Tite 1:8 - Kice Manito Ocki Omirwatcimowin

⁸ Acteriw mocak kitci mireritak kitci pitakewiratc omikiwamik owitc iriniwa e takociniritci. Mocak kata mireritam ka mirwacinik e totcikaterik. Otcitakotc icikowisk kitci iteritak, kaie icikowisk kitci itatisitc, kitci mirwinakositc otehik, acitc kitci miro nanakahitisotc.

Tite 1:8 Iomraidhean Croise

Luc Omasinahikan 2:25

Tapan iriniw neta otenak Jérusalem, Simion icinikasopan. Anahwe iriniw icikowisk itatisipan. Kicterimepan Kice Manitowa kirika pehepan anihi ke pe nta akwacimaritci Israël iriniriw. Miro Manitowa witci tacikemikopan anahwe Simion,

Ka ki aitotiskeritci Cecoc otarotakana 24:25

Aric apitc Pwar ka iti aiarimotak mocak icikowisk kitci ici pimatisinaniwonik, kitci miro nanakatcihitisonaniwonik kaie kitci otcitciparinik e tipaskonikaniwonik, anahwe Félix ki kokwarisikitawew, e itatc: “Ekoni! Aci ki ta matcan! Nikotin ickwa aikeiane ki ka wicamitin minawatc.”

1 Thessalonique irinowok 2:10

Kirawaw tipirawe ki kiskeritenawaw ohwe, Kice Manito kaie wir tipirawe kiskeritam. Mekwata ka witci tacikemitak, kirawaw ka tapwerimekw Cecoc, ki mirwinakon nitehinan, mocak icikowisk ni ki itatisinan, nama kaie ki otci takon ke ki otci itactahorikoiak e ki matci totamak.

1 Timothée 3:2

Anahwe ke nikaniwitc, acteriw kitci miro iriniwitc, aka kitci takonik ke ki otci itactahorakaniwitc e ki matci totak. Patoc kata peikohew iskwewa. Nama kata osameritakosiw. Pekatc kata pimatisiw. Kata kicterimakaniwiw e miro totak. Kata miro mihew owitc iriniwa e pe kiwoteritci omikiwamik, kaie kata kackitaw e kiskinohamaketc.

1 Timothée 4:12

Nama acteriw awik kitci tipiterimisk tepirak e awaciwotc. Aric ki ta itatisin, kaskina ka tapweritakik kitci kiskeritakik ke ici pimatisitcik kaie wirawaw e wapamiskik: mocak kitci miro arimwein, icikowisk kitci itatisiin, mocak kitci sakihatcik kiwitc iriniwok, mocak kitci asperimototawotc Kice Manito, acitc tekaci kitci pekitehein.

1 Timothée 6:11

Aric kir Kice Manito otirinima, atimikapowicta kaskina anihe ka maratak. Wi mackawisi, tipickotc kitci ici pimatisiin kaie kitci miro nosanehwotc Kice Manito. Mocak ki ka asperimototawaw. Ki ka sakihawok kiwitc iriniwok, ki ka ciciperiten, kaie ki ka roskitehan.

2 Timothée 2:22

Ocimocta notc ka ici micta sakitatcik ka ocki pimatisitcik e maratanik. Mantokaso e nantowapataman miro itatisiwin, tapwetamowin, sakihiwewin, kirika pekateritamowin, kirika kaie wirawaw kotakihik ka pakoserimatcik Teperitcikeritci e pekitehetcik.

2 Timothée 3:3

Nama kata sakihewok owitc iriniwawa kaie nama kata kitimakerimewok. Orina kata mareritcikewok. Kata akwatisiwok kirika kata mireritamok e nekatcihiwetcik. Kata matcitawok kirika kata cikeritamok ka mirwacinik e totcikaterik.

Tite 2:7

Minawatc kaie kir mocak tepirak ka mirwacik ki ka itotiskan kitci ki keskinowapamiskik. Tekaci wewerita kiskinohamake, kitehik kitci otciparik, aka arica e itein kekocic.

1 Jean 3:14

Ki kiskeritenano aci e ki nakatamokw nipowin, pimatisiwinik tca kitci tacikeikw. Wetci kiskeritamokw anihe, osam e sakihokok kiwitcicaninowok. Anahwe aka ka sakihiwetc, kiapatc tiperimiko nipowiniw.

1 Jean 5:1

Kaskina awik ka tapwetak ohweriw: “Cecoc enko anahwe Krist, anihi ka ki itetc Kice Manito kitci pe iciticohwatc kitci akwacimimitokw,” Kice Manitok itekera ki otci nitawikiw. Kaie kaskina awik ka sakihatc awiriw, sakihew kaie anahweriw onitcaniciriw.