Ka ki ici wapatahakaniwitc Jean 3:17 - Kice Manito Ocki Omirwatcimowin

¹⁷ Kit itwanawaw: ‘Ni micikitanan kaie ni micta miro kackitamatisonan. Nama kekocic ni noteparinan.’ Nama aric ki kiskerimitisonawaw e apitc arimisiekw kaie nekasinakosiekw. Ki kitimakisinawaw, aka e owikasimiekw kaie aka e wapiekw.

Ka ki ici wapatahakaniwitc Jean 3:17 Iomraidhean Croise

Matio 5:3

“Caweritakosiwok kaskina ka kiskerimitisotcik e kitimakisitcik otcitcakociwak itekera. Enko aniki tapwe ka ici tatakik Kice Manitowa Okimawiniw.

Matio 9:12

Ki petawew Cecoc ani e iteritci. Ki itew: “Iriniwok ka miro pimatisitcik nama takatc mackiki iriniwa natawapamewok. Ka akositcik, enko aniki ke natawapamatcik mackiki iriniwa.

Luc Omasinahikan 1:53

Mitcet miro kekociciriw ki mirew ka pakateritci. Ka micikitaritci tca ki matceticahwew, aka kekociciriw e miratc.

Luc Omasinahikan 6:24

“Ekwa kirawaw ka micikitaiekw! Nikotin ki ka arimiparinawaw! Aci meka kit ickwa pe kakitcihikowinawaw!

Rome iriniwok 11:20

Tapwe wirata, wetci ki kickicikateki, osam aka e ki otci asperimototawewok Kice Manito. Minawatc ekota ni ka arikoiekw e ici apitcik, e ki asperimototawekw Kice Manito. Ekwa kitci osam kicterimoekw! Kirawe kata miroparin kitci kicterimekw Kice Manito aniheriw otci.

Rome iriniwok 11:25

Niwitcicanak, ni nataweriten kitci kiskeritamekw aniheriw weckatc aci iteritakipan Kice Manito kitci pe iciwepanik ka katcicterikipan, aka tca orina kitci iterimitisoekw “ni omiro omitoneritcikanan.” Atita Israël iriniwok nama kata kackitawok kitci nisitotakik, nac kitci akwacimakaniwiritci kaskina kotakihik iriniwa ka ki orapamakaniwiritci.

Rome iriniwok 12:3

Wetci ki cawerimitc Kice Manito e ki mirotehekotawitc, ohwe kit ititinawaw kaskina kirawaw e taciekw: aka awocamec kicterimitisokw patok tapwe e iteritakosiekw. Kirawe wewerita mamitonerimitisokw tapwe e icinakosiekw, tato nta e taciekw kitci kanawapatak e ici kackitatc, kotc ka ici mirikotc Kice Manitowa kitci asperimototawatc.

Rome iriniwok 7:24

Ni micta arimisin! Awin ke pe nta wikotcihitc, aka kitci atameritakosian aniheriw otci nitehik e icinakosiwak ka otcipitikoian nipowinik?

2 Pien 1:9

Aric kecpin awik aka itatisite, kata iteritakosiw mia iriniw aka ka wapitc, tekaci aka kekociciriw e rawowapatak. Onikew aci e ki kasihamawakaniwitc ka ki ici pactatitc.

Ka ki ici wapatahakaniwitc Jean 16:15

Teperitciketc itew: “Natotamokw! Keskat ni ka pe ican, mia mitowi kimoti iriniw keskat e pe takocik apitc aka e pehakaniwitc! Caweritakosiw anahwe mocak ke nanakatisitc, pecotcik e kanaweritak owikasim, mocak kitci ki ickwa aiketc wipatc kitci wespisotc, aka tca kitci miceckatetc, kaie aka kitci waneritak wapamakaniwite ani e icinakositc.”

Ka ki ici wapatahakaniwitc Jean 2:9

Ni kiskeriten e arimisiekw kaie e kitimakisiekw. Aric tapwe ki micikitanawaw kitcitcakociwak itekera! Ni kiskeritamwan e ici marerimitakok atita iriniwok ka icinikatisotcik ‘cota iriniwok,’ aric aka tapwe e iteritakositcik. Matci Manitowa nosanehwewok.

Ka ki ici wapatahakaniwitc Jean 3:16

Aric ani e icinakosiekw, aka tekaci e pe nosanehwiekw, nanikotino e wi wepiniekw, ki ka cecikokwatitinawaw.