Ka ki ici wapatahakaniwitc Jean 7:3 - Kice Manito Ocki Omirwatcimowin

³ “Aka moci akotakw aski kaie kitcikami, peikon kaie mictikok nama moci ki ka akohawawok. Ki ka petanawaw patoc ickwa masinahamake okipotcickiwokisikan Kikice Manitomino oskitikowarik ka ki atoskectakotc.”

Ka ki ici wapatahakaniwitc Jean 7:3 Iomraidhean Croise

Matio 24:22

Kecpin aka ki otci oreritak Kice Manito kitci atciwonak irikik ka tatinikipan kicikoriw ke nekatcitakaniwonikipan, nama awik kata pimatisipan. Aric ki atciwonam anahweriw otci iriniwa ka ki orapamatc kitci iteritakosiritci otirinima.”

Matio 24:31

Aci kata petakon micta kweckoctatcikan kitci tca iciticohwatc otacerima, kaskina wiec ota askik e irikokoskamikarik kitci pa icaritci, kaskina e new kakikearik askik. Aniki aceriwok kata mawotcihewok anahweriw iriniwa ka ki orapamikoritci Ka ki pe iriniwihitisoritci, kaskina wiec ota askik e irikokoskamikarik kitci pa natcipahatcik.”

Jean 12:26

Kecpin awik e wi atoskectawitc, acteriw kitci nosanehwitc. Wiec tca pa icaiane, kata icaw kaie wir nitarotakan. Notawi kata kicterimew anihi ka atoskectawimimitci.”

Jean 3:33

Anahwe tca ka tapwetamwatc aniheriw otipatcimowiniw, ekoni e ici wapatahiwetc e tapweritci Kice Manitowa.

Rome iriniwok 6:22

Aric ki ki wikotcihikowinawaw pactatowinik e tiperitakosiekopanen kirika Kice Manito kit atoskectawaw, wir e tiperimitakw. Mictahi ki witcihikowaw kitci ici pimatisiekw kotc e ici nataweritak. Nikotin e kicikak ki ka mirikowinawaw kakike pimatisiwin.

Ka ki ici wapatahakaniwitc Jean 13:16

Anahwe matci awesis wikosimepan kaskina iriniwa ota askik kitci kicawatcihakaniwiritci onihiwini otcitcirik kekotc oskitikorik: ka kicteritakosiritci, kaie peikon aka ka kicteritakosiritci, ka micikitaritci acitc ka kitimakisiritci, ka atoskectakeritci, peikon kaie aka ka atoskectakeritci.

Ka ki ici wapatahakaniwitc Jean 13:17

Kecpin awik aka e ki otci kicawatcihakaniwitc, tekaci nama kekociciriw ki otapinamokopan, nama kaie ki atawekopan, kecpin aka ki otci masinahikaterik aniheriw matci awesisa oticinikasowiniw neta otcitcik kekotc oskitikok, kekotc e tatosinaterik.

Ka ki ici wapatahakaniwitc Jean 14:1

Minawatc kiapatc ni ki itapin. Ni ki wapamaw Maritcenic e nanipowitc okititin matinak Sion ka icinikaterik. Mitcet iriniwa witcikapowictakopan, aniki ka masinaterik oskitikowak Maritcenica oticinikasowiniw kaie Otawiwa oticinikasowiniw. Aniki iriniwok mitcetipanak, peikwaw kice mitato mitana acitc nemitana acitc new mitato mitana e taciwaspan.

Ka ki ici wapatahakaniwitc Jean 14:9

Minawatc kotak kiapatc aceriw ki pe nosanehwew aniheriw tec aceriwa e niciritci, e pe itetc e micta pe sokitakositc: “Anahwe ka kicterimatc anihi matci awesisa kaie manitokana mia ka icinakosiritci, kaie ka masinasotc oskitikok kekotc otcitcik,

Ka ki ici wapatahakaniwitc Jean 19:2

Icikowisk icinakoniw ka ici tipaskoniketc, mocak kaie tapwew! Ki meka kicakonew anihi iskwewa orina ka nosanetarispana matci pimatisiwiniw, aci ka micta matcipariharispana iriniwa ota askik, opacikwatisiwiniw e apatcitarispana. Kice Manito ki koski mirew anihi iskwewa ka ki ici kackitamatisoritci, osam e ki nipahakaniwiritci otarotakana.”

Ka ki ici wapatahakaniwitc Jean 20:4

Minawatc ni ki wapaten okimaw tetapiwakana. Aniki neta ka apiwaspan ki mirakaniwiwok kitci tipaskoniketcik. Kaie ni ki wapamimawok iriniwok Kice Manitowa ka nosanehwatcik otcitcakociwawa, aniki ka ki ickwanakaniwiwakopanen, e ki pa tipatcimotcik Cecoca tapwe e tiperitcikeritci, kaie anahweriw e ki tipatatakik Kice Manitowa otitewiniw. Nama ki otci kicterimewok wirawaw anihi matci awesisa kaie manitokana mia ka icinakosiritci. Nama ki otci mirakaniwiwok matci awesisa okicawatcikaniw oskitikowak, nama kaie otcitciwak. Ki koski pimatisiwok, kaie tapickotc ki tiperitcikewok kirika Krist peikwaw kice mitato mitana tato pipona irikik.

Ka ki ici wapatahakaniwitc Jean 22:4

Kata wapamewok otactamikorik, kaie oticinikasowiniw kata masinateriw oskitikowak.

Ka ki ici wapatahakaniwitc Jean 6:6

Ni ki peten kekocic mia peikw iriniw e arimwetc, nte e otciparik tetawitc aniki new ka pimatisitcik, e itetc: “Aci ki ka toten kitci mitawokataniwok. Coria ka kanewinaniwok peikwo kickwa e otamironaniwok, aci tepirak nicwo towatcikan kata ki otapinakaniwiw mirominockw kekotc ma tepirak nikotwaso towatcikan pitamin. Aiekwamisi aric aka kitci pikohatcik mictikok ‘oliviers’ ka icinikatakaniwitcik kaie cweminatikok, kiapatc kitci ki takok pimite kaie minicapo.”

Ka ki ici wapatahakaniwitc Jean 7:1

Ka ickwa ani isparik, ni ki wapamawok new aceriwok, kaskina e new kakikearik askik e nanipowitcik, e matcikonatcik papeikw pisitosiwa, tekaci aka kitci rotinik ota askik, kaie kitcikamik acitc tekaci aka kitci matacitcik mictikok.

Ka ki ici wapatahakaniwitc Jean 7:2

Minawatc kotak ni ki wapamaw aceriw, nte e pe ototetc wapanok, e takonak Kice Manitowa okipotcickiwokisikaniw, kakike ka pimatisiritci. Ki micta tepwatew anahweriw new aceriwa ka ki mirakaniwirispana mackawisiwiniw kitci akotaritci askiriw kaie kitcikamiriw. Ki kiciwew e itatc:

Ka ki ici wapatahakaniwitc Jean 9:4

Ki itakaniwiwok aka kitci matci totakik mackociriw kaie peikon aka kitci otci matci totawatcik mictikwa acitc kaskina e ici nitawikinik askik. Aric ki mirakaniwiwok tepirak kitci akohatcik anahweriw iriniwa aka ka ki otci kicawatcihakaniwiritci oskitikowarik Kice Manitowa otci.