Ka ki ici wapatahakaniwitc Jean 5:13 - Kice Manito Ocki Omirwatcimowin

¹³ Minawatc ni ki petawawok aniki kaskina ka ki kicerimakaniwitcik: wakwek ka taciketcik, askik ka pimatisitcik, atamik askik ka taciketcik, acitc kitcikamik ka taciketcik, —kaskina e tatcik e irikokoskamikarik— e nakamotcik: “Anahwe ka apitc okimaw tetapiwakanik, kaie anahwe Maritcenic, nespitc kitci mirwatcimakaniwitcik, kitci kicterimakaniwitcik, kitci icperimakaniwitcik kaie kitci mackawisitcik!”

Ka ki ici wapatahakaniwitc Jean 5:13 Iomraidhean Croise

Matio 6:13

Kaie akawir pakitinicinan kitci kokwetcihikoiak kitci pactatiak, kirika witcihicinan aka kitci cakotcihimitc Matci Manito. [Kir meka ka ici tataman okimawin, mackawisiwin, acitc icperitakosiwin, kakike nespitc. Kekora ki iki.]’”

Luc Omasinahikan 2:14

“Icperimatan Kice Manito, mawotci icpimik wakwek e taciketc. Pekateritamowiniw kaie kitci takonik iriniwa otci ota askik ka sakihatc!”

Jean 1:29

Minawatc kecikarik, Capatis ki wapamew Cecoca e pe natcikapowictakotc. Ki itew: “Enkweriw Kice Manito omaritcenicima ka maninamowaritci kaskina awiriw opactatowiniw.

Rome iriniwok 11:36

Kaskina meka e ici takonik wir ka ki kiceritak. Kaskina wir ka mitatc kaie e tiperitak. Kakike tca icperimatan! Kekora ki iki.

Rome iriniwok 16:27

Kakike mocak icperimatan Kice Manito, wircike tekaci ka omiro omitoneritcikanitc! Cecoc Krist meka otci e ki itotisketc kitci icinakonik! Kekora ki iki! Nin Pwar

Rome iriniwok 9:5

Weckatc kit aniskotape kimocominawok ki pe otapikeciniwok. Kaie wir Cecoc Krist ki cota iriniwiw mekwata ka pe iriniwitc ota askik, wir kaskina kekociciriw ka tiperitak. Nespitc kitci mirwatcimakaniwitc Kice Manito! Kekora ki iki.

Éphèse iriniwok 3:21

Mirwatcimatan tca Kice Manito, Cecoc Krist otci kaie otirinima, anotc mekwata nac nespitc. Kekora ki iki.

Pirip iriniwok 2:10

Nataweritamopan Kice Manito, kaskina ka pimatisiritci, waskok kaie ota askik, acitc atamik askik ka tacikeritci, kitci nipiskoctawaritci Cecoca, kitci kicteritcikaterik oticinikasowiniw,

Colosse iriniwok 1:23

Actew aric kiapatc mocak kitci asperimototawekw Kice Manito, wewerita kitci sokikapowiekw, aka kitci pakiterimitisoekw kitci oniwirikoiekw e pakiteritamekw anihe asperimowin ka ici tatamekw esko ka petamekw Mirwatcimowin. Aci kaskina iriniwok ota askik ki tipatcimoctawakaniwiwok aniheriw Mirwatcimowiniw. Enko anihe peikon Mirwatcimowin ka atoskectaman, nin Pwar.

1 Timothée 4:16

Aiekwaminitiso kaie nanakatcita e ici kiskinohamakein. Sokikapowi neta. Kecpin itotiskeine, kir tipirawe ki ka akwacimikowin, kaie aniki iriniwok ka natotaskik kata akwacimakaniwiwok.

1 Pien 4:11

Anahwe ka aiarimwetc kata witam tipatcimowiniw mia Kice Manitowa wir tipirawe e arimweritci. Minawatc anahwe ka ki mirakaniwitc kitci atoskectaketc, kata irapatcitaw aniheriw mackawisiwiniw ka ki ici mirikotc Kice Manitowa kitci witcihiwetc, mocak wir Kice Manitowa kitci icperimakaniwiritci, Cecoc Krist otci, anahwe nespitc ke icperimakaniwitc e micta mackawisitc! Kekora ki iki.

1 Pien 5:11

Wir mocak kitci tatak mackawisiwiniw! Kekora ki iki.

Jude 1:25

wircike e peikocitc e Kice Manitowitc, anahwe Ka Ki Akwacimitokw, e ki pe iciticohwatc anihi Ka Tiperimitokw Cecoc Krist. Icperitakosiw kaie kicteritakosiw, e micta mackawisitc acitc kaskina e tiperitak. Ekoni mocak ka icinakositc, ekoni anotc e icinakositc, kaie nespitc ke icinakositc! Kekora ki iki. Nin Jude

Ka ki ici wapatahakaniwitc Jean 1:6

Ki ki mirikono otirinima kitci iteritakosiikw, wir e okimamiikw, kaie kitci iteritakosiikw mia makatewokorewok, matci kitci atoskectawimawiko Otawiwa Kice Manito. Nespitc kitci icperimakaniwitc kirika kitci mackawisitc! Kekora ki iki.

Ka ki ici wapatahakaniwitc Jean 13:8

Kaskina iriniwok e tacitcik ota askik ki kicterimewok anihi matci awesisa, kaskina aniki aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw. Maritcenic ka ki nipahakanitc, enko na ka tiperitak aniheriw masinahikaniw.

Ka ki ici wapatahakaniwitc Jean 5:1

Minawatc ni ki wapaten masinahikan e aitowi notimickweminikatek, onihiwinik e takonak anahwe neta ka apitc okimaw tetapiwakanik. Anahwe masinahikan aitowisinatepan. Nicowaso kipotcickiwokisikaniw ki actakaniwoniw neta masinahikanik aka awik kitci ki cenak.

Ka ki ici wapatahakaniwitc Jean 5:12

Nakamopanak e micta kiciwetcik: “Maritcenic ka ki nipahakaniwitc tipi iteritakosiw kitci pe otitikotc mackawisiwiniw kaie micikitawiniw, miro mitoneritcikaniw acitc tiperitamowiniw, kaie kitci kicterimakaniwitc, kitci icperimakaniwitc acitc kitci mirwatcimakaniwitc!”

Ka ki ici wapatahakaniwitc Jean 5:3

Nama aric awik tapan neta wakwek kirika askik kaie atamik askik kitci ki cenak aniheriw masinahikaniw kitci nta kanawapatak tan e itasinaterik.

Ka ki ici wapatahakaniwitc Jean 5:6

Minawatc ni ki wapamaw peikw Maritcenic, e nanipowispan tetawitc okimaw tetapiwakanik, e waskakapowictakopanen anahweriw ka newowiritci ka pimatisiritci kaie anahweriw ka kiceatisiritci. Mia e ki nipahakaniwitc e icinakositc. Nicowatciripana oteckana. Kaie nicowatcinipan ockicikw, enko aniki nicowaso manitowok Kice Manito ka ki iciticohwatc kaskina e irikokoskamikarik.

Ka ki ici wapatahakaniwitc Jean 5:9

Aci ocki nakamowiniw nakamowok, e itetcik: “Kir ki tipi iteritakosin kitci otapinaman ohwe masinahikan kaie kitci pikopitaman kipotcickiwokisikana kitci cenaman masinahikan. Ki ki meka nipahikowin, e ki pakitinaman kimikw kitci macikowik. Ki ki tca otapinawok iriniwok Kice Manito otci, kaskina e tato otenwesitcik ota askik, kaskina tatowek e ici arimwetcik, kaskina papitoc e aicinakositcik, kaie kaskina wiec e wetcitcik ota askik.

Ka ki ici wapatahakaniwitc Jean 6:16

Ki tepwewok matinak kirika asinik e itatcik: “Ote pe ici tetipiparikw! Ni ka tca miro kasonan, aka kitci wapamiamitc anahwe ka apitc okimaw tetapiwakanik kaie anahwe Maritcenic aka kitci pasakactehwimitc.