Ka ki ici wapatahakaniwitc Jean 7:12 - Kice Manito Ocki Omirwatcimowin

¹² e itetcik: “Kekora ki iki! Nespitc kitci mirwatcimakaniwitc Kikice Manitomino kaie kitci icperimakaniwitc, kitci asperimototawakaniwitc e omiro omitoneritcikanitc, kitci naskomakaniwitc, acitc kitci kicterimakaniwitc, kirika kitci kiskerimakaniwitc e asitcisitc, kaie e apitc mackawisitc, Kikice Manitomino, anotc nac nespitc! Kekora ki iki.”

Ka ki ici wapatahakaniwitc Jean 7:12 Iomraidhean Croise

Matio 6:13

Kaie akawir pakitinicinan kitci kokwetcihikoiak kitci pactatiak, kirika witcihicinan aka kitci cakotcihimitc Matci Manito. [Kir meka ka ici tataman okimawin, mackawisiwin, acitc icperitakosiwin, kakike nespitc. Kekora ki iki.]’”

Rome iriniwok 11:36

Kaskina meka e ici takonik wir ka ki kiceritak. Kaskina wir ka mitatc kaie e tiperitak. Kakike tca icperimatan! Kekora ki iki.

1 Corinthe iriniwok 14:16

Minawatc tca kir, kecpin e naskomatc Kice Manito tepirak kitcitcakocik, kotak arimwewina e apatcitain aka ka kiskeritakok, iriniwok neta ka taciketcik e mawotcihitonaniwonik aka ka nisitotakik aniheriw ka itotiskewotc, nama wirawatc kata ki itewok “Kekora ki iki” e ickwa aiamihawotc, nama meka kata nisitotamok e itewotc.

2 Corinthe iriniwok 4:15

Kaskina anihe ka pe iciwepasiak, wetci isparik, kirawaw kitci witcihikoiekw. Eckam tca kata iti mitcetiwok ke kiskeritakik Kice Manitowa omirotehewiniw, mikwetc kitci itatcik e mirwatcimatcik kaie e icperimatcik.

Colosse iriniwok 2:7

Mocak ki ka sokowaskonawaw, enko kaie anahwe ke ici tcimataiekw kipimatisiwiniwaw. Enko anahwe ke otci pimatisiekw kirika ke mackawisihitakw. Mocak eckam asperimototawakw, mia ka ki ici kiskinohamakoiekw, kaie mocak ki ka naskomawaw.

Colosse iriniwok 3:17

Kaskina tca ke itotiskeiekw kirika ke iteiekw, ki ka totenawaw Teperitciketc Cecoc oticinikasowin otci, wir otci e naskomekw Kotawino Kice Manito.

Jude 1:25

wircike e peikocitc e Kice Manitowitc, anahwe Ka Ki Akwacimitokw, e ki pe iciticohwatc anihi Ka Tiperimitokw Cecoc Krist. Icperitakosiw kaie kicteritakosiw, e micta mackawisitc acitc kaskina e tiperitak. Ekoni mocak ka icinakositc, ekoni anotc e icinakositc, kaie nespitc ke icinakositc! Kekora ki iki. Nin Jude

Ka ki ici wapatahakaniwitc Jean 1:18

Nin Ka Pimatisian. Ni ki nipotai, kakike aric aci ni ka pimatisin. Aci ni tiperiten nipowin, kaie ka ici arakaniwitcik ka nipotcik.

Ka ki ici wapatahakaniwitc Jean 19:4

Aniki nicitana acitc new ka kiceatisitcik kaie aniki new ka pimatisitcik ki nipiskoctewok e kicterimatcik Kice Manitowa ka apiritci okimaw tetapiwakanirik, e itetcik: “Kekora ki iki! Alléluia! Mirwatcimatan Teperitciketc!”