Ka ki ici wapatahakaniwitc Jean 3:3 - Kice Manito Ocki Omirwatcimowin

³ Mikaweritamokw tca anihe kiskinohamakewin ka ki pe otitikoiekw kaie ka ki ici petamekw. Sapitamokw kaie kweskatisikw! Kecpin aka kockosiekwe, kimotc ki ka keskopititinawaw, aka kitci kiskeritamekw apitc ke pe icaian, mia mitowi kimoti iriniw e itotisketc aka e kiskeritakositc apitc ke pe takocik.

Ka ki ici wapatahakaniwitc Jean 3:3 Iomraidhean Croise

Matio 25:13

Aci itew Cecoc: “Aiekwamisikw tca. Nama meka ki kiskeritenawaw ke tato kicikak kaie ke tato tipahikaneak ke takocinian.”

Mark 13:33

Aiekwamisikw tca! Miro nanakatisikw! Nama meka ki kiskeritenawaw kaie kirawaw apitc mia ke pe iciwepak.

Mark 13:36

Kecpin keskat takocike, nama kata mirwacinipan kitci miskatakw e nipaiekw!

1 Thessalonique irinowok 5:2

Ki miro kiskeritenawaw meka kirawaw tipirawe, nikotin minawatc kitci pe icatc Teperitciketc, tekaci aka kitci kiskeritakonik apitc mia ke takocik, mitowi kimoti iriniw mekwata e tipiskarik kimotc e pe takocik.

1 Timothée 6:20

Nikwimes Timothée, miro kanawerita ka ki ici acotamakoin. Aka pamita kaskina wiec e ici aimihitotcik atita iriniwok, e kikamitotcik kekociciriw, aka ka takonik ke otci asperimonaniwonik, aniheriw arotc ka icinikatakik “kiskeritamowin.”

2 Timothée 1:13

Wewerita ki ka kanaweriten anihe tapwewin ka ki ici kiskinohamatan, mocak kaie kitci sakihiwein, kaie kitci asperimototawotc Cecoc Krist, kotc e ici pimatisinaniwok e mamweritakosinaniwok kirika wir.

Hébreux iriniwok 2:1

Ekoni wetci actek wawatc kirawe awocamec kitci miro natotamokw tapwewin ka ki ici petamokw, aka kekocic kitci oniwirikoikw.

2 Pien 1:13

Actew, nit iteriten, mocak kitci mikawasimitakok, kirike ma irikik ke pimatisian.

2 Pien 3:1

Nimiro nikwimesak, enko ohwe minawatc tec ka pe masinahamatakok. Wetci ki masinahaman e niciki nimasinahikan, e wi witcihitakok wewerita kitci ici mitoneritamekw,

2 Pien 3:10

Keskat aric kata pe takocipariniw aniheriw okicikom Teperitciketc, mia mitowi kimoti iriniw keskat e pe takocik. Ani apitc tekaci nama kata takon kekocic icpimik. Keskat kata tcakickamakan e koctasitakok. Kicikaw pisimw, tipiskaw pisimw kaie atcikocak tekaci kata tcakaskisowok. Aski kaie kaskina e ici takok ota askik kata ickwa takono.

Ka ki ici wapatahakaniwitc Jean 16:15

Teperitciketc itew: “Natotamokw! Keskat ni ka pe ican, mia mitowi kimoti iriniw keskat e pe takocik apitc aka e pehakaniwitc! Caweritakosiw anahwe mocak ke nanakatisitc, pecotcik e kanaweritak owikasim, mocak kitci ki ickwa aiketc wipatc kitci wespisotc, aka tca kitci miceckatetc, kaie aka kitci waneritak wapamakaniwite ani e icinakositc.”

Ka ki ici wapatahakaniwitc Jean 2:25

Wewerita aric kanaweritamokw e ici tapweritamekw, nac kitci pe takocinian.

Ka ki ici wapatahakaniwitc Jean 2:5

Mamitoneritamokw e asitci warawik pakiciniekw! Meckotatisikw, mia weckatc e itatisiekopanen! Kecpin aka meckotatisiekwe, ki ka natawapamitinawaw kaie ni ka pe nta maninen kiwactenamakaniwaw neta e ici actek.

Ka ki ici wapatahakaniwitc Jean 22:7

Cecoc itew: “Natota! Aci peconakon kitci pe koski takocinian! Caweritakosiwok aniki ka kanaweritakik ka ici nikan tipatcimonaniwonik ota masinahikanik!”

Ka ki ici wapatahakaniwitc Jean 3:11

Aci peconakon kitci pe koski takocinian! Wewerita kanaweritamokw kitasperimowiniwaw, aka awik kitci maskamatakw ke ici kackitamatisoekw.

Ka ki ici wapatahakaniwitc Jean 3:19

Kaskina ka sakihakik, ni witamawawok icikowisk kitci matcatcik, kaie peikon ni sikiskimawok kecpin aka mia e itatisitcik. Mantokasokw kitci nosanehwiekw kaie kweskatisikw.

Ka ki ici wapatahakaniwitc Jean 3:2

Kockosikw! Mantokasokw kaketin kitci kanaweritamekw anihe kiapatc kitehiwak e actek, aka tekaci kitci nipomakak. Ni ki meka nanakatcitan aka moci e totamekw kaskina ka ici nataweritamatakw Nikice Manitom.