Ka ki ici wapatahakaniwitc Jean 7:10 - Kice Manito Ocki Omirwatcimowin

¹⁰ Ki tepitepwewok e micta kiciwetcik, e itetcik: “Enko na Kikice Manitomino ka apitc okimaw tetapiwakanik kirika Omaritcenicima ka akwacimitakok!”

Ka ki ici wapatahakaniwitc Jean 7:10 Iomraidhean Croise

Luc Omasinahikan 3:6

Kaie kaskina awik kata wapatam e akwacimiweritci Kice Manitowa.’” Ésaïe 40.3-5

Jean 1:29

Minawatc kecikarik, Capatis ki wapamew Cecoca e pe natcikapowictakotc. Ki itew: “Enkweriw Kice Manito omaritcenicima ka maninamowaritci kaskina awiriw opactatowiniw.

Jean 1:36

Ka wapamatc Cecoca e pimoteritci, ki itew: “Enkweriw Kice Manito omaritcenicima!”

Jean 4:22

Kirawaw Samarie iriniwok ki kicterimawaw anahwe aka ka kiskerimekw. Ninan e cota iriniwiak, ni kiskerimanan kaie ni kicterimanan. Cota iriniwiw meka anahwe ke akwacimiwetc.

Éphèse iriniwok 2:8

Enkweriw meka omirotehewin Kice Manito wetci ki akwacimikoiekw, e ki tca asperimototawekw. Namaiew ni kirawaw tipirawe ka ki akwacimitisoekw. Kice Manito ni ka ki ici cawerimitakw.

Ka ki ici wapatahakaniwitc Jean 12:10

Minawatc ni ki petawaw awik e arimwetc e micta sokitakositc, wakwek e otewetak, e itetc: “Aci otcitciparin kitci akwacimitokw Kikice Manitomino! Aci ickwa wapatahiwew e apitc mackawisitc, wir e okimamiikw! Aci anihi ka ki itespan kitci pe iciticohwatc kitci pe nta akwacimimitokw ki wapatahiweriw wir e tiperitcikeritci. Ki orowepinakaniwiw meka anahwe ka itactahoriwetc, kitci nitciwepinakaniwitc anahwe mocak ka wi itactahoratc kiwitcicaninowa, anahwe nikanik ka nanipowispan neta Kikice Manitomino e ici nanipowiritci, aspinikotc kitci ki itactahoratc iriniwa, e kicikarik kaie e tipiskarik.

Ka ki ici wapatahakaniwitc Jean 19:1

Minawatc ni ki peten e arimwaniwok wakwek, mia e kice mitcetiwotcikatek iriniwok e tepitepwetcik, e itetcik: “Alléluia! Mirwatcimatan Teperitciketc! Wir Kikice Manitomino ka akwacimiwetc! Icperitakosiw kaie micta mackawisiw!

Ka ki ici wapatahakaniwitc Jean 21:5

Minawatc anahwe ka apitc okimaw tetapiwakanik ki itew: “Aci anotc kaskina kekocic ocki ni toten.” Minawatc ni ki itikw: “Masinaha ohwe. Kaskina meka ka iteian tapwe icinakon, kaie kata ki asperimonaniwon.”

Ka ki ici wapatahakaniwitc Jean 22:3

Nama kata takon neta kekocic otenak Kice Manito kitci itetc “nama mirwacin.” Okimaw otetapiwakaniwaw Kice Manito kaie anahwe Maritcenic, ekota neta otenak ke acterik. Ka atoskectawatcik Kice Manitowa kata kicterimewok.

Ka ki ici wapatahakaniwitc Jean 4:6

Kaie kiapatc takonopan kekocic nikanik okimaw tetapiwakanik, mia peikon kitcikami e micta wasipekitik, mia osapiwakanapiskw e icinakok. Micta cipwacteharik, mia peikon asini ka icinikatakaniwitc “cristal.” Nokosipanak “new ka pimatisitcik” ka icinikatakaniwitcik, neta waska aniheriw okimaw tetapiwakanik kirika opimera e icikapowitcik, tekaci e itikititcik ocakawak nokonipan ockicikowaw e mitcenik.

Ka ki ici wapatahakaniwitc Jean 5:7

Anahwe Maritcenic ki pe iti icikapowiw, e otapinak masinahikaniw onihiwinik anihi ka apiritci nta okimaw tetapiwakanik.