Ka ki ici wapatahakaniwitc Jean 4:1 - Kice Manito Ocki Omirwatcimowin

¹ Minawatc kotak kiapatc ni ki icinen: ni ki wapaten ickwatem e cetik wakwek. Kiapatc ni ki petawaw anahwe nictam ka aimihispan, ka micta sokitakonik otarimwewin, mitowi kweckoctatcikan e ititakonik, e pe icitc: “Pe ica ota icpimik. Ki ka wapatahitin ke isparik nikanik.”

Ka ki ici wapatahakaniwitc Jean 4:1 Iomraidhean Croise

Matio 3:16

Kotc ka ickwa sikahatasotc Cecoc, ki akowatakasiw neta sipik. Mia apitc ki cepariniw wakwek wir otci. Ki wapamew Kice Manitowa Omiro Manitomiriw e pe racireritci mia omemew e icinakosiritci, e pe poneritci.

Mark 1:10

Mia apitc ka kospitc Cecoc, ki wapatam e ceparinik waskoriw, kirika ki wapamew Miro Manitowa e pe racireritci wir otci, mia omemew e icinakosiritci.

Luc Omasinahikan 3:21

Ka ickwa sikahatasotcik mitcet iriniwok, Cecoc kaie wir ki sikahataso. Mekwata ka aiamihatc, ki cepariniw wakwek.

Jean 16:13

Pe takocike Miro Manito, anahwe ka miriwetc tapwewiniw, ki ka witcihitinawaw kaskina tapwewin kitci kiskeritamekw. Nama tepirak wir tipirawe otiteritamowin kata otci aiarimwew, aric aniheriw ki ka witamakowaw kaskina ke ici petak, kirika kata tipatcimo ke iti aiciwepanik.

Ka ki aitotiskeritci Cecoc otarotakana 10:11

Ki wapatam wakwek e ceparinik, kekociciriw e pe raciparinik, mitowi micta mitcisowakanekin e matcikonikatek neta e ici kikiekak e pe raciparik askik.

Ka ki aitotiskeritci Cecoc otarotakana 7:56

Aci itew: “Natotamokw! Ni wapaten wakwek e ceparik, kirika anahwe Ka ki pe iriniwihitisotc ni wapamaw e nanipowitc Kice Manitowa onihiwinik.”

Ka ki ici wapatahakaniwitc Jean 1:10

Peikwaw e arwepi kicikak, Miro Manito ni ki pe nta pitciteheckakw. Ni ki petawaw awik e arimwetc e pe micta sokitakositc, otananik e icikapowiapan e otewetak, mitowi kweckoctatcikan e ititakositc.

Ka ki ici wapatahakaniwitc Jean 1:12

Ni ki kiweskwerin kitci ki wapamak awin ka aimihitc. Ni ki wapaten tca nicowaso wactenamakana e osawapiskaki.

Ka ki ici wapatahakaniwitc Jean 1:19

Masinaha tca kaskina ka ici wapataman, anotc e isparik kaie nanake ke iti isparik.

Ka ki ici wapatahakaniwitc Jean 11:12

Minawatc aniki e nicitcik ki petawewok awiriw e arimweritci e micta sokitakosiritci, wakwek e otci petakosiritci, e itikotcik: “Pe ocpickakw ote icpimik!” Ki tca ocpickawok, oskok e ki nanipowitcik, mekwata e kanawapamikotcik iriniwa ka cikerimikotcik.

Ka ki ici wapatahakaniwitc Jean 11:19

Minawatc Kice Manito okitci aiamihe mikiwam, neta wakwek ka takonik, ki pe cepariniw. Kek ki pe nokon neta pwete ka kitcitwaweritakok, neta e masinaterik Kice Manito otacotamakewin. Ki pe wawaskoreparin, kirika e ki pe koctasitakok kaie e petakositc onimiskiw. Ki kwekon kaie e ki micta sesekak.

Ka ki ici wapatahakaniwitc Jean 16:17

Minawatc mamitcitc anahwe aceriw, ekoni aci nicowaso, ki sikinam orakan icpimik. Ki petakosiw e micta sokitakositc, nte itekera okimaw tetapiwakanik e otci petakositc, pitakamik kitci aiamihe mikiwamik e acterik, e itetc: “Ekoni e icinakok!”

Ka ki ici wapatahakaniwitc Jean 19:11

Minawatc ni ki wapaten icpimik e cetik. Atikw e wapisitc ki pe nokosiw. Awik e okitapitc neta atikok. Icinikaso “Anahwe mocak ke ki asperimototawakaniwitc” acitc “Anahwe mocak ka tapwetc.” Mocak icikowisk ici tipaskonikew kaie e natoparitc.

Ka ki ici wapatahakaniwitc Jean 22:6

Minawatc anahwe aceriw ni ki itikw: “Tapwe ohwe ka aiteian. Ki ka ki asperimototen tapwe kitci icinakok. Teperitciketc Kice Manito, anahwe ka miratc nikan tipatcimo iriniwa ke aiteritci e tipatcimoritci, ki iciticahwew otacerima kitci nta witamawaritci ka atoskectakotc ke iciwepanik nanake.”