Ka ki ici wapatahakaniwitc Jean 6:12 - Kice Manito Ocki Omirwatcimowin

¹² Minawatc kiapatc ni ki wapamaw Maritcenic e pikopitak kipotcickiwokisikaniw, ekoni aci nikotwaso. Kek ki micta kwekon. Pisimw tekaci iti makatewosiw, mia wikasi tekaci e makatewekik, awik e apatcitatc e cikawitc. Minawatc tipiskaw pisimw tekaci iti mikosiw, mia miko.

Ka ki ici wapatahakaniwitc Jean 6:12 Iomraidhean Croise

Matio 11:21

“Ekwa kirawaw neta Chorazin otenak ka tacikeiekw! Nikotin ki ka nakickenawaw kitci arimipariekw! Kaie kirawaw Bethsaïda otenak ka tacikeiekw, nikotin ki ka arimiparinawaw! Kecpin nitowatc nete Tyr otenak kirika Sidon otenak ki taci mata kackitaian patok ota kirawaw ka ici tacikeiekw, aci weckatc wirawaw aniki iriniwok kata ki piskamopanak wikasiriw ka kawekinik acitc kata ki cicocimoropanak iskwaskiteskok kitci wapatahiwetcik e kweskatisitcik.

Matio 24:29

“Tecikotc ickwa ici nekatcitakaniwoke, nama kata nokosiw pisimw, kaie tipiskaw pisimw nama kata wasikew. Atcikocak waskok kata otci papakiciniwok. Kaskina tca aniki pisimw, tipiskaw pisimw kaie atcikocak kata ninikipariwok.

Matio 24:7

Kata mamowinehitowok iriniwok ite kotc e ici aitaciketcik. Peikw okimaw kata nta natoparictawew kotakihi okimawa. Kata kokataniwon, kaie kata kwekon atita e aitaskamikak.

Matio 27:45

Ka apita kicikak, tekaci ki tipiskaw kaskina wiec neta askik, nac nicto tipahikan e ickwa apita kicikak.

Matio 27:54

Ka tiperimatc cimakanica kaie anahweriw cimakanica ka witcihikospan neta e nanakatcihawaspan Cecoca, ki wapatamok e ki kwekonik kaie kaskina ka ki isparinik. Ki micta sekisiwok kirika ki itewok: “Enko anahwe tapwe Kice Manito Okosa!”

Matio 28:2

Kek ki micta kwekon. Peikw aceriw, Teperitcikeritci e ki pe iciticohikotc, ki pe otcirew wakwek. Opimera ki pe nta tetipinew anihi asiniwa ka ki kipahikewakaniwonik nete ickwatemik matikowocik. Ki apiw neta asinik.

Mark 15:33

Ka apita kicikak tekaci ki tipiskaw kaskina wiec, nac nicto tipahikan e ickwa apita kicikak.

Ka ki ici wapatahakaniwitc Jean 11:13

Ani apitc mekwata ki micta kwekon. Mitatowaw e ici tipahikatek anihe micta otenaw, peikw ki korokoskomikiparin. Nicowasowaw kice mitato mitana iriniwok ki nipowok e ki kwekonik. Aniki kotakihik iriniwok ki micta sekisiwok, kaie ki micta mirwatcimewok Kice Manitowa icpimik ka tacikeritci.

Ka ki ici wapatahakaniwitc Jean 16:18

Ki micta wawaskorepahamok onimiskiw kaie kotakihi e matawotakoki, kaie e ki micta kwekok. Nama wiskat ki otci takon kitci isparik aski e apitc ki aiatciparik, esko nictam iriniw ka kicerimakaniwitc. Mictahi ki koctateritakon.

Ka ki ici wapatahakaniwitc Jean 16:8

Minawatc kotak aceriw, ekoni aci new, ki nta sikinam orakan pisimok. Anahwe pisimw ki mirakaniwiw kitci ickwaswatc iriniwa.

Ka ki ici wapatahakaniwitc Jean 8:12

Minawatc kotak aceriw ki potatam kweckoctatcikaniw, ekoni aci new. E nicto tipahakaniwitc kicikaw pisimw kekociciriw ki ispariw kaie peikon tipiskaw pisimw acitc atcikocak, kiapatc peikw nta e nicto tipahakaniwitcik, aka kitci wasisotcik. Tekaci nama ki otci wasisowok peikw e nicto tipahakaniwitc irikik mekwata e kicikarik kaie peikon e tipiskarik.

Ka ki ici wapatahakaniwitc Jean 8:5

Minawatc aceriw ki otapinam aniheriw osawo coria orakaniw. Ki mockinam e actatc ickoteriw, neta e ki otinak ka ici aiamihe pakitinikaniwonik, e iciwepinak askik. Ki petakosiw onimiskiw e micta kiciwetc, e wawaskoreparik, kaie e kwekok.