Tite 1:5 - Kice Manito Ocki Omirwatcimowin

⁵ Ki ki nakatitin neta Crète kitci kictain anihe aka moci ka ki otci kicitakaniwok, kirika kitci pa icain kaskina otenaskak neta Crète askik, tato otenak kitci orapamatcik aniki iriniwok neta e tacitcik ke nikaniwitcik, ke mihatcik anahweriw iriniwa ka tapwerimaritci Cecoca. Mamitonerita ka ki witamatan ke itotiskein:

Tite 1:5 Iomraidhean Croise

Ka ki aitotiskeritci Cecoc otarotakana 11:30

Ekoni ka ki totakik. Ki mawotcitawok kekwariw. Kaskina ki mirewok aniheriw Barnabasa kirika Saula kitci nta miraritci anahweriw e taciritci ka nikaniwiritci iriniwa otci ka tapwerimaritci Cecoca nete Judée askik kitci matinamakeritci.

Ka ki aitotiskeritci Cecoc otarotakana 14:23

Papeikw ka ici mawotcihitoritci ka tapwerimaritci Cecoca, ki orapamewok ke nikaniwiritci. Minawatc ko e ickwa aiamihatcik kirika e ki roskosotcik, ki aiamihectamowewok, mocak kitci nanakatcihikoritci Teperitcikeritci, anihi ka ki asperimototawaritci.

Ka ki aitotiskeritci Cecoc otarotakana 2:11

kaie Crète e otcitcik acitc Arabie askik. Atita nta e taciikw cota iriniwiwok esko ka nitawikitcik. Kotakihik kaie ki kweski aiamihawok kitci cota iriniwitcik. Peikon kaskina ki petawananowok e ici arimwetcik kirano tipirawe papitoc e ici arimweikw, e atisokatakik Kice Manitowa otamirowiniw e kice mirwacinik!”

Ka ki aitotiskeritci Cecoc otarotakana 27:12

Neta Bon-Ports ka tacikeiak nama mirwacinokopan kitci piponicinaniwok. Ekoni wetci mitcet iriniwok ka ki posiwaspan ki oreritamok tecikotc kitci matcehoak, e nataweritakwapan kitci kokwe macakaiak neta otenak Phénix ka icinikaterik, rarewak e ici takonik aniheriw otenariw neta minictikok Crète ka icinikaterik, nte e iciketinik itekera cawonok-wapanok, kaie tca kiwetinok-nekapehonok. Ekota neta wa ici piponiciwakopanen.

Ka ki aitotiskeritci Cecoc otarotakana 27:13

Minawatc pekatc ki iti opirawew, nte e otcirowek cawanok. Ki iti iteritamok wikockatc kitci takocikik nete Phénix otenak. Ki okitcipitamok matcikwapisoniwapiriw e tca matcehotcik, micta pecotcik e iti rarehotcik aniheriw minictikoriw Crète ka icinikaterik.

Ka ki aitotiskeritci Cecoc otarotakana 27:21

Aci weckatc nama mitcisopanak neta tcimanik ka taciketcik. Ekoni ka ici pasikotc Pwar nikanik e icikapowitc neta e ici tacikeritci, e itatc: “Ki ta ki natotawinawaw, nikwimesak. Nama ki ta ki otci nakatenano ohwe minictikw Crète ka icinikatek. Nama ki ta ki otci onitano anahwe kaskina kekocica ka ki pakopepinikatek, nama kaie ki ta ki otci arimihikono.

Ka ki aitotiskeritci Cecoc otarotakana 27:7

Mitceto kickwa pekatc ni ki macinan. Ni ki micta arimisinan kitci natakahamak pecotcik neta otenak, Cnide ka icinikatek. Mictahi rotinopan meka, ni nanikepacitan nte kitci ki ici matceaciakipan. Ekota nta ka iti itaciak matciteak, Salmoné ka icinikatek, nac nete e ki ici tipinowecimoroak Crète minictikok.

1 Corinthe iriniwok 11:34

Kecpin awik e pakatetc, kirawe kata miroparinipan patima kitci mitcisotc omikiwamik epwamoci pe icatc, aka wiec kitci isparinik mekwata e mawotcihitoekw, aka tca kitci kiciwahekw Teperitciketc. Minawatc pe natawapamitakoke kotak kiapatc kekocic ki ka arimotamatinawaw.

1 Corinthe iriniwok 14:40

Wewerita totamokw kaskina kekocic e mawotcihitoekw kitci aiamihaiekw, aka arotcikotc kitci totamekw.

1 Corinthe iriniwok 4:17

Ekoni wetci pe iciticahamatakok Timothée, mia nikosis e iterimak e sakihak, mocak e miro atoskectawatc Teperitcikeritci, kaskina e totak e ici nataweritamakotc. Ki ka mikawasimikowaw tan e ici pimatisiwak e nosanehwak Cecoc Krist. Ekoni mia e pe ici kiskinohamakeian kaskina wiec e pa icaian, e natawapamakik iriniwok ka mawotcihitotcik kitci aiamihatcik e tapwerimatcik Cecoca.

Colosse iriniwok 2:5

Misawatc aka anotc e witci tacikemitakok, mictahi ki mamitonerimitinawaw, mia e witci tacikemitakok kitehiwak. Ni mireriten kaie e wapamitakok e sokiteheiekw acitc e sokikapowiekw e asperimototawekw Krist.

1 Timothée 1:3

Aci ki ki witamatin ohwe ka matcaian, Macédoine askik ka icaian, kiapatc kitci tacikein neta Éphèse otenak. Tawok meka neta iriniwok arotc ka kiskinohamaketcik, kirika actew kitci witamawotcik kitci ponitatcik.

2 Timothée 2:2

Ka ki ici petawiin e tipatcimoian e mitcetinaniwok, ekoni kaie kir ke ici acotamawotcik iriniwok ka iterimatcik kaie wirawaw kitci kackitatcik kitci kiskinohamawatcik owitc iriniwawa, mocak ke ki asperimototawakaniwiritci wiec e iciwepanik.

Tite 1:12

Takopan peikw iriniw ka nikan tipatcimokopanen Crète, ekote wetcikopanen kaie wir, ki itew: “Iriniwok Crète ka otcitcik, mocak nita kiraskiwok, micta ko matcitawok, kirika kitimiwok, tepirak e mamitoneritakik kitci mitcisotcik.”