Ka ki ici wapatahakaniwitc Jean 9:21 - Kice Manito Ocki Omirwatcimowin

²¹ Aniki iriniwok nama ki otci ponitawok e manohotcik, kaie e matawositcik e matci totakik, kaie matci pimatisiwiniw e sakitatcik acitc e kimotitcik. Nama ki otci wi kweskatisiwok.

Ka ki ici wapatahakaniwitc Jean 9:21 Iomraidhean Croise

Matio 15:19

Otehik meka otcipariniw e matci iteritak, kirika e manohotc, e pacikwatisitc, e matci pimatisitc, e kimotitc, e kiraskitc acitc e mareritciketc.

2 Corinthe iriniwok 12:21

Ni kocten minawatc nikotin nta kiwotimitakoke kitci otci waneritamihitc Nikice Manitom, kaie kitci otci kackeritaman. Mitcet meka kiapatc e taciekw pactatiwok, mia peikon e itotiskewaspan nte otananik, aka wiskat e ki otci wi kweskatisitcik e ki matci totakik, e ki pacikwatisitcik, kirika kaskina e ici maratanik ka ki totakik.

Galatie iriniwok 5:20

Pakoserimew kaie aka ka kice manitowiritci, kaie matci mata kackitaw. Ani ka icinakositcik iriniwok cikerimitowok, kikamitowok, kaie otcinawekerimitowok. Tekaci tiperitakosiwok kiciwasiwinik. Natowi totamok kitci nikaniparohotcik, wirawaw tepirak e kanawapamitisotcik. Papikanitisowok, ceckwat e kikamitotcik.

Ka ki ici wapatahakaniwitc Jean 13:13

Kackitapan anahwe kotak matci awesis ka matawinakonik e aitotak. Wawatc kackitapan icpimik kitci pe otciparinik ickoteriw, askik kitci ici pakitinik, mekwata e kanawapamatcik kaskina iriniwok.

Ka ki ici wapatahakaniwitc Jean 13:15

Minawatc anahwe kotak matci awesis ki mirakaniwiw mackawisiwiniw kitci potatatc anihi manitokana mia e icinakosiritci nictam matci awesis, kitci ki pimatisiritci kaie kitci ki arimweritci, acitc kitci nipaharitci kaskina aka ka kicterimikoritci.

Ka ki ici wapatahakaniwitc Jean 13:7

Ki mirakaniwiw kaie matci kitci natoparictowatc iriniwa ka nosanehwaritci Kice Manitowa, matci kitci cakotcihatc. Kaie ki mirakaniwiw kitci mackawisitc e tiperimatc iriniwa kaskina e tato otenwesiritci ota askik, kaskina papitoc e aicinakosiritci, kaskina tatowek e ici arimweritci, kaie kaskina wiec e wetciritci.

Ka ki ici wapatahakaniwitc Jean 14:8

Minawatc kotak aceriw ki pe nosanehwew anihi nictam aceriwa, e pe itetc: “Ki pakitin! Micta otenaw Babylone ki pakitin! Iriniwok nta ka taciketcik ki micta nosanetawok pacikwatisiwiniw, kaie e ki wikosimatcik kaskina iriniwa e taciritci kotakihik askik kaie wirawaw kitci nosanetaritci. Tarasak ki minihewok ominicapomiwaw ke ki otci micta kiwockwepiritci!”

Ka ki ici wapatahakaniwitc Jean 16:6

Aniki iriniwok ki nipahewok anahweriw ka ki nikan tipatcimoritci kir otci, kaie kotakihi kitirinima. Aci anotc ki mirawok mikoriw kitci minikwetcik. Enkweriw ni ka ki ici kackitamatisotcik!”

Ka ki ici wapatahakaniwitc Jean 17:2

Okimawok ota askik ki pacikwatisiwok kirika wir. Iriniwok ka pimatisitcik ota askik ki kiwockwepickakowok aniheriw ominicapomiriw ka ki minihikotcik. Anihe minicapo, enko anihe ka ki ici micta pacikwatisinaniwok neta otenak.”

Ka ki ici wapatahakaniwitc Jean 17:4

Anahwe iskwew micta mirwacinipan owikasim e mikwaspisotc, kirika e tapickaketc osawo coriariw ka wasapiskiterik, acitc asiniwa ka mirwapiskosiritci, peikon kaie mikisa. Takonamopan osawo coria orakaniw. Anahwe orakan tekaci mockinepan kekocic ka maratak kaie tekaci aka ka mirwinakok, ni wi itwan, opacikwatisiwin ka ki paskewiriwewaketc.

Ka ki ici wapatahakaniwitc Jean 17:5

Oskitikok ki masinateriw icinikasowiniw peikw otenariw ka katcicterik wa itemakanik, e itasinaterik: “Nin micta otenaw Babylone, okawiwawa kaskina iskwewok orina ka nosanetatcik matci pimatisiwiniw kaie kaskina ka matci totakik ota askik.”

Ka ki ici wapatahakaniwitc Jean 18:3

Iriniwok ka ototetcik kaskina e irikokoskamikarik ki pe icawok neta micta otenak Babylone, e pe nta pacikwatisitcik kaie matci iriniwa ka tacikeritci neta, mia mitowi e ki minihikotcik minicaporiw ka mackawakaminik, e itatisitcik. Okimawok ota askik kaie wirawaw ki pakiterimitisowok kitci pe nta pacikwatisitcik acitc niheriw Babylone iriniwa. Kaie iriniwok kaskina wiec ka pe owetcitcik ka atawetcik ki iti misikisiwok, e ki otapinakik neta kaskina kekociciriw ka mirwacinik kitci ki otci mirwatcitahitisotcik.”

Ka ki ici wapatahakaniwitc Jean 19:2

Icikowisk icinakoniw ka ici tipaskoniketc, mocak kaie tapwew! Ki meka kicakonew anihi iskwewa orina ka nosanetarispana matci pimatisiwiniw, aci ka micta matcipariharispana iriniwa ota askik, opacikwatisiwiniw e apatcitarispana. Kice Manito ki koski mirew anihi iskwewa ka ki ici kackitamatisoritci, osam e ki nipahakaniwiritci otarotakana.”

Ka ki ici wapatahakaniwitc Jean 21:8

Aric iriniwok aka e sokeritakik e tapwerimatcik Cecoca, kaie aniki aka ka tapwerimatcik, aniki ka matcatikositcik, kaie aniki ka manohotcik, peikon kaie aniki ka pacikwatisitcik, acitc aniki ka matci totakik e matawositcik ka maratanik e wi ispatakik, kaie ka kicterimatcik manitokana, kaskina aniki ka wi nita kiraskitcik, wirawaw kata iciwepinakaniwiwok ickote sakihikanik ka osawapiterik. Enko ni nicwaw e niponaniwok.”

Ka ki ici wapatahakaniwitc Jean 22:15

Aric kaskina ka matcatikositcik kata tacikewok orowitimik otenak, kaie aniki ka matci totakik e matawositcik ka maratanik e wi ispatakik, kaie aniki ka pacikwatisitcik, ka manohotcik, ka kicterimatcik manitokana, kaie kaskina ka sakitatcik ka wi nta kiraskitcik!”

Ka ki ici wapatahakaniwitc Jean 9:20

Kaskina kotakihik iriniwok ota askik aka ka ki otci nipahikotcik aniheriw nekatcitawiniw nama ki otci kweskatisiwok ka ici patahakik. Nama ki otci ponitawok e kicterimatcik matci manitowa kaie manitokana wirawaw tipirawe e ki ocihawaspan, aniheriw e ki apatcitatcik osawo coriariw kaie coriariw acitc kotakeriw piwapiskoriw, “bronze” ka icinikaterik, e wasapiskiterik e ki sosokaterik ickotek, kaie asiniwa e ki apatcihatcik kirika mictikwa. Aniki manitokanak nama ki wapatamok, nama kaie ki petamok acitc nama ki pimotewok.