Ka ki ici wapatahakaniwitc Jean 7:2 - Kice Manito Ocki Omirwatcimowin

² Minawatc kotak ni ki wapamaw aceriw, nte e pe ototetc wapanok, e takonak Kice Manitowa okipotcickiwokisikaniw, kakike ka pimatisiritci. Ki micta tepwatew anahweriw new aceriwa ka ki mirakaniwirispana mackawisiwiniw kitci akotaritci askiriw kaie kitcikamiriw. Ki kiciwew e itatc:

Ka ki ici wapatahakaniwitc Jean 7:2 Iomraidhean Croise

Matio 16:16

Simo Pien itew: “Kir anihi ka ki itespan Kice Manito kitci pe iciticohwatc ota askik kitci akwacimiweritci, kir Kice Manito ka pimatisitc Okosa.”

Matio 26:63

Nama aric ki otci itew Cecoc. Aci kiapatc kokwetcimiko anihi kitci makatewokorewa: “Actew kitci witamawiak, e nespi tapwein, Kice Manito otci e pimatisitc: kir ia ni Kice Manito Okosa, anihi ka ki itespan kitci pe iciticohwatc ota askik kitci akwacimiweritci?”

Jean 6:27

Aka otamirokw mitcim otci ke iti onatak. Aric kirawe ki ta otamironawaw kotak mitcim otci, nespitc ka mirwacik, mitcim ka otci kakike pimatisinaniwok. Anahwe Ka ki pe iriniwihitisotc ki ka mirikowaw aniheriw mitcimiriw. Osam meka ki kicawatcihiko Kice Manitowa, Otawiwa, otiperitamowiniw e mirikotc.”

2 Corinthe iriniwok 1:22

Ki ki kicawatcihikono, kitci kiskeritamokw otirinima e iteritakosiekw, kirika ki ki mirikono Miro Manitowa kitehinak, kitci ki kiskeritamokw otcitakotc kitci miritokw aniheriw ka ici kanaweritamatokw.

Éphèse iriniwok 1:13

Kaie kirawaw, ka natotamekw tipatcimowin e tapwemakak, anihe Mirwatcimowin ka ki akwacimikoekw, ki ki tapwerimawaw Krist. Ki ki tca kicawatcihikowaw Kice Manito, otirinima kitci iteritakosiekw, e ki miritakw Miro Manitowa, mia ka ki ici nespi tapwetc.

Éphèse iriniwok 4:30

Akawir kackeritamihakw Miro Manito. Wir anihi meka ka ki acotamatakw Kice Manito kitci ki kiskeritamekw otcitakotc nikotin kitci takociparinik aniheriw e kicikarik tekaci kitci wikotcihitakw.

1 Thessalonique irinowok 1:9

Iriniwok neta wirawaw tipirawe atisokatamok e arimotakik e ki mireritamekw e natotawiak, ka pe icaiak neta e ici tacikeiekw kotenamiwak, kirika e ki wepakonekok manitokanak, kitci itactimikapowictawekw Kice Manito kitci tca atoskectawekw, wir anahwe tapwe ka Kice Manitowitc ka pimatisitc.

2 Timothée 2:19

Aric kaskina Kice Manito ka otciparik nama mameckotciparin, mocak mackawisimakaniw, tarasak mia e miro manikaniwok, aka wiskat kitci pakitik mikiwam. Itasinatew neta micta asinik wir otci: “Wir tipirawe Teperitciketc kiskerimew otirinima.” Nombres 16.5 Kaie itasinatew kiapatc: “Kaskina awik ka itetc: ‘Ni nosanehwaw Teperitciketc,’ acteriw kitci atimikapowictak matci totamowiniw.”

Hébreux iriniwok 12:22

Aric kirawaw, pitoc isparin kitci pecowapamekw Kice Manito. Mia mitowi ki ki natcikapowictenawaw matina Sion ka icinikatek, neta e ici acterik otenam Kice Manito ka pimatisitc, Jérusalem e icinikaterik aniheriw otenariw nete icpimik wakwek ka ici takonik, e kice mitcetiritci aceriwa e mawotcihitoritci nete e mireritamiritci.

Ka ki ici wapatahakaniwitc Jean 1:3

Caweritakosiw anahwe ka tapwatak ohweriw ka masinaterik, kirika kaie wirawaw caweritakosiwok iriniwok ka natotakik ohweriw nikan tipatcimowiniw kaie ka wi nosanetatcik e itasinaterik. Aci meka pe otcitciparin kaskina kitci pe isparik.

Ka ki ici wapatahakaniwitc Jean 10:1

Minawatc kotak ni ki wapamaw aceriw e micta mackawisitc, icpimik e pe raciretc, tekaci e waskackakotc oskoriw kaie e nokonik pisimwapiriw waska octikwanik. Otactamikw micta wasiteriw mitowi pisimw, oskat mia ickote e icinakonik.

Ka ki ici wapatahakaniwitc Jean 10:4

Ka ickwa petakositcik onimiskiwok e arimwetcik, ekoni ka ici nta masinahaman aniheriw ka ki itetcik. Aric ni ki petawaw kotak awik e icitc, wakwek e otewetak: “Aka masinaha ka ki itetcik aniki e nicowatcitcik onimiskiwok, aka awik kitci kiskeritak.”

Ka ki ici wapatahakaniwitc Jean 16:12

Minawatc kotak aceriw, ekoni aci nikotwaso, ki nta sikinam kaie wir orakan neta micta sipik ka icinikatek Euphrate. Anahwe micta sipi tekaci ki pactew, okimawok wapanok ka taciketcik kitci ki takonik meskanariw ke ici pimotetcik.

Ka ki ici wapatahakaniwitc Jean 5:2

Ni ki wapamaw peikw aceriw ka mackawisitc, e tipatcimotc e micta sokitakositc: “Awin ka tipi iteritakositc kitci ki pikotatc kipotcickiwokisikaniw kaie kitci cenak aniheriw masinahikaniw?”

Ka ki ici wapatahakaniwitc Jean 8:3

Minawatc kiapatc peikw kotak aceriw ki pe nta nanipowiw neta ko ka ici aiamihe pakitinikaniwonik. Takonamopan orakaniw ka osawo coriawapiskowonik, neta ko e ici iskahikaterik sakatakaniw ka miromakonik. Nipara sakatakaniw ki mirakaniwiw kitci iskahak Kice Manitowa otci neta ka ici aiamihe pakitinikaniwonik, kitci icpipanik kaie peikon kaskina Kice Manito otirinima otaiamihewiniw. Neta ka ici aiamihe pakitinikaniwok, osawo coria ki totcikatepan e ocitakaniwok, nikanik e actekipan okimaw tetapiwakanik.

Ka ki ici wapatahakaniwitc Jean 9:14

Anahwe ka arimwespan ki itew anihi aceriwa ka takonamiritci kweckoctatcikaniw: “Pakitinik kitci matcatcik aniki new aceriwok ka takopisotcik piwapiskwapiriw, neta rarewak micta sipik ka icinikatek Euphrate.”

Ka ki ici wapatahakaniwitc Jean 9:4

Ki itakaniwiwok aka kitci matci totakik mackociriw kaie peikon aka kitci otci matci totawatcik mictikwa acitc kaskina e ici nitawikinik askik. Aric ki mirakaniwiwok tepirak kitci akohatcik anahweriw iriniwa aka ka ki otci kicawatcihakaniwiritci oskitikowarik Kice Manitowa otci.