Tite 1:7 - Kice Manito Ocki Omirwatcimowin

⁷ Awik ke nikaniwitc neta, atoskectawew Kice Manitowa. Ekoni wetci acterik aka kitci takonik ke ki otci itactahorakaniwitc e ki matci totak. Nama kata sasekaw, nama kata otake kiciwasiw, kaie nama kata minikwew. Nama kaie kata akwatisiw, acitc nama kata matci totam kitci ki coriaketc.

Tite 1:7 Iomraidhean Croise

Matio 24:45

“Tan anahwe ka miro atoskectaketc, mocak ke ki asperimototawakaniwitc kitci miro otamirotc kirika ka kakitaweritak? Anahwe ka mirikotc anihi ka tiperimikotc kitci nanakatcihatc kotakihi ka atoskectakeritci, tato kickwa kitci miratc omitcimimiriw apitc pakateritena.

Luc Omasinahikan 12:42

Itiko Teperitcikeritci: “Tan anahwe ka miro atoskectaketc, mocak ke ki asperimototawakaniwitc kitci miro otamirotc kirika ka kakitaweritak? Anahwe ka mirikotc anihi ka tiperimikotc kitci nanakatcitatc mikiwamiriw, kaie tato kickwa kitci miratc kotakihi ka atoskectakeritci omitcimimiriw apitc pakateritena.

Éphèse iriniwok 5:18

Aka kiwockweparitisokw. Kecpin meka nipara minicapo e minikweiekw, otcitakotc ki ka onactamatisonawaw kipimatisiwiniwaw, tekaci kitci oniciniekw. Aric mirakw Miro Manito kitci mockineckatakw.

Pirip iriniwok 1:1

Ninan Pwar kaie Timothée ka masinahamatak, Cecoc Krist e atoskectawakitc. Kirawaw otci kaskina Kice Manito otirinima ka tacikeiekw Pirip otenak ka nosanehwekw Cecoc Krist, kaie kirawaw ka nikaniwiekw acitc kirawaw ka atoskectawaiekw ka tapwerimatcik Cecoca.

Tite 1:5

Ki ki nakatitin neta Crète kitci kictain anihe aka moci ka ki otci kicitakaniwok, kirika kitci pa icain kaskina otenaskak neta Crète askik, tato otenak kitci orapamatcik aniki iriniwok neta e tacitcik ke nikaniwitcik, ke mihatcik anahweriw iriniwa ka tapwerimaritci Cecoca. Mamitonerita ka ki witamatan ke itotiskein:

Tite 2:3

Peikon kaie ke ici witamawotcik iskwewok ka kiceatisitcik, ki ka itawok kitci ici pimatisitcik kotc e ici nataweritamiritci Kice Manitowa: aka kitci mareritciketcik; aka kitci minikwetcik; kitci tca kiskinohamaketcik ka mirwacinik;

1 Pien 4:10

Tato neta e taciekw acteriw kitci miro irapatcitatc aniheriw caweritcikaniw ka ki ici mirikotc Kice Manitowa, kotc e aicinakonik, kitci ki miro atoskectawatc owitc iriniwa. Ekoni tca kaskina tapickotc ke ici miro irapatcitaiekw anihi caweritcikaniw ka ki ici cawerimitakw Kice Manito, nakowi e icinakonik.

1 Pien 5:2

Miro nanakatcihakok aniki iriniwok Kice Manito ka ki miritakw kitci nakatawerimekok. Wewerita nanakatcihakok, tarasak mia maritcenici iriniwok ka miro nanakatcihatcik omaritcenicimiwawa kitci totamekw. Aka natarima totamokw, aric otcita e nataweritamekw, mia Kice Manito e ici nataweritak, aka kaie tepirak coria e kanawapatamekw, aric e wi atoskectakeiekw.

2 Pien 2:10

Kata kicakonew picicikw anahweriw tepirak ka nosanetaritci matci totamowiniw, aniheriw e ici nataweritakik iriniwok ka maratanik, kaie anahweriw ka cikeritamiritci kitci tiperimikoritci Kice Manitowa. Tekaci nama cakwerimowok aniki arotc ka kiskinohamaketcik. Kicterimowok. Nama kicterimewok anahweriw ka icperitakosiritci. Marerimewok.