Ka ki ici wapatahakaniwitc Jean 3:15 - Kice Manito Ocki Omirwatcimowin

¹⁵ Ni kiskeriten e aitotamekw. Ni kiskeriten aka mocak e nosanehwiekw, kaie aka tekaci e wepiniekw, mia mitowi nipi e iteritakosiekw aka ka tipi takikamik kaie aka ka tipi kicakamitek. Mocak ki ta nosanehwinawaw, tepirak peikw kitehiwaw kitci apatcitaiekw!

Ka ki ici wapatahakaniwitc Jean 3:15 Iomraidhean Croise

Matio 10:37

“Awik kirawe ka sakihatc otawiwa kekotc ma okawiwa patok nin e asitci sakihitc, nama tipi iteritakosiw nitirinim kitci iterimak. Anahwe awik kaie kirawe ka sakihatc okosa kekotc ma otanisa patok nin e asitci sakihitc, kaie wir nama tipi iteritakosiw nitirinim kitci ki iterimak.

Matio 24:12

Ke apitc mictahi pamiparik ka maratak, mitcet iriniwok kata ponitawok e sakihitotcik.

Matio 6:24

“Nama awik kata ki atoskectawew tapickotc nicw okimawa. Peikw kata cikerimew, kotakihi tca kata sakihew. Kekotc peikw kata miro atoskectawew, kotakihi tca kata atimikapowictawew. Nama kaie tapickotc ki ka ki atoskectawawaw Kice Manito kirika tca mekwata coria e atoskectamekw.”

Rome iriniwok 12:11

Otamirokw, aka kitimikw. Atoskectawakw Teperitciketc kaskina e irikokoteheiekw.

1 Corinthe iriniwok 16:22

Kecpin takwen peikw aka e sakihatc Teperitcikeritci, acteriw kitci anwerimakaniwitc! “Marana tha” — pe ica, Teperitcikein!

2 Corinthe iriniwok 12:20

Ni sekisin, minawatc takociniane neta ka ici tacikeiekw, aka kitci mirowinaman tan e itatisiekw, peikon kaie kirawaw aka kitci mirowinamekw wapamiekw kaie nin tan e itatisian. Ni kocten kitci kikatoekw, kitci otcinawekerimekw kiwitc iriniwaw, kitci kiciwasiekw, kitci papikanitoekw, kitci marerimitoekw, kitci pokonimitoekw, kitci sasekaiekw, acitc kitci arimihitoekw.

Pirip iriniwok 1:9

Enko ohwe ka ici pakoserimak Kice Manito e aiamihaian: eckam kitci sakihitoekw kaie tapwe kitci kiskeritamekw acitc kitci miro nisitotamekw,

2 Thessalonique iriniwok 1:3

Mocak mikwetc ni ta itanan Kice Manito kirawaw otci, niwitcicananak. Mirwacin meka e totamak, mocak eckam e asperimototawekw Kice Manito, kaie mocak eckam e sakihitoekw.

Cak ka ki pe ici masinahiketc 1:8

Kwetowi iteritam meka, aka kaie e kiskeritak mia ke tapwetak.

1 Pien 1:22

Aci ki ki itotiskanawaw tekaci kitci miroteheiekw, ka sapitamwekw Kice Manito otapwewin, kitci ki otci miro sakihitoekw, mia kiwitcicaniwawok e iterimitoekw. Kaketin tca ki ka sakihitonawaw kaskina e irikokoteheiekw.

Ka ki ici wapatahakaniwitc Jean 2:2

Ni kiskeriten e aitotamekw. Ni kiskeriten ka ici arimihitisoekw e mantokasoekw kirika e sokikapowiekw e nakickamekw arimisiwin. Ni kiskeriten aka e pakitinekok ka matci totakik kitci witcewitakok. Ki ki nanto kiskerimawawok iriniwok ka kiraskitcik e itetcik e ki pe iciticohwakik, namaiew aniki tapwe nitarotakanak. Ki ki nisitowinowawawok e wecimiwetcik.

Ka ki ici wapatahakaniwitc Jean 2:4

Aric peikocin ka ici patahamekw ka wi arimotamatakok: nama aci ki sakihinawaw ka asitci sakihiekopanen weckatc, nictam ka kitcipariekw e nosanehwiekw.

Ka ki ici wapatahakaniwitc Jean 3:1

Minawatc kiapatc ni ki itikowin: “Masinahamo anahwe aceriw ka mihatc iriniwa ka tapwerimiritci neta ka tacikeritci Sardes otenak: Enko ohweriw ka itetc anahwe ka taritci anihi ka nicowatciritci manitowa kaie e nicowatciritci atcikoca: Ni kiskeriten e aitotamekw. Ni kiskeriten iriniwok arotc e iterimitakok ‘pimatisiwok,’ aric tapwe wirata ki niponawaw kitcitcakociwak itekera.

Ka ki ici wapatahakaniwitc Jean 3:16

Aric ani e icinakosiekw, aka tekaci e pe nosanehwiekw, nanikotino e wi wepiniekw, ki ka cecikokwatitinawaw.