Tite 1:2 - Kice Manito Ocki Omirwatcimowin

² Ekota nta ke otci takonik asperimowiniw kitci kiskeritakik otcitakotc kitci kakike pimatisitcik. Kice Manito, aka wiskat e kiraskitc, ki nespi tapwew, epwamoci kiceritak askiriw, kitci miriwetc kakike pimatisiwiniw.

Tite 1:2 Iomraidhean Croise

Matio 25:34

Minawatc anahwe okimaw kata itew anahweriw onihiwinik ka icikapowiritci: ‘Petcimotekw, kirawaw ka cawerimitakw Notawi. Pe nta otapinamokw ohwe Okimawin ka wi mirikoiekw, aci weckatc ka ki nisawitakaniwok kirawaw otci, esko ka kiceritcikatek aski.

Matio 25:46

“Aniki iriniwok kata iciticohwakaniwiwok kakike arimisiwinik. Aric aniki ka ki totakik e ici nataweritamiritci Kice Manitowa kata icawok kakike pimatisiwinik.”

Mark 10:17

Mia e iti matcatc Cecoc, aci pe mowinitiko peikw iriniwa, e tca nipiskoctakotc, e kokwetcimikotc: “Miro kiskinohamake iriniw, tan ke ki totaman kitci ki mirikoian kakike pimatisiwin?”

Mark 10:30

awocamec mitato mitana tatwaw kata mirakaniwiw, anotc mekwata e pimatisitc: mikiwamiriw kaie askiriw, acitc ke octesitc, ke omisitc, ke ocimitc, ke okawitc, ke onitcanicitc acitc ke otaskitc kata mirakaniwiw, kirika nekatcitawiniw kata pe otitiko. Minawatc nanake nikanik kakike pimatisiwiniw kata pe otitiko.”

Jean 10:28

Kakike pimatisiwiniw ni mirawok. Nama tca wiskat kata oniciniwok. Nama awik ni ka ki pe maninamakw nitcitcik e takonimaki.

Jean 17:2

Ki ki meka miraw kitci tiperimatc kaskina iriniwa ota askik, kitci ki miratc kakike pimatisiwiniw kaskina ka ki acotamawotc kitci nosanehikotc.

Jean 17:24

“Notawi, ki ki mirin nitirinimak, kirika ni nataweriten kitci witci tacikemitcik nte ke ici tacikeian kitci ki wapatakik niticperitakosiwiniw, anihe icperitakosiwin ka ki miriin, osam meka e ki sakihiin epwamoci kiceritcikatek ohwe aski.

Jean 5:39

Wewerita ki kiskinohamasonawaw Kice Manito Omasinahikanik, e iteritamekw, ‘Ekota nta ke otci miskamak kakike pimatisiwin.’ Ekota aric ni mia neta masinahikanik ka ici tipatcimikoian!

Jean 6:54

Anahwe ka mitcik niwiawiriw kaie ka minikwetc nimikoriw, aci anotc takoniw kakike pimatisiwiniw, kaie ni ka apitcipahaw mamitcitc kicikarike.

Jean 6:68

Itew anahwe Simo Pien: “Teperitcikein, awin kotak awik ke ki nosanehwakitc? Kir meka ka pakitinaman anihi itewina kitci ki otci kakike pimatisinaniwok!

Ka ki aitotiskeritci Cecoc otarotakana 15:18

aci weckatc ka kiskeritamihiwetc aniheriw!’ ” Amos 9.11-12

Rome iriniwok 1:2

Aci weckatc Kice Manito ki nespi tapwepan kitci pe iciticahak aniheriw Mirwatcimowiniw. Ki witamawepan otirinima ka nikan tipatcimoritci. Ki tca masinahamok aniki wirawaw, neta Kice Manito Omasinahikanik ka kitcitwaweritakonik.

Rome iriniwok 16:25

Mirwatcimatan Kice Manito! Kackitaw kitci miritakw mackawisiwiniw kitci sokikapowiekw e asperimototawekw, kotc mocak ka ki iteian e tipatcimoan Mirwatcimowin Cecoc Krist e arimomakaniwitc, ka ki mirikoikw kitci kiskeritamokw aniheriw aci weckatc ka iteritakipan kitci pe iciwepanik, kinowec ka ki katcicterikipan.

Rome iriniwok 2:7

Kakike pimatisiwiniw kata mirew anahweriw mocak ka mantokasoritci kitci miro totamiritci kirika ka nataweritamiritci Kice Manitowa kitci mirikotcik icperitakosiwiniw, kicteritamowiniw kirika kakike pimatisiwiniw.

Rome iriniwok 5:2

Wir Cecoc ka ki ocitatc meskanariw kirano otci kitci ki kiskeritamwokw Kice Manito omirotehewin, nta e ici sokikapowiikw e asperimototawokw. Ki mireritenano e asperimoikw, e ketcinaweritamokw otcitakotc kitci icperitakosiikw mia wir e asitci icperitakositc.

Rome iriniwok 5:21

Tapwe mackawisimakanokopan pactatowin. Ki cakotcihikowakopan meka iriniwok, ekoni wetci ki nipotcik. Aric peikon mackawisimakaniw Kice Manito omirotehewin kitci miritokw icikowisk kitci iteritakosiikw. Enkoni ke otci pe kakike pimatisiikw, osam Cecoc Krist, anahwe Ka Tiperimitokw, e ki totak kaskina kitci icinakonik.

Rome iriniwok 5:4

Minawatc e ciciperitamokw, ekota ni wetciparik kitci ki sokiteheikw. E tca sokiteheikw, ekota ni wetciparik kitci asperimoikw.

Rome iriniwok 6:23

Kecpin awik atoskectake pactatowiniw, kackitamatiso kitci nipotc. Aric Kice Manito cawerimew kaskina awiriw ka witcewaritci kirika anihi Ka Tiperimitokw Cecoca, e miratc kakike pimatisiwiniw, aka e petatc kitci koski mirakaniwitc kekwariw.

Colosse iriniwok 1:27

Nataweritamokopan meka Kice Manito kitci kiskeritamiritci wa ici kiskeritamihaspan, aniheriw ka wi totakipan, e apitc mirwacinik kaie e micta icperitakonik, ka ki icitatc kaskina iriniwa otci. Enkweriw tca ka ki katcicterikipan: ki witci tacikemikowaw Krist kitehiwak kaie ki mirikowaw kitci ketcinaweritamekw tapwe kaie kirawaw kitci pe otitikoiekw Kice Manitowa oticperitakosiwiniw.

1 Thessalonique irinowok 2:15

Enko meka aniki cota iriniwok ka ki totakik kitci nipahakaniwiritci Teperitcikeritci Cecoca acitc anihi weckatc ka ki pe nikan tipatcimoritci. Kaie ninan tca ni ki nekatcihikonanak. Nama mireritamihewok Kice Manitowa! Matciparihitowok kaie kirika kaskina iriniwa.

1 Thessalonique irinowok 5:8

Aric kirano ki pimotanano e mekwa kicikak. Ekoni wetci actek kitci aiekwaminitisoikw. Tapwetamowin kirika sakihiwewin ki ka apatcitanano, mia mitowi cimakanic e piskak piwapisko papakiwaniw kitci aiekwaminitisotc. Mitowi kaie e piskak otactotin ka mackawarik, ki ka matcikonenawaw tapwe e asperimoikw kitci akwacimikoiekw.

1 Timothée 6:12

Mantokaso kitci ici pimatisiin e ici tapweritaman, aka kitci cakotcihikoin. Otapina anihe kakike pimatisiwin ka ki cawerimikoin apitc ka witaman aci e tapwerimatc Cecoc, mitcet iriniwok kitci petakik. Ki ki wicamikw meka Kice Manito kitci kiskeritamwotc kaskina aniheriw pimatisiwiniw.

1 Timothée 6:19

Ani totakawe, mia peikon e mawotcitatcik kekociciriw e kicteritakonik kaie ka kictapatanik, kinowec ke apatanik nikanik, kitci ki tca mirakaniwitcik tapwe pimatisiwiniw.

2 Timothée 1:1

Nin Pwar ka masinahamatan ohwe, Cecoc Krist otarotakana, Kice Manito e ki iterimitc kitci iteritakosiwak kirika kitci tipatcimowak aniheriw ocki pimatisiwiniw ka ki ici nespi tapwetc kitci miritokw kaskina e taciikw ka tapwerimokw Cecoc Krist.

2 Timothée 1:9

Wir ka ki akwacimitokw kirika ka ki wicamitokw otirinima kitci iteritakosiikw. Nama ki otci itotiskew osam e ki miro totamokw, aric tepirak osam e ki ici nataweritak kitci totak kirika e mirotehetc. Aci weckatc, epwamoci kiceritak askiriw, ki iteritamokopan kitci mirikoiak aniheriw omirotehewin, e pe iciticohwatc okosa Cecoc Krist.

2 Timothée 2:10

Ekoni wetci sokeritaman, kitci ki witcihimaki anahweriw Kice Manito ka ki orapamatc, kaie wirawaw kitci ki akwacimakaniwitcik e asperimotcik Cecoc Krist, kaie kakike kitci ki pimatisitcik Kice Manito oticperitakosiwinik.

2 Timothée 2:13

Kecpin e pakiterimoikw, aka tca kitci ki asperimototakoikw, wir nama wiskat kata pakiterimo, mocak e iteritakositc kitci ki asperimototawakaniwitc. Nama wiskat meka kata ki meckotatisiw.”

2 Timothée 2:15

Mantokaso kaskina e totaman, kitci mirerimisk Kice Manito e wapamisk, mitowi otamiro iriniw aka ka waneritak otamirowin e mirwacinik, wewerita tca e tipatcimoin Kice Manito otitewin e tapwemakanik.

Tite 2:13

Ekoni ke itatisiikw mekwata e petaikw anihe e kicikak ke mireritamokw, minawatc pe takocike Cecoc Krist, anahwe Ka Ki Akwacimitokw e micta icperitakositc, Kikice Manitomino.

Tite 2:7

Minawatc kaie kir mocak tepirak ka mirwacik ki ka itotiskan kitci ki keskinowapamiskik. Tekaci wewerita kiskinohamake, kitehik kitci otciparik, aka arica e itein kekocic.

Tite 3:7

otcitakotc kitci ki otitikoikw kakike pimatisiwin, osam e ki miritokw icikowisk kitci ki iteritakosiikw, omirotehewin e ki apatcitatc.

1 Jean 2:25

Ohweriw kaie ki ici nespi tapwew Krist kitci miritokw: kakike pimatisiwiniw.

1 Jean 5:20

Ki kiskeritenano tapwe e ki pe icaritci ota askik Kice Manito Okosa, kirika e ki miritokw kakitaweritamowiniw kitci ki kiskerimimokw anihi tapwe ka Kice Manitowiritci. Ki witcewano anahwe tapwe ka Kice Manitowitc, osam Okosa Cecoc Krist e ki itotiskeritci kitci icinakonik. Enko meka anahwe tapwe ka Kice Manitowitc, kaie ka pakitinak kakike pimatisiwiniw.

Jude 1:21

Ekota nta ici pimotekw Kice Manito osakihiwewinik, mekwata e pehekw anahwe Ka Tiperimitokw Cecoc Krist kitci miritakw kakike pimatisiwiniw, e apitc mirotehetc.

Ka ki ici wapatahakaniwitc Jean 13:8

Kaskina iriniwok e tacitcik ota askik ki kicterimewok anihi matci awesisa, kaskina aniki aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw. Maritcenic ka ki nipahakanitc, enko na ka tiperitak aniheriw masinahikaniw.

Ka ki ici wapatahakaniwitc Jean 17:8

Anahwe matci awesis ka ki wapamatc weckatc pimatisipan, aci aric nama pimatisiw. Kata orowiw neta ka pokoneckarik ka micta wararik. Kata tca nta ickwanakaniwiw. Iriniwok ka pimatisitcik ota askik aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw, kata mamiskaterimewok anihi matci awesisa. Pimatisipan meka weckatc, anotc aci aka e pimatisitc, minawatc kata pe koski takociniw.”