Ka ki ici wapatahakaniwitc Jean 8:3 - Kice Manito Ocki Omirwatcimowin

³ Minawatc kiapatc peikw kotak aceriw ki pe nta nanipowiw neta ko ka ici aiamihe pakitinikaniwonik. Takonamopan orakaniw ka osawo coriawapiskowonik, neta ko e ici iskahikaterik sakatakaniw ka miromakonik. Nipara sakatakaniw ki mirakaniwiw kitci iskahak Kice Manitowa otci neta ka ici aiamihe pakitinikaniwonik, kitci icpipanik kaie peikon kaskina Kice Manito otirinima otaiamihewiniw. Neta ka ici aiamihe pakitinikaniwok, osawo coria ki totcikatepan e ocitakaniwok, nikanik e actekipan okimaw tetapiwakanik.

Ka ki ici wapatahakaniwitc Jean 8:3 Iomraidhean Croise

Luc Omasinahikan 1:10

Mekwata e ickwasikaterik aniheriw sakatakaniw, iriniwok ka aiamihatisitcik neta orowitimik taci aiamihapanak e mitcetitcik.

Rome iriniwok 8:34

Nama tca awik kata ki atamerimew! Cecoc Krist meka wir tipirawe ka ki nipotc, minawatc awocamec ki totam, ki apitcipaw, aci e apitc neta ka ici kicteritakonik onihiwinik Kice Manito kirika pakoserimew kirano otci.

Hébreux iriniwok 7:25

Ekoni wetci kackitatc otcitakotc kitci akwacimatc kaskina ka witcihatc kitci natcikapowictawaritci Kice Manitowa. Mocak meka pimatisiw, kaie tca e karotamowatc, e pakoserimatc Kice Manitowa kitci witciharitci.

Hébreux iriniwok 9:4

Actekopan neta mitcisowakanatikw osawo coria e ki totcikatek e ocitakaniwok, ka ici iskahikatek sakatakan e cawerimakaniwitc Kice Manito, kaie e actekopanen pwete ka kitcitwaweritakok, tekaci e ki akonitik osawo coria. Anihe pwete wapatahiwemakanopan acotamakewin e takok kirika Kice Manito. Neta pitc pwetek actekopan osawo coria orakan, e ki tca arakaniwitc neta pakwecikan, “manne” ka icinikatakaniwitc. Kaie nte pitc acterikopan Aaron osiskohon ka ki ici nitawikik nipic. Kaie nte pitc pwetek actekopan aniki asiniik e niciki, neta e itasinatekipan acotamakewin, aniheriw nictam Kice Manito ka ki itactatc.

Ka ki ici wapatahakaniwitc Jean 10:1

Minawatc kotak ni ki wapamaw aceriw e micta mackawisitc, icpimik e pe raciretc, tekaci e waskackakotc oskoriw kaie e nokonik pisimwapiriw waska octikwanik. Otactamikw micta wasiteriw mitowi pisimw, oskat mia ickote e icinakonik.

Ka ki ici wapatahakaniwitc Jean 14:18

Minawatc kotak aceriw kaie wir ki pe takociniw. Nte ka ici aiamihe pakitinikaniwonik itekera ki pe ototew. Enko na ka mitatc ickoteriw. Ki tepwew e micta sokitakositc, e itatc anihi ka omackocikomaniritci ka kinarik: “Otapina kimackocikoman. Kickikaha cweminatikwa neta askik. Aci mirosiwok cweminak!”

Ka ki ici wapatahakaniwitc Jean 5:8

Ka otapinak aniheriw masinahikaniw, aci aniki ka newotcik ka pimatisitcik kirika aniki nicitana acitc new ka kiceatisitcik ki nipiskoctawewok anihi Maritcenica, kaskina tato nta e tacitcik e takonakik aceriw pwapwapikepitcikaniw, kaie e osawapiskarik orakaniw e mockinerik, ka miromakonik e akwapiterik e takonik. Anahwe akwapite mia peikon Kice Manito otirinima otaiamihewiniw e iteritakok.

Ka ki ici wapatahakaniwitc Jean 6:9

Minawatc Maritcenic ki pikopitam kotakeriw kipotcickiwokisikaniw, ekoni aci niaran. Minawatc ni ki wapamimawok iriniwok otcakocimiwaw, cekotc e ici miciniritci neta ko ka ici aiamihe pakitinikaniwonik, kaskina aniki otcitcakociwawa ka ki pe nipahakaniwitcik, osam e ki tipatcimotcik Kice Manito otitewiniw mocak e ki tipatatakik ka totamiritci Kice Manitowa.

Ka ki ici wapatahakaniwitc Jean 7:2

Minawatc kotak ni ki wapamaw aceriw, nte e pe ototetc wapanok, e takonak Kice Manitowa okipotcickiwokisikaniw, kakike ka pimatisiritci. Ki micta tepwatew anahweriw new aceriwa ka ki mirakaniwirispana mackawisiwiniw kitci akotaritci askiriw kaie kitcikamiriw. Ki kiciwew e itatc:

Ka ki ici wapatahakaniwitc Jean 8:4

Sakatakan e ki iskahikatek e akwapitek ki icpiparin aceriw otcitcik e otciparik, nte e itinak Kice Manitowa e ici apiritci, kaie peikon aniheriw otirinima otaiamihewiniwariw.

Ka ki ici wapatahakaniwitc Jean 8:5

Minawatc aceriw ki otapinam aniheriw osawo coria orakaniw. Ki mockinam e actatc ickoteriw, neta e ki otinak ka ici aiamihe pakitinikaniwonik, e iciwepinak askik. Ki petakosiw onimiskiw e micta kiciwetc, e wawaskoreparik, kaie e kwekok.

Ka ki ici wapatahakaniwitc Jean 9:13

Minawatc kotak aceriw kweckoctatam okweckoctatcikan. Ekoni aci nikotwaso aceriwok e kweckoctatciketcik. Ni ki petawaw awik e arimwetc, e otewetak neta ka new kikeapiskowok ka ici aiamihe pakitinikaniwonik ka osawo coriawonik, nikanik e ici tatc Kice Manito.