Ka ki ici wapatahakaniwitc Jean 22:6 - Kice Manito Ocki Omirwatcimowin

⁶ Minawatc anahwe aceriw ni ki itikw: “Tapwe ohwe ka aiteian. Ki ka ki asperimototen tapwe kitci icinakok. Teperitciketc Kice Manito, anahwe ka miratc nikan tipatcimo iriniwa ke aiteritci e tipatcimoritci, ki iciticahwew otacerima kitci nta witamawaritci ka atoskectakotc ke iciwepanik nanake.”

Ka ki ici wapatahakaniwitc Jean 22:6 Iomraidhean Croise

Matio 13:41

Anahwe Ka ki pe iriniwihitisotc kata iciticahwew otacerima. Ekoni ke ici orowiticohwatcik aniki aceriwok neta Okimawinik kaskina ka matci totamiritci, kaie anihi kaskina ka cikimaritci iriniwa kitci pactatiritci.

Luc Omasinahikan 1:70

Enkweriw aci micta weckatc ka ki ici tipatcimatc Kice Manito. Aniki tca ka ki pe nikan tipatcimotcik ka kitcitwaweritakositcik ki witamawew:

Luc Omasinahikan 16:16

“Kinowec mirwapatanipan Moïse otirakonikewin acitc ka ki pa nikan tipatcimotcik omasinahikaniwawa, nac apitc ka pe takocik Capatis. Esko tca ki pe takocik Capatis, aci Mirwatcimowin tipatcimonaniwon, Kice Manito Okimawin ka otci kiskeritcikaterik. Kaskina awik tca wikokwe pitakewok neta, aka aric e wi nosanetatcik otirakonikewiniriw.

Ka ki aitotiskeritci Cecoc otarotakana 12:11

Aci kiskeritam Pien tapwe aniheriw ka ki isparinik. Itew: “Anotc ni wapaten tapwe anihe ka ki isparik! Teperitciketc ki pe iciticahwew otacerima. Ni ki wikotcihikw aka awocamec kitci tiperimitc Hérode kaie ni ki witcihikw aka kitci matci totawitcik cota iriniwok kotc ka ici iteritamwakopanen.”

Ka ki aitotiskeritci Cecoc otarotakana 3:18

Aric ekoni wetci ki totak Kice Manito tapwe kitci otcitciparinik aniheriw weckatc ka ki itespan kitci ici tipatatamiritci kaskina iriniwa ka nikan tipatcimoritci ka ki pe iciticohwatc. Ki meka itepan, acteriw kitci nekatcitaritci anihi ke pe iciticohwatc ota askik kitci akwacimiweritci.

Rome iriniwok 1:2

Aci weckatc Kice Manito ki nespi tapwepan kitci pe iciticahak aniheriw Mirwatcimowiniw. Ki witamawepan otirinima ka nikan tipatcimoritci. Ki tca masinahamok aniki wirawaw, neta Kice Manito Omasinahikanik ka kitcitwaweritakonik.

1 Corinthe iriniwok 14:32

Aniki ka nikan tipatcimotcik aniheriw tipatcimowiniw kata kackitawok kitci miro irapatcitatcik anahweriw caweritcikaniw ka ki ici cawerimakaniwitcik.

1 Corinthe iriniwok 7:29

Niwitcicanak, enko ohwe ka wi iteian: nama kinowec ki mirikowinano kitci pimatisiikw. Aci anotc kaskina iriniwok ka nipowitcik kaketin kata atoskectawewok Kice Manitowa, mia aka e nipowitcik kitci totakik.

2 Thessalonique iriniwok 1:7

kirika ki ka maninamakowaw aniheriw ka kosikonik ka miwotaiekw kitci tca kakitcihikoiekw, kirawaw ka nekateritamekw. Peikon ninan ni ka kakitcihikonan. Kata pe iciwepan anihe pe nokosite Teperitciketc Cecoc, wakwek pe otci takocike, e pe witcewikotc otacerima e micta mackawisiritci.

Hébreux iriniwok 12:9

Kaskina e taciikw mekwata ka awaciwiikw, aka e ki otci natotawikok kotawinowok ota askik, ki ki kakeskimikonowok kirika ki ki kicterimanowok. Ekoni wetci actek kirawe anotc kitci ici pakiterimitisoikw kitci natotawokw Kotawino Kice Manito wakwek ka taciketc, kitci ki tca pe otitikoikw kakike pimatisiwin!

2 Pien 1:21

Nama meka wiskat ki otci ispariniw iriniwok kitci nikan tipatcimotcik Kice Manitowa otci tepirak irinik kitci otciparinik, osam aric Miro Manitowa e ki mirikotcik ka ki aitetcik e tipatatakik Kice Manitowa otipatcimowiniw.

2 Pien 3:2

e mikawasimitakok weckatc ka ki pe aitetcik iriniwok ka ki pe nikan tipatcimotcik Kice Manitowa otci e kitcitwaweritakositcik, acitc aniheriw ka ki ici kiskinohamatakw Cecoc otarotakana, Teperitciketc otirakonikewiniw, anahwe Ka Ki Akwacimitokw.

Ka ki ici wapatahakaniwitc Jean 1:1

Ota masinahikanik masinatew tipatcimowin, Cecoc Krist ka ki pe otitikotc. Kice Manitowa ki miriko kitci wapataharitci iriniwa ka atoskectakoritci ke iti iciwepanik nikanik wipatcikan. Krist ki pe iciticahwew otacerima kitci pe nta witamawitc ke ici kiskeritamwak, nin Jean ka icinikasoan, e atoskectawak.

Ka ki ici wapatahakaniwitc Jean 18:20

Kirawaw wakwek ka tacikeiekw, mireritamokw e ki oraparik anihe otenaw! Kaie kirawaw, Kice Manito otirinima, kaie Cecoc otarotakana, acitc kirawaw ka nikan tipatcimoekw Kice Manito otci, mireritamokw! Ki tipaskonew meka Babylone iriniwa aniheriw otci ka ki ici matci totakoiekw!

Ka ki ici wapatahakaniwitc Jean 19:9

Minawatc ni ki itikw aceriw: “Masinaha ohwe: ‘Caweritakosiwok kaskina ka ki wicamakaniwitcik kitci pe nta mitcisotcik e makocaniwonik, Maritcenic e nipowitc.’” Kirika ki itew: “Tapwe, ekoni ka itetc Kice Manito.”

Ka ki ici wapatahakaniwitc Jean 21:5

Minawatc anahwe ka apitc okimaw tetapiwakanik ki itew: “Aci anotc kaskina kekocic ocki ni toten.” Minawatc ni ki itikw: “Masinaha ohwe. Kaskina meka ka iteian tapwe icinakon, kaie kata ki asperimonaniwon.”

Ka ki ici wapatahakaniwitc Jean 21:9

Minawatc ni ki wapamaw aceriw e pe natawapamitc. Enko na peikw e nicowatcitcik aceriwok ka takonakipan orakaniw ka mockinerik mamitcitc nekatcitawiniw. Ni ki itikw: “Pe ica, ki ka wapatahitin owiwa Maritcenic ka ki nipowitc.”

Ka ki ici wapatahakaniwitc Jean 22:1

Minawatc anahwe aceriw ni ki wapatahikw micta sipiriw. Ekota neta wetacikowinik nipiriw, iriniwok ka pimatisickakotcik. Anihe sipi micta wasitepan, mia asini “cristal” ka icinikatakaniwitc. Ekota neta wetacikowikipan. Kice Manito okimaw tetapiwakaniwak kaie anahwe Maritcenic.

Ka ki ici wapatahakaniwitc Jean 22:16

“Nin, Cecoc, ni ki iciticohwaw nitacerim kitci nta witamatakw kaskina aniheriw, kaskina wiec e ici mawotcihitoritci Kice Manito otirinima. Ekota neta wetapikecinian weckatc Okimaw Tapit. Nin nit iteritakosin wapan atcikoc e kicepawonik ka wasisotc.”

Ka ki ici wapatahakaniwitc Jean 22:7

Cecoc itew: “Natota! Aci peconakon kitci pe koski takocinian! Caweritakosiwok aniki ka kanaweritakik ka ici nikan tipatcimonaniwonik ota masinahikanik!”

Ka ki ici wapatahakaniwitc Jean 4:1

Minawatc kotak kiapatc ni ki icinen: ni ki wapaten ickwatem e cetik wakwek. Kiapatc ni ki petawaw anahwe nictam ka aimihispan, ka micta sokitakonik otarimwewin, mitowi kweckoctatcikan e ititakonik, e pe icitc: “Pe ica ota icpimik. Ki ka wapatahitin ke isparik nikanik.”