Tite 1:4 - Kice Manito Ocki Omirwatcimowin

⁴ Ki masinahamatin, Tite, kir mia tapwe nikosis e iterimitan, tapickotc e asperimototawokw Cecoc. Ni pakoserimawok Kotawino Kice Manito kirika Cecoc Krist Ka Ki Akwacimitokw, mocak kitci miritakok mirotehewiniw kirika pekateritamowiniw.

Tite 1:4 Iomraidhean Croise

Luc Omasinahikan 2:11

Anotc ka mi tipiskarik, ota Tapit otenamik, awik ki nitawikiw kirawaw otci, Ke Akwacimitakw. Enko na Krist, Teperitciketc.

Jean 4:42

Kaie ki itewok anihi iskwewa: “Aci ni tapwerimanan, nama tepirak kir ka ki ici tipatcimoin, aric kaie ninan tipirawe e ki petawakitc. Ni kiskeritenan tca, enko anahwe tapwe Ke Akwacimatc iriniwa ota askik.”

Rome iriniwok 1:12

Anihe ka wi iteian, ni nataweriten tapickotc kaskina kitci witcihitoikw kitci sokikapowiikw. E asperimototawekw Cecoc ki ka otci witcihinawaw, kaie nin ki ka otci witcihitinawaw e asperimototawak Cecoc.

Rome iriniwok 1:7

Ki masinahamatinawaw kirawaw Rome otenak ka tacikeiekw, kaskina e taciekw ka sakihitakw Kice Manito kaie ka ki wicamitakw kitci pimatisiekw wir otci. Ni pakoserimawok Kotawino Kice Manito kirika Cecoc Krist Teperitciketc kitci miritakok mirotehewiniw kaie pekateritamowiniw.

2 Corinthe iriniwok 12:18

Ni ki wikosimaw Tite kitci natawapamitakok, kaie kotak kiwitcicanino ka kiskerimekw ni ki iciticohwaw kaie wir kitci witciwatc. Nama ki ki otci wecimikowaw anahwe Tite, tapwe taina! Wir kaie nin mocak tapickotc ni totenan, tapickotc e iteritamak.

2 Corinthe iriniwok 2:13

ni ki sekisin peikon. Nama meka ni ki otci miskawaw kiwitcicanino Tite nete. Ekoni wetci ki matcacikokik iriniwok neta Troas otenak, minawatc e ki ici matcaian, nete Macédoine askik e icaian.

2 Corinthe iriniwok 4:13

Masinatew Kice Manito Omasinahikanik: “Ni ki tapweten, ekoni wetci ki arimweian.” Psaumes 116.10 Ekoni peikon kaie ninan e ici tapwetamak mia ka ki ici tapwetak kaie wir anahwe ka ki masinahak aniheriw. Ni tapwetenan, ekoni wetci arimweiak.

2 Corinthe iriniwok 7:6

Aric Kice Manito, anahwe mocak ka pakitinak sokerimowiniw anahweriw ka atweritcikeritci, ekoni ka totak ninan otci, e ki pakitinatc anihi Tite ka icinikasoritci kitci pe natawapamimitc.

2 Corinthe iriniwok 8:16

Ni naskomaw Kice Manito e ki miratc anihi Tite kitci nataweritamiritci e irikokoteheritci kitci nta witcihitakw, mitowi ninan e nataweritamak kitci witcihitak.

2 Corinthe iriniwok 8:23

Wir Tite, enko na ka pa witcewitc mocak ota, kaie tapickotc ni otamironan e witcihitak. Aniki tca e nicitcik kiwitcicaninowok ka witcewatcik, ki pe iciticohokowok anahweriw ka tapwerimaritci Cecoca ka mawotcihitoritci ko kotakihik otenaskak kitci aiamiharitci, kirika wetci itotisketcik, kitci ni kicterimakaniwitc Krist.

2 Corinthe iriniwok 8:6

Ekoni wetci ki kokwetcimakitc Tite kitci kiwe natawapamitakw, tapickotc kitci kicitaiekw anihe miro otamirowin ka otci kitciparitc nete kotenamiwak, e mawotcitciketc kitci witcihakaniwiritci anahweriw iriniwa ka kitimakisiritci.

Galatie iriniwok 2:3

Tapwe wirata, Tite, anahwe ka Grec iriniwitc, aka tca ka cota iriniwitc, anahwe ka ki pe witciwitc, nama wawatc wir ki otci itakaniwiw otcitakotc kitci kicawatocwakaniwitc aci e nosanehwatc Cecoca.

Galatie iriniwok 3:26

Kice Manito onitcanica kit iteritakosinawaw, kaskina e taciekw, aci e asperimototawekw Cecoc Krist.

Galatie iriniwok 3:28

Nama aci pitoc iteritakosiwok ka cota iriniwitcik kaie aka ka cota iriniwitcik, arotakanak kaie aka ka atoskectaketcik, iriniwok kaie iskwewok. Tapwe wirata, kaskina e taciekw mia peikw kit iteritakosinawaw, tapickotc e mamweritakosiekw kirika Cecoc Krist.

Éphèse iriniwok 1:2

Ni pakoserimawok Kotawino Kice Manito kaie Teperitciketc Cecoc Krist, mirotehewiniw kirika pekateritamowiniw kitci acotamatakok.

Colosse iriniwok 1:2

Ki masinahamatinawaw, kirawaw Kice Manito otirinima, Colosses otenak ka tacikeiekw, niwitcicananak e iterimitak, mocak ka asperimototakoiekw, tapickotc e mamweritakosiikw kirika Krist. Ni pakoserimowanan Kotawino Kice Manito kitci acotamatakw mirotehewiniw acitc pekaterimowiniw.

1 Timothée 1:12

Mikwetc nit itaw Cecoc Krist, anahwe Ka Tiperimitokw, ka ki miritc mackawisiwiniw ka wi apatcitaiapan kitci itotiskewak notamirowiniw. Mikwetc nit itaw e ki tipi asiterimitc kitci acotamawitc aniheriw kitci ici otamirowak, e ki orapamitc kitci atoskectawak,

2 Timothée 1:1

Nin Pwar ka masinahamatan ohwe, Cecoc Krist otarotakana, Kice Manito e ki iterimitc kitci iteritakosiwak kirika kitci tipatcimowak aniheriw ocki pimatisiwiniw ka ki ici nespi tapwetc kitci miritokw kaskina e taciikw ka tapwerimokw Cecoc Krist.

2 Timothée 1:2

Ki masinahamatin, Timothée, e sakihitan, mia tipirawe nikosis e iterimitan. Ni pakoserimawok Kotawino Kice Manito kirika anahwe Ka Tiperimitokw Cecoc Krist kitci acotamaskik mirotehewiniw kaie okitimakeritcikewin acitc pekateritamowiniw.

2 Timothée 4:10

Démas ni ki nakatikw, osam e sakitatc kekociciriw ota askik. Ki matcaw, nete e icatc Thessalonique otenak. Crescens nete wir ki icaw Galatie, minawatc anahwe Tite ekote neta Dalmatie askik ka icatc.

Tite 1:3

Apitc ka iteritak kitci otcitciparinik, ki pakitinam, otitewin e ki totak, kitci kiskeritamokw kitci mirikoikw kakike pimatisiwiniw. Ni ki acotamakw kitci tipatcimowak otitewin, wir Kice Manito, anahwe Ka Ki Akwacimitokw, e ki witamawitc kitci itotisketc.

Tite 2:13

Ekoni ke itatisiikw mekwata e petaikw anihe e kicikak ke mireritamokw, minawatc pe takocike Cecoc Krist, anahwe Ka Ki Akwacimitokw e micta icperitakositc, Kikice Manitomino.

2 Pien 1:1

Nin Simo Pien ka masinahamatakok, Cecoc Krist e atoskectawak, otarotakana e iteritakosiwak. Ki masinahamatinawaw, kaie kirawaw ka ki pe otitikoiekw tapwetamowin e micta mirwacinik, mia peikon e asitakok kaie ninan ka ki ici otitikoiak, Cecoc Krist e ki totak kitci icinakonik, icikowisk e iteritakositc, wir Kikice Manitomino acitc Ka Ki Akwacimitokw.

2 Pien 1:11

Ekoni kaie ke otci mireritcikatek kitci mirikoiekw kitci pitakeiekw Okimawinik aka wiskat ke ickwaparinik, aniheriw Okimawin anahwe Ka Tiperimitokw Cecoc Krist, anahwe Ka Ki Akwacimitokw.

2 Pien 2:20

Tapwe wirata tawok aci ka ki kackihotcik aniheriw matci meskanariw ka nosanetawaspan ka oniwiriwemakanik, notc e ici pimatisiritci iriniwa aka ka nosanehwaritci Kice Manitowa. Ki kackihowok osam e ki kiskerimatcik anihi Ka Tiperimitokw, Cecoc Krist, Ka Ki Akwacimitokw. Minawatc aric ki pakitinitisowok kitci tiperimikotcik matci pimatisiwiniw kaie kitci cakotcihikotcik, nac kirawe arimipariwok patok e asitci arimipariwaspan epwamoci kiskerimatcik Cecoca.

2 Pien 3:18

Ekoci kiapatc mocak omirotehewinik itekera kitci ici matcaiekw anahwe Ka Tiperimitokw Cecoc Krist, Ka Ki Akwacimitokw, eckam kaie kitci iti kiskerimekw. Nespitc kitci icperimakaniwitc, anotc kaie kakike! Kekora ki iki. Nin Pien

2 Pien 3:2

e mikawasimitakok weckatc ka ki pe aitetcik iriniwok ka ki pe nikan tipatcimotcik Kice Manitowa otci e kitcitwaweritakositcik, acitc aniheriw ka ki ici kiskinohamatakw Cecoc otarotakana, Teperitciketc otirakonikewiniw, anahwe Ka Ki Akwacimitokw.

1 Jean 5:14

Aci ki ki sokeritenano e pakoserimokw Kice Manito. Ki natotakono meka kecpin e nataweritamawokw kekociciriw kotc e iteritak.

Jude 1:3

Nimiro nikwimesak, aci weckatc ni nataweritetai kitci masinahamatakok, ohwe e wi arimotamapan: Kice Manito e ki akwacimitokw kaskina tapickotc e taciikw. Minawatc aric ni ki iteriten ohwe otcitakotc kitci arimotamatakok ota nimasinahikanik: kitci wikosimitakok kitci kispiwatamekw anihe tapwetamowin Kice Manito ka ki miratc otirinima. Peikwaw ki pakitinam, kaskina awiriw otci, nespitc kitci apatanik.