Tite 1:9 - Kice Manito Ocki Omirwatcimowin

⁹ Otcitakotc kaie kitci miro kanaweritak otehik Kice Manitowa otitewiniw ka tapwemakanik, kotc ka ki ici kiskinohamawakaniwitc, kitci ki tca sokimatc owitc iriniwa e miro kiskinohamawatc acitc kitci ki wapatahatc e patahamiritci anahweriw aka ka wi nahitamiritci.

Tite 1:9 Iomraidhean Croise

Ka ki aitotiskeritci Cecoc otarotakana 18:28

Kaketin meka ki aimihew cota iriniwa, neta e ici mitcetinaniwonik, wewerita e naskamowatc e wapatahatc e ici onipariritci. Ki wapatahew neta e ici masinaterik Kice Manito Omasinahikanik, aniheriw ka itemakanik, Cecoc tapwe wir anihi ka ki itespan Kice Manito kitci pe iciticohwatc ota askik kitci akwacimiweritci.

1 Corinthe iriniwok 14:24

Kecpin aric kaskina e taciekw iti tipatatamekwe tipatcimowin Kice Manito ka ki miritakw, arimwewiniw e apatcitaiekw kitci nisitotakoiekw, e pe tca pitaketc iriniw aka ka tapwerimatc Cecoca kekotc ma aka ka kiskeritakik ka isparinik, kata otci kiskeritam e ki pactatitc. Kata cakotciteheckako aniheriw ka ki ici petak.

1 Thessalonique irinowok 5:21

Aric nta kiskeritamokw kaskina kekocic, kitci kiskeritamekw e apitc nete otciparinikwen Kice Manitok. Kanaweritamokw tca ka mirwacik.

2 Thessalonique iriniwok 2:15

Ekoni wetci actek, niwitcicananak, kitci sokikapowiekw e asperimototawekw Kice Manito kirika kitci kanaweritamekw kaskina anihe kiskinohamakewin ka ki ici kiskinohamatak, e ki arimotamatak acitc e ki masinahamatak.

1 Timothée 1:10

acitc aniki otci ka pacikwatisitcik, kaie iriniwok ka otapinatcik kotakihi iriniwa mia e otiskwemitcik kitci totakik, acitc aniki otci ka kimotitcik iriniwa kitci atawetcik kitci atoskectakeritci, kaie aniki ka kiraskitcik ko, kirika ka kiraski nespi tapwetcik kitci otci itactahorakaniwiritci kotakihi awiriwa, kaie ki itactakaniwon irakonikewin iriniwok otci kaskina kotakeriw ka ici matci totakik, ka ki witamakoikw tapwe kiskinohamakewinik kitci atimikapowictamokw.

1 Timothée 1:15

Ketcinaweritakon ohwe ka ititan. Otcitakotc kaskina awik kata otapinam e irikokotehetc kitci nisitotak: Cecoc Krist ki pe icaw ota askik kitci akwacimatc ka pactatiritci. Nin tca, nin kirawe ni ki pactatin patok kaskina kotakihik.

1 Timothée 1:19

Kanawerita kitapwetamowin kaie kanawerimitiso, mocak kitci kiskeritaman kitehik e ki miro totaman. Atita meka iriniwok nama ki otci wi natotamok tan e itikotcik otehiwaw, misawatc otehiwak e kiskeritakwapan ka mirwacinik kaie aka ka mirwacinik. Ki tca otci pakiteritamok otapwetamowiniwaw.

1 Timothée 4:9

Ketcinaweritakon ohwe ka iteian, e tipi mirwapatak kaskina awik kitci natotakik.

1 Timothée 6:3

Kecpin awik pitoc ici kiskinohamakete kirika aniheriw ka ki ici kiskinohamakeritci anihi Ka Tiperimitokw Cecoc Krist, kaie aka ici nahitake ka ici kiskinohamakaniwonik ke itatisiritci iriniwa ka asperimototawaritci Cecoca,

2 Timothée 1:13

Wewerita ki ka kanaweriten anihe tapwewin ka ki ici kiskinohamatan, mocak kaie kitci sakihiwein, kaie kitci asperimototawotc Cecoc Krist, kotc e ici pimatisinaniwok e mamweritakosinaniwok kirika wir.

2 Timothée 2:2

Ka ki ici petawiin e tipatcimoian e mitcetinaniwok, ekoni kaie kir ke ici acotamawotcik iriniwok ka iterimatcik kaie wirawaw kitci kackitatcik kitci kiskinohamawatcik owitc iriniwawa, mocak ke ki asperimototawakaniwiritci wiec e iciwepanik.

2 Timothée 2:25

Pekatc kata kiskinohamawew kaskina anihi aka ka nahitakotc. Pot kata witcihikowok Kice Manitowa pitoc kitci iteritakik kaie kitci ki kiskeritakik tapwewiniw.

2 Timothée 3:14

Kir aric, wewerita kanawerita ka ki ici kiskinohamakoin, ka ki ici naheritaman e kiskeritamopan otcitakotc e tapwemakak. Ki kiskerimawok meka awin aniki ka ki kiskinohamaskik.

2 Timothée 4:3

Nikotin kata otcitciparin aka kitci wi natotakik iriniwok kiskinohamakewiniw e tapwemakanik. Kata nosanetawok wirawaw tipirawe ke ici nataweritakik e maratanik. Kata tca natotawewok tepirak anahweriw ka wi natotawatcik. Kata mawotcihewok mitcet iriniwa kitci kiskinohamakotcik wa ici petakik.

Tite 1:11

Acteriw kitci otcinehwakaniwitcik aka ni kitci ici kiskinohamaketcik, osam meka e matciparihatcik mitcet iriniwa kirika otcirowemakaniwa, e kiskinohamaketcik kekociciriw aka ka acterik kitci ici kiskinohamakaniwonik. Kirika aniheriw wetci totakik, tepirak kitci otci coriaketcik e matci totakik.

Tite 2:1

Aric kir, ki ka kiskinohamakan kiskinohamakewin icikowisk ka icinakok.

Jude 1:3

Nimiro nikwimesak, aci weckatc ni nataweritetai kitci masinahamatakok, ohwe e wi arimotamapan: Kice Manito e ki akwacimitokw kaskina tapickotc e taciikw. Minawatc aric ni ki iteriten ohwe otcitakotc kitci arimotamatakok ota nimasinahikanik: kitci wikosimitakok kitci kispiwatamekw anihe tapwetamowin Kice Manito ka ki miratc otirinima. Peikwaw ki pakitinam, kaskina awiriw otci, nespitc kitci apatanik.

Ka ki ici wapatahakaniwitc Jean 2:25

Wewerita aric kanaweritamokw e ici tapweritamekw, nac kitci pe takocinian.

Ka ki ici wapatahakaniwitc Jean 3:11

Aci peconakon kitci pe koski takocinian! Wewerita kanaweritamokw kitasperimowiniwaw, aka awik kitci maskamatakw ke ici kackitamatisoekw.

Ka ki ici wapatahakaniwitc Jean 3:3

Mikaweritamokw tca anihe kiskinohamakewin ka ki pe otitikoiekw kaie ka ki ici petamekw. Sapitamokw kaie kweskatisikw! Kecpin aka kockosiekwe, kimotc ki ka keskopititinawaw, aka kitci kiskeritamekw apitc ke pe icaian, mia mitowi kimoti iriniw e itotisketc aka e kiskeritakositc apitc ke pe takocik.