Tite 2:2 - Kice Manito Ocki Omirwatcimowin

² Ki ka witamawawok ka kiceatisitcik aka kitci minikwetcik, icikowisk kitci itatisitcik kitci ki otci kicterimakaniwitcik, icikowisk kitci iteritakik, acitc kitci sokikapowitcik tapwe e asperimototawatcik Kice Manitowa, e irikokotehetcik kitci sakihatcik owitc iriniwawa, kaie kitci ciciperitakik e nakickakik arimisiwiniw.

Tite 2:2 Iomraidhean Croise

Mark 5:15

Tekocikik neta Cecoca ka ici tacikeritci, wapamewok kaie anihi iriniwa ka ki pitciteheckakorispana matci manitowa e mitcetiritci, aci tekaci pitoc e icinakosiritci aka e taritci omatci manitomiwariw. Motcik taci apiriw. Aci owikasimiriw, aci kaie cowatc e itiritci. Ki micta sekisiwok aniki iriniwok.

Luc Omasinahikan 8:35

Kaskina ki pe icawok iriniwok e wi wapatakik ka ki isparinik. Tekocikik neta Cecoca ka ici tacikeritci, wapamewok kaie anihi iriniwa ka ki orowiticohamowakaniwiritci omatci manitoma. Taci apiw anahwe iriniw, pecotcik Cecoca e ici nanipowiritci. Aci owikasimiriw, aci kaie cowatc itiriw. Ki micta sekisiwok aniki iriniwok.

Ka ki aitotiskeritci Cecoc otarotakana 24:25

Aric apitc Pwar ka iti aiarimotak mocak icikowisk kitci ici pimatisinaniwonik, kitci miro nanakatcihitisonaniwonik kaie kitci otcitciparinik e tipaskonikaniwonik, anahwe Félix ki kokwarisikitawew, e itatc: “Ekoni! Aci ki ta matcan! Nikotin ickwa aikeiane ki ka wicamitin minawatc.”

Rome iriniwok 12:3

Wetci ki cawerimitc Kice Manito e ki mirotehekotawitc, ohwe kit ititinawaw kaskina kirawaw e taciekw: aka awocamec kicterimitisokw patok tapwe e iteritakosiekw. Kirawe wewerita mamitonerimitisokw tapwe e icinakosiekw, tato nta e taciekw kitci kanawapatak e ici kackitatc, kotc ka ici mirikotc Kice Manitowa kitci asperimototawatc.

1 Corinthe iriniwok 15:34

Wewerita mamitoneritamokw! Ponitakw e matci totamekw. Atita e taciekw nama moci kiskerimewok Kice Manitowa. Nit itwan ohwe kitci waneritamitakok.

1 Corinthe iriniwok 9:25

Kaskina aniki ka nataweritakik kitci mipatatcik kaketin nikan nisawiwok e mantokasotcik e otamirotakik owiawiwa. Wetci itotisketcik, kitci ki kanewitcik aniheriw ke ici pakitinikaterik e kanewinaniwonik, aka kinowec ke apatanik. Aric kirano ki totenano kitci kanewiikw caweritakosiwin, aka wiskat ke ickwaparik.

2 Corinthe iriniwok 5:13

Kecpin tca “ni kiwockweritenan” e iterimimitcik atita iriniwok, nama wiec nit iteritenan. Kice Manito meka nit atoskectawanan. Kecpin aric tapwe tipickotc e icinakok nimitoneritcikanan, wetci icinakok, kirawaw ni otci.

Galatie iriniwok 5:23

Roskitehew acitc miro nanakatcihitiso. Nama takon irakonikewin e itemakak aka kitci ici pimatisinaniwok.

Pirip iriniwok 4:8

Minawatc, niwitcicanak, ohwe mamitcitc ki wi witamatinawaw: mamitoneritamokw kaskina ka mirwacik, acitc ka iteritakok kitci mirwatcitcikatek, kaskina ka tapwemakak, ka kicteritakok, icikowisk ka iteritakok, kaskina ka peikinakok, acitc kaskina ka mireritcikatek, kaie ka kicteritcikatek.

1 Thessalonique irinowok 5:6

Ekoni wetci actek aka kitci nipaikw, mitowi kotakihik e nipatcik. Mocak nanakatisitan kirika kitci aiekwaminitisoikw.

1 Thessalonique irinowok 5:8

Aric kirano ki pimotanano e mekwa kicikak. Ekoni wetci actek kitci aiekwaminitisoikw. Tapwetamowin kirika sakihiwewin ki ka apatcitanano, mia mitowi cimakanic e piskak piwapisko papakiwaniw kitci aiekwaminitisotc. Mitowi kaie e piskak otactotin ka mackawarik, ki ka matcikonenawaw tapwe e asperimoikw kitci akwacimikoiekw.

1 Timothée 1:10

acitc aniki otci ka pacikwatisitcik, kaie iriniwok ka otapinatcik kotakihi iriniwa mia e otiskwemitcik kitci totakik, acitc aniki otci ka kimotitcik iriniwa kitci atawetcik kitci atoskectakeritci, kaie aniki ka kiraskitcik ko, kirika ka kiraski nespi tapwetcik kitci otci itactahorakaniwiritci kotakihi awiriwa, kaie ki itactakaniwon irakonikewin iriniwok otci kaskina kotakeriw ka ici matci totakik, ka ki witamakoikw tapwe kiskinohamakewinik kitci atimikapowictamokw.

1 Timothée 1:14

Nipara ni ki mirikw omirotehewin anahwe Ka Tiperimitokw. Ni ki mirikw kitci asperimototawak kirika kitci sakihiweian, kotc e miratc kaskina ka mamweritakositcik kirika Cecoc Krist.

1 Timothée 1:2

Ki masinahamatin, Timothée, e iterimitan mia nin tipirawe nikosis tapickotc e asperimototawokw Cecoc. Ni pakoserimawok Kotawino Kice Manito kirika anahwe Ka Tiperimitokw Cecoc Krist kitci acotamaskik mirotehewiniw kaie okitimakeritcikewin acitc pekateritamowiniw.

1 Timothée 1:5

Wetci ititan anihe kitci witamawotcik aniki iriniwok, kitci tca iti sakihatcik owitc iriniwawa. Kata kackitawok kecpin e pekitehetcik, kaie kecpin e kiskeritakik otehiwak e miro totakik, acitc kecpin otehiwak e otciparinik e asperimototawatcik Kice Manitowa.

1 Timothée 3:11

Okomiwawa kaie mocak kata itatisiriwa kitci kicterimakaniwiritci, aka kitci pa nta arawotcimoritci kitci mareritcikeritci. Nama kaie orina kata minikweriwa acitc mocak kata ki asperimototawakaniwiriw wiec e iciwepanik.

1 Timothée 3:2

Anahwe ke nikaniwitc, acteriw kitci miro iriniwitc, aka kitci takonik ke ki otci itactahorakaniwitc e ki matci totak. Patoc kata peikohew iskwewa. Nama kata osameritakosiw. Pekatc kata pimatisiw. Kata kicterimakaniwiw e miro totak. Kata miro mihew owitc iriniwa e pe kiwoteritci omikiwamik, kaie kata kackitaw e kiskinohamaketc.

1 Timothée 3:4

Kata kackitaw kitci miro mihatc kaskina ka witci tacikemikotc, kitci tca sapitakotc onitcanica acitc tekaci kitci kicterimikotc.

1 Timothée 3:8

Kaie wirawaw ka atoskectawatcik ka tapwerimaritci Cecoca acteriw kaie wirawaw kitci itatisitcik kitci kicterimakaniwitcik acitc otehiwak kitci otciparinik kaskina e aitotakik. Nama kata micta minikwewok minicaporiw, nama kaie kata wecimewok iriniwa kitci otci ocoriamitcik.

1 Timothée 5:1

Pekatc ki ka aimihaw kice iriniw, nama ki ka kakeskimaw. Ki ka wikosimaw mia peikon tipirawe kotawi. Peikon kaie ockinikiwok, mia peikon kiwitcicanak ke totawotcik.

Tite 1:13

Tapwe aniheriw ka ki itetc. Kaketin tca ki ta kakeskimawok aniki iriniwok icikowisk kitci asperimototawatcik Cecoca,

Tite 1:8

Acteriw mocak kitci mireritak kitci pitakewiratc omikiwamik owitc iriniwa e takociniritci. Mocak kata mireritam ka mirwacinik e totcikaterik. Otcitakotc icikowisk kitci iteritak, kaie icikowisk kitci itatisitc, kitci mirwinakositc otehik, acitc kitci miro nanakahitisotc.

Tite 2:7

Minawatc kaie kir mocak tepirak ka mirwacik ki ka itotiskan kitci ki keskinowapamiskik. Tekaci wewerita kiskinohamake, kitehik kitci otciparik, aka arica e itein kekocic.

Philémon 1:9

Aric ki sakihitin, ekoni wetci kirawe mireritaman tepirak kitci nataweritamatan kekocic. Nin Pwar ka nataweritamatan ohwe, kotc e icinakosian e kice iriniwian, kiapatc e kipohokoian Cecoc Krist otci.

1 Pien 1:13

Ekoni wetci actek kitci weriekw kimitoneritcikaniwak kitci atoskectakeiekw. Nanakatisikw. Tekaci ki ka asperimonawaw anihe caweritcikan ke mirikoiekw minawatc takocike Cecoc Krist.

1 Pien 4:7

Aci iti peconakon kitci ickwaparik kaskina kekocic. Nanakatisikw tca, kirika wewerita mamitoneritamokw, aka kekocic kitci otimickakoekw e aiamihaiekw.

1 Pien 5:8

Nanakatisikw mocak. Aiekwamictamokw kaskina kekocic. Aiekwamictowakw Matci Manito e wi cakotcihitakw. Mocak meka nantowapamew iriniwa e wi cakotcihatc, tarasak mia micapiciw e pa pimotetc e kitotc e nantowapamatc ko awiriw kitci ki mowatc.

2 Pien 1:6

kaie kitci nanakatcihitisoekw e itatisiekw, acitc aka kitci pakiterimitisoekw, minawatc mocak kitci miro nosanehwekw Kice Manito,