Tite 2:3 - Kice Manito Ocki Omirwatcimowin

³ Peikon kaie ke ici witamawotcik iskwewok ka kiceatisitcik, ki ka itawok kitci ici pimatisitcik kotc e ici nataweritamiritci Kice Manitowa: aka kitci mareritciketcik; aka kitci minikwetcik; kitci tca kiskinohamaketcik ka mirwacinik;

Tite 2:3 Iomraidhean Croise

Rome iriniwok 1:29

Enko ohweriw kaskina matci kekociciriw e ici mockinerik otehiwak. Nama icikowisk ici mihewok owitc iriniwawa, micta matci totamok, wisakerimewok owitc iriniwawa e nataweritakik e ici tatamiritci, matcatikosiwok. Otcinawekerimitowok, manohowok, macikotatowok, wecimiwewok, mareritcikewok kaie itactahorehok.

Rome iriniwok 16:2

Kicterimakw Teperitciketc otci, kotc e acterik kaskina Kice Manito otirinima kitci ici mihitotcik e tacitcik. Kaskina wiec ici witcihakw, nataweritamatakwe ke ici witcihekw. Wir tipirawe mitcet iriniwa ki witcihew, kaie nin ni ki witcihikw.

Éphèse iriniwok 5:3

Kice Manito otirinima kit iteritakosinawaw. Tekaci tca nama actew kitci takok pacikwatisiwin, matci pimatisiwin kekotc marisiwin neta kipimatisiwiniwak, aka wawatc kitci takok ke ki otci marerimikoiekw.

1 Timothée 3:11

Okomiwawa kaie mocak kata itatisiriwa kitci kicterimakaniwiritci, aka kitci pa nta arawotcimoritci kitci mareritcikeritci. Nama kaie orina kata minikweriwa acitc mocak kata ki asperimototawakaniwiriw wiec e iciwepanik.

1 Timothée 3:8

Kaie wirawaw ka atoskectawatcik ka tapwerimaritci Cecoca acteriw kaie wirawaw kitci itatisitcik kitci kicterimakaniwitcik acitc otehiwak kitci otciparinik kaskina e aitotakik. Nama kata micta minikwewok minicaporiw, nama kaie kata wecimewok iriniwa kitci otci ocoriamitcik.

1 Timothée 5:23

Ponita tepirak nipi e minikwein. Memantcic minicapo ki ta minikwan kitci miro miparik kimitcimim, mocak meka ki wi akosin.

Tite 1:7

Awik ke nikaniwitc neta, atoskectawew Kice Manitowa. Ekoni wetci acterik aka kitci takonik ke ki otci itactahorakaniwitc e ki matci totak. Nama kata sasekaw, nama kata otake kiciwasiw, kaie nama kata minikwew. Nama kaie kata akwatisiw, acitc nama kata matci totam kitci ki coriaketc.

Tite 2:4

kitci kiskinohamawatcik iskwewa ka ocki iskwewiritci kitci miro sakiharitci onapemiwa kaie onitcaniciwa;

Hébreux iriniwok 5:12

Aci ki ta kackitanawaw kirawaw tipirawe kitci kiskinohamawekok kotakihik iriniwok. Nama aric moci nte icinakon. Kiapatc actew kitci kiskinohamakoiekw nictam ka ki ici witamakoiekw Kice Manito otipatcimowin otci. Mia peikon awacic e iteritakosiekw, aka moci ka kackitatc e mitcik mitcimiriw, patoc kiapatc tcotcocanaporiw e minihakaniwitc.

Ka ki ici wapatahakaniwitc Jean 2:20

Aric enko ohwe aka ka sakitaian e totamekw: ki pakitinawaw anahwe iskwew, Jézabel ka icinikatakaniwitc, kitci wecimitakw, e itekasotc: ‘Kice Manito ni ki mirikw ke ici tipatcimowak.’ Mitcet onicimew iriniwa ka atoskectawiritci e kiskinohamawatc kitci pacikwatisiritci, kaie kitci mitciritci wiasiriw e ki cawerimakaniwirispana manitokana.