Ka ki ici wapatahakaniwitc Jean 8:12 - Kice Manito Ocki Omirwatcimowin

¹² Minawatc kotak aceriw ki potatam kweckoctatcikaniw, ekoni aci new. E nicto tipahakaniwitc kicikaw pisimw kekociciriw ki ispariw kaie peikon tipiskaw pisimw acitc atcikocak, kiapatc peikw nta e nicto tipahakaniwitcik, aka kitci wasisotcik. Tekaci nama ki otci wasisowok peikw e nicto tipahakaniwitc irikik mekwata e kicikarik kaie peikon e tipiskarik.

Ka ki ici wapatahakaniwitc Jean 8:12 Iomraidhean Croise

Matio 24:29

“Tecikotc ickwa ici nekatcitakaniwoke, nama kata nokosiw pisimw, kaie tipiskaw pisimw nama kata wasikew. Atcikocak waskok kata otci papakiciniwok. Kaskina tca aniki pisimw, tipiskaw pisimw kaie atcikocak kata ninikipariwok.

Matio 27:45

Ka apita kicikak, tekaci ki tipiskaw kaskina wiec neta askik, nac nicto tipahikan e ickwa apita kicikak.

Mark 13:24

“Ani apitc iciwepake, ickwa nekatcitakaniwoke, nama kata nokosiw pisimw, kaie tipiskaw pisimw nama kata wasikew.

Mark 15:33

Ka apita kicikak tekaci ki tipiskaw kaskina wiec, nac nicto tipahikan e ickwa apita kicikak.

Luc Omasinahikan 21:25

“Kata micta pe mamiskasinakon neta pisimok, tipiskaw pisimok kaie atcikocik, e pe kicawatcitakaniwok kekocic e kicteritakok. Ota askik kaskina iriniwok kotc e aicinakositcik kata micta nekateritamok kaie kata arimeritamok e petakik kitcikamiriw e micta mitcahanik.

Ka ki aitotiskeritci Cecoc otarotakana 2:20

Nama kata wasikew kicikaw pisimw, kirika tipiskaw pisimw kata mikosiw, mia miko kitci icinakositc. Kaskina anihe kata otcitciparin ni kitci isparik epwamoci otcitciparinik okicikom Teperitciketc, aniheriw ke kicikarik ke micta kicteritakonik kaie e icperitakonik.

2 Corinthe iriniwok 4:4

Nama tapwetamok, osam Matci Manitowa, anihi anotc mekwata ka tiperitamiritci ota askik, e totamiritci aka kitci wapatakik omitoneritcikaniwak. Wir ka otcinehikotcik tekaci aka kitci wapatakik aniheriw Mirwatcimowiniw ke ki ici wactenamakotcik, Krist oticperitakosiwin e arimotcikaterik, mia meka e icinakositc Kice Manito, ekoni peikon e icinakositc Krist.

Ka ki ici wapatahakaniwitc Jean 12:4

Nipara ki nitciwepohwew atcikoca icpimik, kekatc apita e taciritci, oso e apatcitatc, askik e iciwepohwatc. Ekota neta nikanik iskwek e tacikespan e wapamawosoritci, kitci mowatc anihi onitcaniciriw kotc ickwa nitawikiritena.

Ka ki ici wapatahakaniwitc Jean 16:10

Minawatc kotak aceriw, ekoni aci niaran, ki sikinam orakan okimaw tetapiwakanik, neta ka ici apitc anahwe matci awesis. Kaie kaskina okimawin tekaci ki kiski tipiskipariniw. E apitc nekatcitawaspan neta iriniwok, irin ki makotamok oteriniwaw.

Ka ki ici wapatahakaniwitc Jean 6:12

Minawatc kiapatc ni ki wapamaw Maritcenic e pikopitak kipotcickiwokisikaniw, ekoni aci nikotwaso. Kek ki micta kwekon. Pisimw tekaci iti makatewosiw, mia wikasi tekaci e makatewekik, awik e apatcitatc e cikawitc. Minawatc tipiskaw pisimw tekaci iti mikosiw, mia miko.

Ka ki ici wapatahakaniwitc Jean 9:15

Ki pakitinakaniwiwok aniki e newotcik aceriwok. Ki meka arakaniwiwok kitci totakik e acterik otamirowiniwaw, ani e tato tipahikanearik kaie ani e ici kicikarik, ani e tato pisimokarik, kaie e tato piponikarik, kitci nta nipahatcik iriniwa ota askik, kekatc apita nta e taciritci.

Ka ki ici wapatahakaniwitc Jean 9:18

Kekatc apita iriniwok ota askik ki nipahikowok aniheriw nekatcitawiniw e nictiwonik: ickoteriw kaie akwapiteriw acitc aniheriw ka osawapiterik e ki otci orowiparinikopanen otoniwak aniki atikok.