Ka ki ici wapatahakaniwitc Jean 7:9 - Kice Manito Ocki Omirwatcimowin

⁹ Ka ickwa isparik, kiapatc ni ki itapin. Ni ki wapamawok iriniwok, e apitc ki micta mitcetitcik, nama awik kata kackitapan kitci akimatc e taciritci, iriniwok kaskina wiec e wetcitcik ota askik, kaskina e tato otenwesitcik, kaskina papitoc e aicinakositcik, acitc kaskina tatowek e ici arimwetcik. Ekota nta nikanik kaskina ka ici nanipowitcik okimaw tetapiwakanik, kaie nikanik Maritcenicik, kaskina e wapaspisotcik, tato nta e tacitcik e takonatc cikopia.

Ka ki ici wapatahakaniwitc Jean 7:9 Iomraidhean Croise

Luc Omasinahikan 12:1

Aiapitc mitcetiwakopan iriniwok e ki mawotcihitowakopanen neta Cecoca e ici tacikeritci. E apitc micta sitcikapowinaniwonik irinikotc tatakositeckatowakopan. Cecoc pitama owitcewakana ki itew: “Aiekwamisikw aka kitci apatcihimekw ociwockitcitcikaniwaw Pharisien iriniwok. Ociwockitcitcikaniwaw, enkweriw omiro iriniwikasowin.

Luc Omasinahikan 21:36

Akawir notekocikw! Pakoserimokw mocak. Ekoni tca ke otci tipi mackawisiekw kitci miwotaiekw kaskina ke pe iciwepasiekw, kaie nikanik kitci ki icikapowiekw, wapamekwe anahwe Ka ki pe iriniwihitisotc.”

Jean 12:13

Kaskina ki iti matcewirewok cikopiwa e takonatcik, e orowitcik neta otenak, e tca nta nakickowatcik Cecoca e tepitepwetcik, e aitetcik: “Caweritakosiw Kice Manito! Kitci cawerimatc Kice Manito anihi ka pe icaritci Teperitciketc oticinikasowin otci! Kitci cawerimatc Kice Manito Israël okimawa!”

Rome iriniwok 11:25

Niwitcicanak, ni nataweriten kitci kiskeritamekw aniheriw weckatc aci iteritakipan Kice Manito kitci pe iciwepanik ka katcicterikipan, aka tca orina kitci iterimitisoekw “ni omiro omitoneritcikanan.” Atita Israël iriniwok nama kata kackitawok kitci nisitotakik, nac kitci akwacimakaniwiritci kaskina kotakihik iriniwa ka ki orapamakaniwiritci.

Éphèse iriniwok 6:13

Ekoni wetci actek kitci matcikonamekw kaskina aniheriw ka wi miritakw Kice Manito kitci ki nanakaskohwekw anahwe ka wi cakotcihitakw, tatwaw ke arimihitakw. Minawatc kaskina ickwa nanakaskweiekwe, peikon kitci sokikapowiekw.

Hébreux iriniwok 11:12

Ekoni wetci anahwe peikw iriniw Abraham ki wapamew awaca, misawatc aci orina e ki kice iriniwitc, aci e petaspan kitci nipotc. Minawatc napitc wiskata ki mitcetiriw otaniskotape osima, mia peikon e apitc mitcetitcik atcikocak. Nama ki akimakaniwiriwa, mitowi kaie reko rarewak kitcikamik aka ke ki akitcikatek.

Hébreux iriniwok 12:22

Aric kirawaw, pitoc isparin kitci pecowapamekw Kice Manito. Mia mitowi ki ki natcikapowictenawaw matina Sion ka icinikatek, neta e ici acterik otenam Kice Manito ka pimatisitc, Jérusalem e icinikaterik aniheriw otenariw nete icpimik wakwek ka ici takonik, e kice mitcetiritci aceriwa e mawotcihitoritci nete e mireritamiritci.

Ka ki ici wapatahakaniwitc Jean 11:15

Minawatc kotak aceriw ki kweckoctatam okweckoctatcikan. Ekoni aci nicowaso. Enko na mamitcitc ka ki kweckoctatciketc. Ki petakon icpimik e arimwaniwok e micta sokitakok, e itemakak: “Aci ickwa otcitciparin anahwe Ka Tiperimitokw tekaci kitci tiperitak ota askik, kirika anihi ka ki pe iciticohwatc kitci akwacimiweritci. Nespitc kata tiperitam!”

Ka ki ici wapatahakaniwitc Jean 22:3

Nama kata takon neta kekocic otenak Kice Manito kitci itetc “nama mirwacin.” Okimaw otetapiwakaniwaw Kice Manito kaie anahwe Maritcenic, ekota neta otenak ke acterik. Ka atoskectawatcik Kice Manitowa kata kicterimewok.

Ka ki ici wapatahakaniwitc Jean 3:18

Ekoni wetci wikosimitakok kitci pe natawapamiekw kaie kitci otapinamekw osawo coria ka mawotci mirwacik. Ekoni patoc ke totamekw tapwe kitci micikitaiekw. Pe natawapamicikw kitci pe nta otapinamekw wikasi e wapekik kitci icihoekw. Nama tca ki ka otci wanakatcinawaw, aka e owikasimiekw. Pe natawapamicikw kaie kitci natcipataiekw mackiki kitci actaiekw kickicikowak kitci ki wapiekw.

Ka ki ici wapatahakaniwitc Jean 4:4

Waska anihe okimaw tetapiwakanik nicitana acitc new tatinopan kotakihi okimaw tetapiwakana. Ekota neta e apiwaspan nicitana acitc new ka kiceatisitcik, e wapekohowaspan, kaie octikwaniwak okimaw actotiniw e osawo coriawapiskowonik e apatcitawaspan.

Ka ki ici wapatahakaniwitc Jean 5:11

Nit itapatai kiapatc kaie ni ki petawawok e micta kice mitcetitcik aceriwok, micta mitcetwaw kice mitato mitana e tacitcik. Nama ki akimakaniwiwok e apitc mitcetiwaspan. Waska aniheriw okimaw tetapiwakanik icikapowipanak aniki aceriwok kaie nta e ici nanipowirispana anahweriw ka pimatisiritci acitc ka kiceatisiritci.

Ka ki ici wapatahakaniwitc Jean 5:9

Aci ocki nakamowiniw nakamowok, e itetcik: “Kir ki tipi iteritakosin kitci otapinaman ohwe masinahikan kaie kitci pikopitaman kipotcickiwokisikana kitci cenaman masinahikan. Ki ki meka nipahikowin, e ki pakitinaman kimikw kitci macikowik. Ki ki tca otapinawok iriniwok Kice Manito otci, kaskina e tato otenwesitcik ota askik, kaskina tatowek e ici arimwetcik, kaskina papitoc e aicinakositcik, kaie kaskina wiec e wetcitcik ota askik.

Ka ki ici wapatahakaniwitc Jean 6:11

Aci ki mamirakaniwiwok papeikw wikasiriw e wapekinik, e itakaniwitcik kiapatc memacic kitci pehotcik, nac kaskina kitci ickwa takociparinik ke tacirispana owitcicaniwawa kaie anahweriw ka ki witcewikotcik ka atoskectaketcik kaie wirawaw kitci nipahakaniwirispana mitowi wirawaw tipirawe ka ki nipahakaniwitcik.

Ka ki ici wapatahakaniwitc Jean 7:8

kaie anahweriw Zabulon otaniskotape osima mitato acitc nicwaw kice mitato mitana ki taciriwa; kaie anahweriw Sosep otaniskotape osima mitato acitc nicwaw kice mitato mitana ki taciriwa; kaie anahweriw Benjamin otaniskotape osima mitato acitc nicwaw kice mitato mitana ki taciriwa. Kaskina aniki iriniwok ki kicawatcihakaniwiwok Kice Manitowa otci.