Ka ki ici wapatahakaniwitc Jean 3:8 - Kice Manito Ocki Omirwatcimowin

⁸ Ni kiskeriten e aitotamekw. Ni kiskeriten aka orina e mackawisiekw, peikon e ki natotamekw nitarimwewin, aka kaie e ki otci pakiterimiekw. Ni ki tca cenen peikw ickwatem kirawaw otci, aka awik ke ki kipahak.

Ka ki ici wapatahakaniwitc Jean 3:8 Iomraidhean Croise

Luc Omasinahikan 12:9

Kecpin aric awik itete aka e kiskerimitc, kotakihik iriniwok e petakik, kaie wir anihi Ka ki pe iriniwihitisoritci kata witamakeriw aka e kiskerimikotc, e petamiritci Kice Manito otacerima.”

Jean 15:20

Mikaweritamokw anihe ka ki ititakok: ‘Awik ka atoskectaketc nama kirawe kicteritakosiw patok anihi ka tiperimikotc.’ Kecpin ki nekatcihitcik iriniwok, peikon kaie kirawaw ki ka nekatcihikowawok. Kecpin kotakihik ki natotawitcik, peikon tca kaie kirawaw ki ka natotakowawok.

Jean 17:6

“Ni ki witcihawok iriniwok kitci ki kiskerimiskik wewerita, aniki ota askik ka ki acotamawiin kitci mihakik. Kir tipirawe kitirinimak iteritakosipanak. Minawatc ki ki pe acotamawin kitci mihakik, kaie ki sapitamok kititewiniw.

Ka ki aitotiskeritci Cecoc otarotakana 14:27

Ka ickwa takocikik neta Antioche otenak, ki mawotcihewok iriniwa ka tapwerimaritci Cecoca. Ki witamawewok kaskina ka ki aitotamiritci Kice Manitowa wirawaw otci, kaie tan ka ki aitotiskeritci kitci meskanakowaritci anihi aka ka cota iriniwiritci, ekoni kaie wirawaw kitci ki asperimototakotc.

1 Corinthe iriniwok 16:9

Mictahi meka miroparin ota kitci otamiroan Kice Manito otci, misawatc e mitcetitcik iriniwok aka ka mireritakik e ici otamirowak.

2 Corinthe iriniwok 2:12

Ka takocinian neta otenak ka icinikatek Troas kitci tipatcimoan Mirwatcimowin Cecoc Krist otci, kirika ka wapataman Teperitciketc aci wewerita e ki ocitowitc meskanariw nte kitci ki ici tipatcimowak,

Pirip iriniwok 4:13

Ni kackitan kaskina anihe kitci nakickaman Krist otci, e mackawisihitc.

Colosse iriniwok 4:3

Kirika aiamihectamacinan kaie ninan, kitci miro mirimitc Kice Manito kitci miroparik kitci pa tipatatamak otipatcimowin, kitci ki aiarimotamak Krist otipatcimowin weckatc ka ki ici katcicterikipan. Ekoni meka wetci ki kipohokowian.

1 Timothée 5:8

Kecpin awik aka nakatawerimate otcirowemakana, picicikw anahweriw ka witci tacikematc, mia e ki atimikapowictak otasperimowin e iteritakositc. Kirawe wir matci totam patok aniki aka ka tapwerimatcik Kice Manitowa.

2 Timothée 4:7

Mia aci e poniparik e ki natoparian e iteritakok e ki atoskectawak Cecoc. Mia kaie awik e ickwa mipatatc e kwetciskatatc, aci kata ickwaparin notamirowin. Mocak ni ki asperimototawaw Teperitciketc.

Jude 1:4

Aci meka atita iriniwok ka wi matci totakik ki kitcipariwok kitci pe icatcik neta e mawotcihitoekw, aka aric moci e wapatahitakok tapwe e ici tapweritakik. Wi meckotcitawok ka ici kiskinohamakaniwonik Kikice Manitomino omirotehewiniw otci, tepirak aka wiec kitci iterimakaniwitcik ani e ici matci pimatisitcik. Wepakonewok Cecoc Krist, anihi tepirak ka okimamiikw, wircike Ka Tiperimitokw. Aci weckatc ki tipatcimonaniwon neta Kice Manito Omasinahikanik kitci anwerimakaniwitcik.

Ka ki ici wapatahakaniwitc Jean 2:13

Ni kiskeriten ka ici tacikeiekw: neta Matci Manito ka ici apitc okimaw tetapiwakanik. Aric mocak ki pe nosanehwinawaw. Nama ki ki otci wepinenawaw e tapwerimiekw, misawatc Antipas e ki nipahakaniwitc neta kotenamiwak, mocak anahwe ka ki atoskectawitc. Ekota nta kotenamiwak, neta Matci Manito ka ici taciketc.

Ka ki ici wapatahakaniwitc Jean 2:2

Ni kiskeriten e aitotamekw. Ni kiskeriten ka ici arimihitisoekw e mantokasoekw kirika e sokikapowiekw e nakickamekw arimisiwin. Ni kiskeriten aka e pakitinekok ka matci totakik kitci witcewitakok. Ki ki nanto kiskerimawawok iriniwok ka kiraskitcik e itetcik e ki pe iciticohwakik, namaiew aniki tapwe nitarotakanak. Ki ki nisitowinowawawok e wecimiwetcik.

Ka ki ici wapatahakaniwitc Jean 22:7

Cecoc itew: “Natota! Aci peconakon kitci pe koski takocinian! Caweritakosiwok aniki ka kanaweritakik ka ici nikan tipatcimonaniwonik ota masinahikanik!”

Ka ki ici wapatahakaniwitc Jean 3:1

Minawatc kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Sardes otenak: Enko ohweriw ka itetc anahwe ka taritci anihi ka nicowatciritci manitowa kaie e nicowatciritci atcikoca: Ni kiskeriten e aitotamekw. Ni kiskeriten iriniwok arotc e iterimitakok ‘pimatisiwok,’ aric tapwe wirata ki niponawaw kitcitcakociwak itekera.

Ka ki ici wapatahakaniwitc Jean 3:10

Ki ki natotawinawaw ka ititakok mocak kitci sokikapowiekw. Ki ka tca nanakatcihitinawaw aka wiec kitci ispariekw, mekwata ke pe arimiparik. Kata meka pe arimiparin ota askik, kaskina iriniwok kitci nta kiskerimakaniwitcik e apitc ma tapwerimiwakwen.

Ka ki ici wapatahakaniwitc Jean 3:15

Ni kiskeriten e aitotamekw. Ni kiskeriten aka mocak e nosanehwiekw, kaie aka tekaci e wepiniekw, mia mitowi nipi e iteritakosiekw aka ka tipi takikamik kaie aka ka tipi kicakamitek. Mocak ki ta nosanehwinawaw, tepirak peikw kitehiwaw kitci apatcitaiekw!

Ka ki ici wapatahakaniwitc Jean 3:7

Minawatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Philadelphie otenak: Enko ohweriw ka itetc anahwe ka kitcitwawisitc, mocak kaie ka witak tapwewiniw, anahwe ka takonamwatc Okimaw Tapita ocehikaniw. Kecpin wir e cenak ickatemiriw, nama awik kata ki kipaham. Kecpin e kipahak, nama awik kata ki cenam.