Tite 1:11 - Kice Manito Ocki Omirwatcimowin

¹¹ Acteriw kitci otcinehwakaniwitcik aka ni kitci ici kiskinohamaketcik, osam meka e matciparihatcik mitcet iriniwa kirika otcirowemakaniwa, e kiskinohamaketcik kekociciriw aka ka acterik kitci ici kiskinohamakaniwonik. Kirika aniheriw wetci totakik, tepirak kitci otci coriaketcik e matci totakik.

Tite 1:11 Iomraidhean Croise

2 Timothée 3:6

Atita neta e tacitcik natawapamewok iskwewa omikiwamirik e cikimatcik kitci nosanehikotcik. Aniki iskwewok nama mackawisiwok otasperimowiniwak, kiapatc mitcet pactatowiniw e takopitikotcik, e paskewirikotcik kaskina e ici matci nataweritakik.

1 Timothée 6:5

kirika aspinikotc e wi aiarimotakik kekociciriw iriniwok aka ka kiskeritakik ke itatcihitisotcik, aka kaie e kiskeritakik tapwewiniw. Iteritamok: “e nosanehwakitc Kice Manito, ni ka ki otci micikitanan.”

Rome iriniwok 3:19

Ki kiskeritenano ohwe: kaskina e itemakak aiamihe irakonikewin, enkweriw iriniwa aiamihe irakonikewinik e tiperitakositcik ka mirakaniwitcik. Nama tca otci peikw nta e tacitcik kata ki itew aka e ki otci kiskeritak e ki patahak, kirika Kice Manito kata tipaskonew kaskina awiriw ota askik.

Tite 3:10

Kecpin awik e matciparihatc ka tapwerimaritci Kice Manitowa kitci papikanitonaniwonik, peikwaw ki ta witamawaw kitci ponitatc. Kecpin aka ponitate, kiapatc peikwaw witamo. Kecpin tca kiapatc aka pamitake, aka awocamec pamerimi.

Tite 1:9

Otcitakotc kaie kitci miro kanaweritak otehik Kice Manitowa otitewiniw ka tapwemakanik, kotc ka ki ici kiskinohamawakaniwitc, kitci ki tca sokimatc owitc iriniwa e miro kiskinohamawatc acitc kitci ki wapatahatc e patahamiritci anahweriw aka ka wi nahitamiritci.

Tite 1:7

Awik ke nikaniwitc neta, atoskectawew Kice Manitowa. Ekoni wetci acterik aka kitci takonik ke ki otci itactahorakaniwitc e ki matci totak. Nama kata sasekaw, nama kata otake kiciwasiw, kaie nama kata minikwew. Nama kaie kata akwatisiw, acitc nama kata matci totam kitci ki coriaketc.

2 Corinthe iriniwok 11:10

Peikon ni kicteriten ani e ki itotiskeian, nama kaie ni ka ponitan e arimotaman, wirowatc ni ka aiarimoten kaskina nte ke pa icaian neta Achaïe askik. Tapwe icinakon anihe ke iteian kaskina, ni tiperimikw meka Krist.

Luc Omasinahikan 20:40

Nama meka awocamec ki otci wi kokwetcimewakopan kotakeriw kekociciriw.

Jean 10:12

Kecpin iriniw e akacehakaniwitc kitci witcihiwetc e nanakatcihakaniwiritci maritcenica, pitoc kata ici mihew anahweriw maritcenica kaie anahwe tapwe maritcenici iriniw. Namaiew ni wir tipirawe omaritcenicima anahwe ka akacehakaniwitc. Kotc wapamate mahikana e petcimoteritci, ekoni ke ici nakatatc anahweriw maritcenica kitci ocimotc. Anahwe tca mahikan kata kwackotitawew anahweriw maritcenica. Aci kata orackapahitoriwa.

Matio 23:13

Cecoc itew kiapatc: “Ekwa kirawaw ka kiskinohamakeiekw aiamihe irakonikewin kirika Pharisien iriniwok! Nikotin ki ka nakickenawaw kitci arimipariekw! Ki miro iriniwikasonawaw! Ki kipahamowawok iriniwok ickwatemiriw Kice Manito Okimawinik. Kirawaw tipirawe nama ki pitakanawaw neta. Nama kaie ki pakitinawawok iriniwok ka nataweritakik kitci pitaketcik.” [

1 Timothée 5:4

Aric cikaw e tarikwena onitcanica kekotc ma osima, acteriw kitci wapatahiweritci e ici tapwerimaritci Cecoca, kitci tca miro miharitci onihikikowawa. Ani e totakik koski mirewok onikihikowawa kaie okice onikihikowawa e ki pe miro mihikotcik ka apicicitcik. Mireritam meka Kice Manito e wapatak ani e totcikaterik.

1 Timothée 5:13

Ekoni kaie wetci iteian aka kitci masinahwakaniwitcik kitci nakatawerimakaniwitcik, osam atita nta e tacitcik nama tipi takoniw ke itotisketcik. Iti pa kiwotewok ko mikiwamiskak. Matci awocamec aitotamok ka maratanik, pamatisokewok aka kitci pameritakwapan kotakihi e ispariritci. Aiarimotamok kekociciriw aka ka acterik kitci pameritakik.

2 Timothée 2:18

Ki paskewok, aka awocamec e kiskinohamaketcik tapwewiniw, e itetcik: “Ka nipotcik kaskina aci ickwa apitcipawok.” Oniwirewok mitcet iriniwa aka tca awocamec kitci nosanehwaritci Cecoca.