Tite 1:1 - Kice Manito Ocki Omirwatcimowin

¹ Nin Pwar ka masinahikeian. Kice Manito nit atoskectawaw, kirika Cecoc Krist otarotakana nit iteritakosin. Kice Manito ni ki mirikw kitci witcihimaki anahweriw ka ki orapamatc kitci asperimototakotc, kirika kitci kiskinohamawimaki tapwewiniw, ke otci kiskeritamiritci wewerita kitci nosanehikotc.

Tite 1:1 Iomraidhean Croise

Luc Omasinahikan 18:7

Nama ia kirawe wir Kice Manito kata wi mirew icikowisk totakewiniw anahweriw otirinima, ka pakoserimikotc e kicikarik kaie e tipiskarik? Kinowec ia nama kata pamotawew?

Ka ki aitotiskeritci Cecoc otarotakana 13:48

Ka petakik aniheriw e itwaniwonik aniki aka ka cota iriniwitcik, ki micta mireritamok. Ki mirwatatamok Teperitcikeritci otitewiniw. Kaie kaskina ka ki orapamakaniwitcik kitci mirakaniwitcik kakike pimatisiwiniw ki tapwerimewok Cecoca.

Rome iriniwok 1:1

Nin Pwar ohwe ka masinahamatakok. Cecoc Krist ka atoskectawak, e ki wicamitc kitci iteritakosiwak otarotakana. Kice Manito ni ki orapamikw kitci witamawimiki iriniwa Omirwatcimowin.

2 Corinthe iriniwok 1:1

Kwei, nin Pwar ka masinahamatakok, Kice Manito ka ki iteritak “Cecoc otarotakana” kitci iteritakosiwak. Kiwitcicanino Timothée ni witcewikw. Ki masinahamatinan kirawaw ka tapwerimekw Kice Manito, ka mawotcihitoekw kitci aiamihaiekw neta Corinthe otenak. Ni masinahamowananak kaie wirawaw kaskina kotakihik ka tapwerimatcik neta Achaïe askik ka taciketcik.

Éphèse iriniwok 2:8

Enkweriw meka omirotehewin Kice Manito wetci ki akwacimikoiekw, e ki tca asperimototawekw. Namaiew ni kirawaw tipirawe ka ki akwacimitisoekw. Kice Manito ni ka ki ici cawerimitakw.

Pirip iriniwok 1:1

Ninan Pwar kaie Timothée ka masinahamatak, Cecoc Krist e atoskectawakitc. Kirawaw otci kaskina Kice Manito otirinima ka tacikeiekw Pirip otenak ka nosanehwekw Cecoc Krist, kaie kirawaw ka nikaniwiekw acitc kirawaw ka atoskectawaiekw ka tapwerimatcik Cecoca.

Colosse iriniwok 2:2

Ni natawerimawok tekaci kitci sokerimotcik otehiwak, kaie kitci mamweritakositcik e sakihitotcik, acitc kitci micta cawerimakaniwitcik tapwe kakitaweritamowiniw. Otcitakotc tca kata otci kiskeritamok aniheriw ka ki katarispana Kice Manitowa, ni wi itwan, wir tipirawe Krist kitci kiskerimekw.

1 Timothée 2:4

ka natawerimatc kaskina iriniwa kitci akwacimakaniwiritci kirika kitci iti kiskeritamiritci tapwewiniw.

1 Timothée 3:16

Tapwe ni aci ketcinaweritakon anihe ka katcicterikipan, anotc ka wapatahiwetc Kice Manito: e apitc kicteritakok anihe ka ici tapweritamokw! Krist ki pe nokosiw, mia irinik e icinakositc. Ki ki wapatahikowinano icikowisk e iteritakositc, Miro Manitowa e ki wapatahiweritci. Aceriwa ki wapamiko. Iriniwa ota askik ki pa tipatatamiriwa otarimwewin. Ki tca tapwerimiko mitcet iriniwa ota askik, minawatc icpimik ki iciwirakaniwiw e ocpickatc oticperitakosiwinik e icatc.

1 Timothée 6:3

Kecpin awik pitoc ici kiskinohamakete kirika aniheriw ka ki ici kiskinohamakeritci anihi Ka Tiperimitokw Cecoc Krist, kaie aka ici nahitake ka ici kiskinohamakaniwonik ke itatisiritci iriniwa ka asperimototawaritci Cecoca,

2 Timothée 2:10

Ekoni wetci sokeritaman, kitci ki witcihimaki anahweriw Kice Manito ka ki orapamatc, kaie wirawaw kitci ki akwacimakaniwitcik e asperimotcik Cecoc Krist, kaie kakike kitci ki pimatisitcik Kice Manito oticperitakosiwinik.

2 Timothée 2:23

Aka aric pamerita e kikatonaniwok, aka e sapinakok kekocic ka arimotcikatek kaie aka e apateritakok. Ki kiskeriten meka enko anihe ka otci matciparihitonaniwok.

2 Timothée 2:25

Pekatc kata kiskinohamawew kaskina anihi aka ka nahitakotc. Pot kata witcihikowok Kice Manitowa pitoc kitci iteritakik kaie kitci ki kiskeritakik tapwewiniw.

Cak ka ki pe ici masinahiketc 1:1

Nin Cak ka masinahamatakok, Kice Manito e atoskectawak acitc Cecoc Krist Teperitciketc. Kit arimikatinawaw kirawaw Kice Manito otirinima, kaskina e taciekw, kaskina wiec ota askik wikockatc e ki oraticohokoiekw.

2 Pien 1:3

Omackawisiwin ki apatcitaw Teperitciketc, Kice Manitowa ka ki mirikotc, kitci ki miritokw kaskina ke wi apatcitaikw kitci miro nosanehwimokw Kice Manitowa. Ki ki kiskeritamihikono anihi meka ka ki wicamitokw kaie kirano kitci icperitakosiikw mia wir e icperitakositc, kaie kitci mirwasiikw, mia wir e mirwasitc.

2 Pien 3:11

E kiskeritakok tca kaskina kitci ici oraparik, ki ta miro nisitotenawaw tan e ici actek kitci totamekw! Actew icikowiskw kitci ici pimatisiekw, acitc mocak kitci miro nosanehwekw Kice Manito.

1 Jean 2:23

Tapwe wirata, anahwe ka wepakonatc Kice Manitowa Okosiriw, nama aci kiskerimew Kotawinowa. Anahwe ka witak e tapwerimatc Okosiriw, kiskerimew kaie Kotawinowa.

Ka ki ici wapatahakaniwitc Jean 1:1

Ota masinahikanik masinatew tipatcimowin, Cecoc Krist ka ki pe otitikotc. Kice Manitowa ki miriko kitci wapataharitci iriniwa ka atoskectakoritci ke iti iciwepanik nikanik wipatcikan. Krist ki pe iciticahwew otacerima kitci pe nta witamawitc ke ici kiskeritamwak, nin Jean ka icinikasoan, e atoskectawak.