Ka ki ici wapatahakaniwitc Jean 3:10 - Kice Manito Ocki Omirwatcimowin

¹⁰ Ki ki natotawinawaw ka ititakok mocak kitci sokikapowiekw. Ki ka tca nanakatcihitinawaw aka wiec kitci ispariekw, mekwata ke pe arimiparik. Kata meka pe arimiparin ota askik, kaskina iriniwok kitci nta kiskerimakaniwitcik e apitc ma tapwerimiwakwen.

Ka ki ici wapatahakaniwitc Jean 3:10 Iomraidhean Croise

Matio 24:14

Anihe tca Mirwatcimowin, Kice Manito Okimawin ka arimotcikaterik, kata pa tipatcitcikatew kaskina e irikokoskamikak, kaskina awik kitci petak. Minawatc nta kata ponaskiwon.”

Matio 26:41

Nanakatisikw! Aiamihakw kaie aka kitci cakotcihikoiekw e kokwetcihikoiekw kitci pactatiekw. Ata nataweritam iriniw omitoneritcikanik kitci miro totak. Nama aric tipi mackawisiw owiawik itekera kitci itotisketc.”

Matio 6:13

Kaie akawir pakitinicinan kitci kokwetcihikoiak kitci pactatiak, kirika witcihicinan aka kitci cakotcihimitc Matci Manito. [Kir meka ka ici tataman okimawin, mackawisiwin, acitc icperitakosiwin, kakike nespitc. Kekora ki iki.]’”

Mark 14:9

Tapwe ohwe ka witamatakok: kaskina wiec ke ici tipatcimonaniwok Mirwatcimowin, kaskina e irikokoskamikak, kata tipatcitcikateriw ohweriw ka ki totak anahwe iskwew, mocak kaie kata mikawerimakaniwiw.”

Luc Omasinahikan 2:1

Ani apitc Kice Okimaw Auguste ki itew kaskina ka tacikeritci neta Romain askik kitci masinahwakaniwiritci, kitci ki kiskeritak e tacinaniwonik neta Romain askik.

Jean 17:6

“Ni ki witcihawok iriniwok kitci ki kiskerimiskik wewerita, aniki ota askik ka ki acotamawiin kitci mihakik. Kir tipirawe kitirinimak iteritakosipanak. Minawatc ki ki pe acotamawin kitci mihakik, kaie ki sapitamok kititewiniw.

Rome iriniwok 1:8

Nictam, mikwetc nit itaw Nikice Manitom e mamitonerimitakok, aniheriw wetci ki itotiskeritci Cecoc Krist. Kaskina meka e irikokoskamikak e petakaniwok e asperimototawekw Cecoc.

1 Corinthe iriniwok 10:13

Kaskina ka ici kokwetcihikoiekw kitci pactatiekw, enkweriw mocak ka ici kokwetcihakaniwitcik iriniwok ota askik. Mocak aric kata ki asperimototawokw Kice Manito kitci witcihitokw, aspinikotc wir e itotisketc ka ki ici nespi tapwetc. Nama tca kata pakitinam awocamec kitci kokwetcihikoiekw irikik e ici kackitaiekw kitci sokikapowiekw. Aric tatwaw kokwetcihikoiekwe, ki ka mirikowaw mackawisiwiniw kitci sokikapowiekw, acitc ke otci ocimoekw.

Éphèse iriniwok 6:13

Ekoni wetci actek kitci matcikonamekw kaskina aniheriw ka wi miritakw Kice Manito kitci ki nanakaskohwekw anahwe ka wi cakotcihitakw, tatwaw ke arimihitakw. Minawatc kaskina ickwa nanakaskweiekwe, peikon kitci sokikapowiekw.

2 Timothée 2:12

Kecpin mocak sokikapowiikwe e nekatcitaikw, tapickotc ki ka tiperitcikanano kirika wir. Kecpin pakiterimokwe, kaie wir ki ka pakiterimikono.

Cak ka ki pe ici masinahiketc 3:12

Nama kaie kata ki otci nitawikiw pakan wapiminatikok, niwitcicanak. Peikon kaie wapimin nama kata ki otci nitawikiw cweminatikok. Peikon kaie nipi ka ciwakamik kitcikamik ka takok, nama nta kata ki otacikowin ka mirwakamicik.

1 Pien 4:12

Nimiro nikwimesak, aka kockoparikw e nekatcitaiekw e kokwetcihikoiekw, aka kitci iteritamekw mitowi kecpin e takociparik ocki kekwan e arimiparik.

2 Pien 2:9

Ekoni wetci kiskeritakok e kiskeritak Teperitciketc ke totawatc iriniwa ka nosanehikotc kitci ki wikotcihatc e nakickamiritci nekatcitawiniw. Kiskeritam kaie ke totak kitci kicakonatc iriniwa ka matci totamiritci, takociparinike aniheriw ke kicikarik kitci tipaskonikaniwonik.

Ka ki ici wapatahakaniwitc Jean 1:9

Nin Jean, kiwitcicaniwaw, kaie nin e witcewak Cecoc, mitowi kirawaw. Ki witcewitinawaw, kaskina tapickotc e pimoteikw e arimiparik e tiperimitokw Cecoc Okimawinik, kaie tapickotc e sokikapowiikw. Nin ni ki kipohokowin minictikok Patmos ka icinikatek, e ki pa tipatcimoian Kice Manito otitewin, kaie aniheriw tapwewiniw Cecoc ka ki petatc.

Ka ki ici wapatahakaniwitc Jean 11:10

Iriniwok ota askik kata mireritamok, aci e ki nipahakaniwiritci anihi nikan tipatcimo iriniwa e niciritci ka ki micta nekatcihikotcik. Kata mirwatakotawok kaie kata mamiritowok caweritcikaniw.

Ka ki ici wapatahakaniwitc Jean 13:10

Anahwe ka iteritakositc kitci kipohwakaniwitc, tapwe kata kipohwakaniwiw. Anahwe ka iteritakositc micta mokomanik kitci otcinetc, tapwe ekota neta ke otcinetc. Ekoni wetci acterik Kice Manito otirinima kitci sokikapowiritci kaie mocak kitci asperimototakotc.”

Ka ki ici wapatahakaniwitc Jean 13:14

Tekaci onicimepan iriniwa ota askik, e wapatahaspan e ici mata kackitatc, e ki mirakaniwitc ani kitci ici kackitatc, mekwata e tacikerispana neta nictam matci awesisa. Ki wikosimew ota ka tacikeritci askik kitci ociharitci manitokana tepirak kitci kicterimakaniwiritci nictam anihi matci awesisa ka ki apinehwakaniwiritci, micta mokomaniw e ki totcikaterik, minawatc kiapatc e pimatisiritci.

Ka ki ici wapatahakaniwitc Jean 13:8

Kaskina iriniwok e tacitcik ota askik ki kicterimewok anihi matci awesisa, kaskina aniki aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw. Maritcenic ka ki nipahakanitc, enko na ka tiperitak aniheriw masinahikaniw.

Ka ki ici wapatahakaniwitc Jean 14:12

Ekoni wetci acterik mocak kitci ciciperitakik iriniwok ka tiperimikotcik Kice Manitowa, aniki ka sapitakik otirakonikewiniw kaie mocak ka nosanehwatcik Cecoca.

Ka ki ici wapatahakaniwitc Jean 14:6

Minawatc kotak ni ki wapamaw peikw aceriw icpimik waskok e miretc. Petaw Mirwatcimowiniw aka wiskat ke ickwaparinik, e pe nta witamawatc kaskina iriniwa ota askik ka tacikeritci: kaskina wiec e wetciritci, kaskina e tato otenwesiritci, kaie kaskina papitoc e ici arimweritci.

Ka ki ici wapatahakaniwitc Jean 16:14

Enko aniki matci manitowok ka matawinakonik ka aitotakik. Pa icawok e natawapamatcik okimawa kaskina wiec ota askik, kitci mawotcihatcik ocimakanicimiwariwa, kitci ki nta natoparitcik kitci kicikarike, Kice Manitowa ka mawotci mackawisiritci okitci kicikom.

Ka ki ici wapatahakaniwitc Jean 17:2

Okimawok ota askik ki pacikwatisiwok kirika wir. Iriniwok ka pimatisitcik ota askik ki kiwockwepickakowok aniheriw ominicapomiriw ka ki minihikotcik. Anihe minicapo, enko anihe ka ki ici micta pacikwatisinaniwok neta otenak.”

Ka ki ici wapatahakaniwitc Jean 17:8

Anahwe matci awesis ka ki wapamatc weckatc pimatisipan, aci aric nama pimatisiw. Kata orowiw neta ka pokoneckarik ka micta wararik. Kata tca nta ickwanakaniwiw. Iriniwok ka pimatisitcik ota askik aka ka masinaterik oticinikasowiniwaw neta Pimatisi Masinahikanik esko ka kiceritcikaterik askiriw, kata mamiskaterimewok anihi matci awesisa. Pimatisipan meka weckatc, anotc aci aka e pimatisitc, minawatc kata pe koski takociniw.”

Ka ki ici wapatahakaniwitc Jean 2:10

Akawir koctamokw anihe ke ici nekatcitaiekw. Natotamokw! Matci Manito ki ka kokwetcihikowaw. Kata totam mitcet neta e taciekw kitci iciticohokoiekw kipohotowikamikok. Ki ka nekatcihikowinawaw mitato kickwa irikik. Aka aric ponitakw e asperimototawekw Teperitciketc, misawatc wi nipahikoiekwe. Meckota ki ka miritinawaw ohwe caweritcikan: kakike pimatisiwin.

Ka ki ici wapatahakaniwitc Jean 3:8

Ni kiskeriten e aitotamekw. Ni kiskeriten aka orina e mackawisiekw, peikon e ki natotamekw nitarimwewin, aka kaie e ki otci pakiterimiekw. Ni ki tca cenen peikw ickwatem kirawaw otci, aka awik ke ki kipahak.

Ka ki ici wapatahakaniwitc Jean 6:10

Ki micta kiciwewok aniki atcakok, e itetcik: “Teperitcikein, kir ka kitcitwawisiin, mocak ka tapwein kekocic e itein. Tan apitc ke tipaskonatcik iriniwok ota askik ka pimatisitcik ka ki nipahimitcik, kitci kicakonatcik ka ki matci totawimikitcik?”

Ka ki ici wapatahakaniwitc Jean 8:13

Kiapatc nit itapitai. Kek ni ki petawaw mikisiw e miretc micta icpimik, e kitotc e micta sokitakositc: “Arimiparin! Arimiparin! Kata arimipariwok kaskina ka pimatisitcik ota askik, petakosiritena anahweriw kotakihi e nictiritci aceriwa kweckoctatcikeritena okweckoctatcikaniwarik!”