Ka ki ici wapatahakaniwitc Jean 8:2 - Kice Manito Ocki Omirwatcimowin

² Minawatc ni ki wapamawok aniki nicowaso aceriwok neta e nanipowitcik nikanik Kice Manitowa e ici tacikeritci. Ki mirakaniwiwok nicowaso kweckoctatcikaniw ka kakinwaskonik.

Ka ki ici wapatahakaniwitc Jean 8:2 Iomraidhean Croise

Matio 18:10

“Nanakatcihitisokw aka otci peikw kitci cikerimekw aniki ka apicicitcik. Ki witamatinawaw, otacerimiwawa nete wakwek aspinikotc tacikeriwa, pecotcik e ici tacikeritci Notawiwa nete wakwek. [

Matio 24:31

Aci kata petakon micta kweckoctatcikan kitci tca iciticohwatc otacerima, kaskina wiec ota askik e irikokoskamikarik kitci pa icaritci, kaskina e new kakikearik askik. Aniki aceriwok kata mawotcihewok anahweriw iriniwa ka ki orapamikoritci Ka ki pe iriniwihitisoritci, kaskina wiec ota askik e irikokoskamikarik kitci pa natcipahatcik.”

Luc Omasinahikan 1:19

Itiko anihi aceriwa: “Kaprien ni nin. Kice Manito ni natcikapowictawaw e atoskectawak. Ni ki pe iciticohokw kitci pe nta aimihitan, kitci witamatan ohwe miro tipatcimowin.

Luc Omasinahikan 21:36

Akawir notekocikw! Pakoserimokw mocak. Ekoni tca ke otci tipi mackawisiekw kitci miwotaiekw kaskina ke pe iciwepasiekw, kaie nikanik kitci ki icikapowiekw, wapamekwe anahwe Ka ki pe iriniwihitisotc.”

1 Corinthe iriniwok 15:52

Wiskata, pitoc ki ka iti icinakosinano, mia peikon kitci pe isparik mekwata e pisikapiikw. Mamitcitc petakoke kweckoctatcikan, iriniwok aci ka ki nipotcik kata apitcipawok kitci kakike pimatisitcik, aka wiskat awocamec kitci nipotcik, kirika kirano aka moci ke nipoikw ani apitc, pitoc ki ka icinakosinano.

1 Thessalonique irinowok 4:16

Ekoni apitc wir tipirawe Teperitciketc ke pe otci nitcickatc wakwek, e petakonik e tepwaniwonik. Kitci aceriw kaie kata petakosiw e arimwetc acitc Kice Manito okweckoctatcikan kata petakoniw e kweckoctatcikaniwok. Aniki aci ka ki poni pimatisitcik ka ki tapwerimatcik Cecoca wirctamiwaw kata apitcipawok.

Ka ki ici wapatahakaniwitc Jean 1:4

Nin Jean ka masinahaman ohwe masinahikan. Ki masinahamatinawaw neta e taciekw ka nicowasotenwesiekw mawotcihitoekw kitci aiamihaiekw e tapwerimekw Cecoc, nete ka tacikeiekw Asie askik: Ni pakoserimaw Kice Manito kitci cawerimitakw omirotehewin kaie pekaterimowiniw, wir ka tatc anotc, kaie mocak ka ki pe tatc, acitc nikanik ke pe icatc. Kaie aniki e nicowatcitcik manitowok kitci cawerimitakok ka nanipowitcik nikanik Kice Manitowa okimaw tetapiwakanik.

Ka ki ici wapatahakaniwitc Jean 11:15

Minawatc kotak aceriw ki kweckoctatam okweckoctatcikan. Ekoni aci nicowaso. Enko na mamitcitc ka ki kweckoctatciketc. Ki petakon icpimik e arimwaniwok e micta sokitakok, e itemakak: “Aci ickwa otcitciparin anahwe Ka Tiperimitokw tekaci kitci tiperitak ota askik, kirika anihi ka ki pe iciticohwatc kitci akwacimiweritci. Nespitc kata tiperitam!”

Ka ki ici wapatahakaniwitc Jean 15:1

Minawatc ni ki wapaten wakwek kotak kekocic e mamiskasinakok kaie e micta mirwinakok: nicowaso aceriwok e takonakik nicowaso nekatcitawiniw. Enko ni mamitcitc nekatcitawina. Ekoni meka mamitcitc ke ici wapatahiwetc Kice Manito e ki kiciwahakaniwitc.

Ka ki ici wapatahakaniwitc Jean 16:1

Ni ki petawaw awik e arimwetc e micta sokitakositc, nte e otewetak kitci aiamihe mikiwamik. Ki itew anahweriw aceriwa ka nicowatciritci: “Matcakw, nta sikinamokw Kice Manito okiciwasiwin askik, neta ka acterik e nicowatcinik orakanik!”

Ka ki ici wapatahakaniwitc Jean 8:13

Kiapatc nit itapitai. Kek ni ki petawaw mikisiw e miretc micta icpimik, e kitotc e micta sokitakositc: “Arimiparin! Arimiparin! Kata arimipariwok kaskina ka pimatisitcik ota askik, petakosiritena anahweriw kotakihi e nictiritci aceriwa kweckoctatcikeritena okweckoctatcikaniwarik!”

Ka ki ici wapatahakaniwitc Jean 8:6

Minawatc aniki nicowaso aceriwok ka takonakik nicowaso kweckoctatcikaniw ka kakinwaskonik ki weriwok kitci kweckoctatakik.

Ka ki ici wapatahakaniwitc Jean 9:1

Minawatc kotak aceriw ki kweckoctatcikew, ekoni aci niaran. Ni ki wapamaw atcikoc e ki pe pakicik askik, wakwek e ki otciparitc. Ki mirakaniwiw anahwe atcikoc cehikaniw kitci cenak e pokoneckarik e micta wararik.