Tite 2:1 - Kice Manito Ocki Omirwatcimowin

¹ Aric kir, ki ka kiskinohamakan kiskinohamakewin icikowisk ka icinakok.

Tite 2:1 Iomraidhean Croise

1 Timothée 1:10

acitc aniki otci ka pacikwatisitcik, kaie iriniwok ka otapinatcik kotakihi iriniwa mia e otiskwemitcik kitci totakik, acitc aniki otci ka kimotitcik iriniwa kitci atawetcik kitci atoskectakeritci, kaie aniki ka kiraskitcik ko, kirika ka kiraski nespi tapwetcik kitci otci itactahorakaniwiritci kotakihi awiriwa, kaie ki itactakaniwon irakonikewin iriniwok otci kaskina kotakeriw ka ici matci totakik, ka ki witamakoikw tapwe kiskinohamakewinik kitci atimikapowictamokw.

1 Timothée 6:3

Kecpin awik pitoc ici kiskinohamakete kirika aniheriw ka ki ici kiskinohamakeritci anihi Ka Tiperimitokw Cecoc Krist, kaie aka ici nahitake ka ici kiskinohamakaniwonik ke itatisiritci iriniwa ka asperimototawaritci Cecoca,

2 Timothée 1:13

Wewerita ki ka kanaweriten anihe tapwewin ka ki ici kiskinohamatan, mocak kaie kitci sakihiwein, kaie kitci asperimototawotc Cecoc Krist, kotc e ici pimatisinaniwok e mamweritakosinaniwok kirika wir.

Tite 1:9

Otcitakotc kaie kitci miro kanaweritak otehik Kice Manitowa otitewiniw ka tapwemakanik, kotc ka ki ici kiskinohamawakaniwitc, kitci ki tca sokimatc owitc iriniwa e miro kiskinohamawatc acitc kitci ki wapatahatc e patahamiritci anahweriw aka ka wi nahitamiritci.

Tite 3:8

Enko anihe ka ketcinaweritamokw kitci isparik. Ni nataweriten mocak kaskina anahwe kaketin kitci ici witamawotcik iriniwok, kitci otci wikokwe mocak itotisketcik aniki ka tapwerimatcik Kice Manitowa. Enko anihe ka mirwacik kaie ke ki witcihikotcik kaskina iriniwok.

1 Pien 4:11

Anahwe ka aiarimwetc kata witam tipatcimowiniw mia Kice Manitowa wir tipirawe e arimweritci. Minawatc anahwe ka ki mirakaniwitc kitci atoskectaketc, kata irapatcitaw aniheriw mackawisiwiniw ka ki ici mirikotc Kice Manitowa kitci witcihiwetc, mocak wir Kice Manitowa kitci icperimakaniwiritci, Cecoc Krist otci, anahwe nespitc ke icperimakaniwitc e micta mackawisitc! Kekora ki iki.