Ka ki ici wapatahakaniwitc Jean 7:15 - Kice Manito Ocki Omirwatcimowin

¹⁵ Ekoni wetci nanipowitcik nikanik Kice Manitowa okimaw otetapiwakanirik, kape kickwa kaie kape tipiskwa e atoskectawatcik neta okitci aiamihe mikiwamirik. Anahwe ka apitc okimaw tetapiwakanik nanakatcihew anahweriw iriniwa.

Ka ki ici wapatahakaniwitc Jean 7:15 Iomraidhean Croise

Jean 1:14

Ki pe iriniwiw anahwe ka iteritakositc Itewin. Ni ki pe nta witci tacikemikonan, e micta mirotehetc kirika tekaci e tapweritakositc. Aci ni ki wapatamwanan oticperitakosiwin, aniheriw icperitakosiwiniw Kotawino Kice Manito ka ki miratc Okosa e peikociritci.

1 Corinthe iriniwok 3:16

Ki kiskeritenawatake mia mitowi Kice Manito okitci aiamihe mikiwam e iteritakosiekw, kirika Kice Manito Omiro Manitoma e tacikeritci kitehiwak.

2 Corinthe iriniwok 6:16

Matci ia kata ki arakaniwiriwa omanitokaniwawa iriniwok aka ka kiskerimatcik Kice Manitowa neta Kice Manito okitci aiamihe mikiwamik? Mia meka mitowi Kice Manito ka pimatisitc okitci aiamihe mikiwam kit iteritakosinano neta ka ici taciketc. Wir meka tipirawe ki itew: “Ni ka witci tacikemawok iriniwok kaie ni ka pimotewan neta e ici taciketcik. ‘Nikice Manitominan’ ni ka iterimikok, kirika ‘nitirinimak’ ni ka iterimawok.” Lévitique 26.12; Ézékiel 37.27

Hébreux iriniwok 12:2

Kanawapamatan mocak Cecoc. Wir meka ka ki miritokw nictam kitci asperimototawokw, kaie mocak ke witcihitokw e asperimoikw nac kitci ickwaparik kipimatisiwinino. Ki miwotaw e ki mirakaniwitc kitci nipotc tcipaiatikok. Nama ki otci waneritam aniheriw e ki otcinetc, misawatc ko e wanerimakaniwitc awik e ici nipahakaniwitc. Kiskeritamokopan meka Kice Manitowa e kanaweritamakotc nikanik kitci mireritak. Aci tca anotc apiw onihiwinik Kice Manitowa e ici apiritci okimaw tetapiwakanik.

Hébreux iriniwok 8:1

Enko ohwe ka mawotci kicteritakok mekwata ka taci witamatakok: ki tarano aci kitci makatewokorew e witcihitokw, nete wakwek e taciketc, e witapimatc Kice Manitowa ka mawotci mackawisiritci, onihiwinik e ici apitc.

Ka ki ici wapatahakaniwitc Jean 11:19

Minawatc Kice Manito okitci aiamihe mikiwam, neta wakwek ka takonik, ki pe cepariniw. Kek ki pe nokon neta pwete ka kitcitwaweritakok, neta e masinaterik Kice Manito otacotamakewin. Ki pe wawaskoreparin, kirika e ki pe koctasitakok kaie e petakositc onimiskiw. Ki kwekon kaie e ki micta sesekak.

Ka ki ici wapatahakaniwitc Jean 13:6

Ki micta pactamo e papirotowatc Kice Manitowa, e papirotak e icinikasoritci, kaie neta e ici tacikeritci e mareritak, acitc peikon anahweriw kaskina wakwek ka tacikeritci e marerimatc.

Ka ki ici wapatahakaniwitc Jean 20:10

Minawatc Matci Manito, anahwe ka wecimaspan anahweriw iriniwa, ki iciwepinakaniwiw neta ickote sakihikanik e osawapiterik, neta e ici tacikeritci anihi matci awesisa kirika anihi arotc ka nikan tipatcimoritci. Mocak kata nekatcihakaniwiwok, kape kickwa kaie kape tipiskwa, kakike nespitc.

Ka ki ici wapatahakaniwitc Jean 21:22

Nama ni ki otci wapaten kitci aiamihe mikiwam neta otenak. Wir meka tipirawe iteritakosiw kitci aiamihe mikiwam Teperitciketc, Kice Manito ka mawotci mackawisitc, acitc anahwe Maritcenic.

Ka ki ici wapatahakaniwitc Jean 22:3

Nama kata takon neta kekocic otenak Kice Manito kitci itetc “nama mirwacin.” Okimaw otetapiwakaniwaw Kice Manito kaie anahwe Maritcenic, ekota neta otenak ke acterik. Ka atoskectawatcik Kice Manitowa kata kicterimewok.

Ka ki ici wapatahakaniwitc Jean 22:5

Nama awocamec kata tipiskaw. Nama soka kata apatcitawok wactenamakaniw kitci wacterik, kaie peikon pisimwa. Wir meka tipirawe Teperitciketc Kice Manito kata wactenamawew. Nespitc kata tiperitamok.

Ka ki ici wapatahakaniwitc Jean 4:4

Waska anihe okimaw tetapiwakanik nicitana acitc new tatinopan kotakihi okimaw tetapiwakana. Ekota neta e apiwaspan nicitana acitc new ka kiceatisitcik, e wapekohowaspan, kaie octikwaniwak okimaw actotiniw e osawo coriawapiskowonik e apatcitawaspan.

Ka ki ici wapatahakaniwitc Jean 4:8

Tato neta e tacitcik aniki new ka pimatisitcik nikotwatcinipan otatakoniwaw. Tekaci e itikititcik nokonipan ockicikowaw ocakawak, wawatc okitc otatakoniwak nokonipan ockicikowaw. Mekwata e kicikarik kaie e tipiskarik, nama ponitawok e nakamotcik, e itetcik: “Kitcitwawisiw, kitcitwawisiw, kitcitwawisiw, Teperitciketc Kice Manito, wir ka mawotci mackawisitc, mocak ka ki pe tatc, ka tatc anotc kaie nikanik ke pe icatc.”

Ka ki ici wapatahakaniwitc Jean 4:9

Tatwaw ka nakamotcik aniki new ka pimatisitcik kitci icperimatcik, kitci kicterimatcik kirika kitci naskomatcik anihi ka apiritci okimaw tetapiwakanik, nespitc ka pimatisiritci,

Ka ki ici wapatahakaniwitc Jean 7:9

Ka ickwa isparik, kiapatc ni ki itapin. Ni ki wapamawok iriniwok, e apitc ki micta mitcetitcik, nama awik kata kackitapan kitci akimatc e taciritci, iriniwok kaskina wiec e wetcitcik ota askik, kaskina e tato otenwesitcik, kaskina papitoc e aicinakositcik, acitc kaskina tatowek e ici arimwetcik. Ekota nta nikanik kaskina ka ici nanipowitcik okimaw tetapiwakanik, kaie nikanik Maritcenicik, kaskina e wapaspisotcik, tato nta e tacitcik e takonatc cikopia.