidhean Croise

Ka ki aitotiskeritci Cecoc otarotakana 9:36

Neta Jaffa otenacik tapan peikw iskwew e tapwerimaspan Cecoca, Tabitha icinikasopan. —Grec e ici arimwaniwok, anihe icinikasowin, Dorcas itwaniwon, wackeciw e wi itemakak.— Anahwe iskwew aspinikotc otamikepan e otamirotc e miro totak kirika e witcihatc ka kitimakisiritci.

Ka ki aitotiskeritci Cecoc otarotakana 9:39

Tecikotc Pien ki matcaw, kirika ki nosanehwew. Ka takocik neta, ki iciwirakaniwiw neta aricapik icpimitakok ka ici takonik, Tabitha ka ici miciniritci. Kaskina iskwewok ka cikawitcik pe waskakapowictawewok Piena e matotcik. Wapatahewok kapotowaniw kirika kotakeriw wikasiriw Tabitha e ki ocitakopanen mekwata kiapatc e pimatisispan.

Rome iriniwok 14:16

Misawatc e kiskeritaman aka e ki otci patahaman, ki ta nanakatcitan e totaman, aka kitci otci arimomikoin e marerimikoin.

Rome iriniwok 2:24

Ekoni meka e itasinatek Omasinahikanik: “Iriniwok aka ka cota iriniwitcik papirotawewok Kice Manitowa osam e wapatakik kirawaw e itatisiekw.” Ésaïe 52.5

1 Corinthe iriniwok 11:3

Aric ni nataweriten kitci nisitotamekw ohwe: Krist tiperimew kaskina iriniwa, kirika iriniw e nipowitc tiperimew otiskwema, peikon kaie wir Kice Manito tiperimew anihi Krist.

1 Corinthe iriniwok 14:34

nama kata arimwewok iskwewok. Nama pakitinakaniwiwok kitci arimwetcik ka ici aiamihaniwonik. Kata pakiterimitisowok kitci natotakik, kotc e itacterik Kice Manito otirakonikewin kitci totakik.

Éphèse iriniwok 5:33

Peikon aric e ici nataweritakosiekw kaie kirawaw: tato iriniw neta e taciekw kitci sakihatc owiwa, mia e asitci sakihitisotc. Tato iskwew kaie kitci kicterimatc onapema.

Colosse iriniwok 3:18

Kirawaw iskwewok ka nipowiekw: tato neta e taciekw kata pakiterimitiso kitci natotawatc onapemiekw. Ekoni meka e acterik kitci ici nosanehwakaniwitc Teperitciketc.

1 Timothée 5:10

kaie kitci kiskeritakositc mocak e ki pe miro totak, kaie wewerita e ki mihatc onitcanica mekwata e matcekiritci, acitc wewerita e ki mihatc owitc iriniwa omikiwamik ka pe kiwotamikotc, kirika e ki kisisipatcisitenatc owitc iriniwa ka tapwerimaritci Cecoca, kaie e ki witcihatc owitc iriniwa e arimipariritci, acitc mocak e ki miro totak e pa witcihiwetc. Aniheriw e ki pe miro totak matci kata ki masinahwakaniwiw cikaw masinahikanik kitci witcihakaniwitc.

1 Timothée 6:1

Kaskina arotakanak tekaci kata kicterimewok okimamiwawa, aka kitci otci mareritcikaterik Kice Manitowa oticinikasowiniw, kaie aka kitci mareritcikaterik ka ici kiskinohamakeiak.

Tite 2:4

kitci kiskinohamawatcik iskwewa ka ocki iskwewiritci kitci miro sakiharitci onapemiwa kaie onitcaniciwa;