Ka ki ici wapatahakaniwitc Jean 22:4 - Kice Manito Ocki Omirwatcimowin

⁴ Kata wapamewok otactamikorik, kaie oticinikasowiniw kata masinateriw oskitikowak.

Ka ki ici wapatahakaniwitc Jean 22:4 Iomraidhean Croise

Matio 5:8

Caweritakosiwok aniki tekaci ka mirwinakositcik otehiwak. Kata meka wapamewok Kice Manitowa!

Jean 12:26

Kecpin awik e wi atoskectawitc, acteriw kitci nosanehwitc. Wiec tca pa icaiane, kata icaw kaie wir nitarotakan. Notawi kata kicterimew anihi ka atoskectawimimitci.”

Jean 17:24

“Notawi, ki ki mirin nitirinimak, kirika ni nataweriten kitci witci tacikemitcik nte ke ici tacikeian kitci ki wapatakik niticperitakosiwiniw, anihe icperitakosiwin ka ki miriin, osam meka e ki sakihiin epwamoci kiceritcikatek ohwe aski.

1 Corinthe iriniwok 13:12

Anotc mekwata nama ki miro wapatenano, tarasak e kanawapamitisoikw kete wapamowinik. Nikotin aric ki ka wapatenano mia e icinakok. Anotc mekwata memantcic tepirak ni kiskeriten. Aric ani apitc aci kaskina ni ka capo kiskeriten, mia wir tipirawe Kice Manito tekaci e capo kiskerimitc.

Hébreux iriniwok 12:14

Mantokasokw kitci miroparihitoiekw kirika kaskina kiwitc iriniwawok, kaie kitci ici pimatisiekw kotc e ici nataweritak Teperitciketc. Awik aka wewerita ka ici pimatisitc, nama kata ki wapamew Teperitcikeritci.

Ka ki ici wapatahakaniwitc Jean 14:1

Minawatc kiapatc ni ki itapin. Ni ki wapamaw Maritcenic e nanipowitc okititin matinak Sion ka icinikaterik. Mitcet iriniwa witcikapowictakopan, aniki ka masinaterik oskitikowak Maritcenica oticinikasowiniw kaie Otawiwa oticinikasowiniw. Aniki iriniwok mitcetipanak, peikwaw kice mitato mitana acitc nemitana acitc new mitato mitana e taciwaspan.

Ka ki ici wapatahakaniwitc Jean 3:12

Aniki ke cakotcitatcik ka maratanik ni ka arawok mitowi apocowatikw e micta sokaskotik, Kice Manito okitci aiamihe mikiwamik ka takok. Nama wiskat minawatc kata orowiwok. Ni ka masinahamwan oskitikowak e icinikasoritci Kice Manitowa, kaie e icinikaterik otenamiriw. Enko anihe otenaw ‘Ocki Jérusalem’ ka icinikatek, wakwek kitci pe otciparik, Nikice Manitom ke pe iciticahak. Ni ka masinahamwan kaie ocki niticinikasowin oskitikowak.

Ka ki ici wapatahakaniwitc Jean 7:3

“Aka moci akotakw aski kaie kitcikami, peikon kaie mictikok nama moci ki ka akohawawok. Ki ka petanawaw patoc ickwa masinahamake okipotcickiwokisikan Kikice Manitomino oskitikowarik ka ki atoskectakotc.”