Ka ki ici wapatahakaniwitc Jean 21:8 - Kice Manito Ocki Omirwatcimowin

⁸ Aric iriniwok aka e sokeritakik e tapwerimatcik Cecoca, kaie aniki aka ka tapwerimatcik, aniki ka matcatikositcik, kaie aniki ka manohotcik, peikon kaie aniki ka pacikwatisitcik, acitc aniki ka matci totakik e matawositcik ka maratanik e wi ispatakik, kaie ka kicterimatcik manitokana, kaskina aniki ka wi nita kiraskitcik, wirawaw kata iciwepinakaniwiwok ickote sakihikanik ka osawapiterik. Enko ni nicwaw e niponaniwok.”

Ka ki ici wapatahakaniwitc Jean 21:8 Iomraidhean Croise

Matio 10:28

Aka koctakw awik ke ki nipahitakw. Kackitaw meka kitci nipatatc owiawiriw iriniwa, nama aric ki nipahew otcitcakociriw. Kirawe ki ta koctawaw Kice Manito. Enko na ke ki iterimatc awiriw ke apitc niporitena owiawirik kaie otcitcakocirik itekera nete atamaskamikok.

Matio 25:25

Ni ki sekisin, ekoni wetci ki nta kataian kicoriam atamitawak. Kanawapata tca kicoriam, enko tca ohwe ka tiperitaman!’”

Matio 8:26

Naskamo Cecoc e itatc: “Kekwan wetci micta sekisiekw? Nama micaw kit asperimowiniwaw!” Ekoni e ici pasikotc Cecoc. Kaketin ki arimwew e nakahak e rotinik kirika e mitcahanik. Tecikotc ki acteraweriw kaie ki micta arwactaniw.

Mark 9:44

Nte, ‘mantcocak ka mitcikik ko wiawiriw nama wiskat nipowok, kaie anihe ickote nama wiskat actawew.’]”

Jean 8:44

Kotawiwaw, enko na Matci Manito, kirika ki wi itotiskanawaw wir kotawiwaw e ici nataweritak. Mocak manoho anahwe. Ekoni mocak e icinakositc esko ka kiceritcikaterik askiriw. Nama wiskat nosanetaw tapwewiniw. Tekaci meka nama tapweritakosiw. E kiraskitc, ekoni e itotisketc aniheriw mocak ka itotiskespan. Aspinikotc meka kiraskiw, kirika kaskina wir e tiperitak kiraskiwiniw.

2 Thessalonique iriniwok 2:9

Aric epwamoci nipahakaniwitc anahwe Micta Matci Awik kata pe icaw ota askik, Matci Manitowa omackawisiwiniw kitci apatcitatc. Kata pe nta nokotaw aniheriw e ici mata kackitatc, kitci ki tca wecimiwetc.

1 Timothée 4:2

Kata pakitinitisowok kitci oniwirikotcik iriniwa ka miro iriniwikasoritci kirika ka kiraskiritci, aka e mana totamiritci kitci kiskeritamiritci ka mirwacinik kaie ka maratanik. Mitowi kecpin peikw iriniw e ickwasotc piwapiskoriw e ki kicapiskiterik, omitoneritcikan iti nipomakaniw e ki ickwasikaterik.

Tite 1:16

Itewok e kiskerimatcik Kice Manitowa, aric e matci totakik, wapatahiwewok aka e kiskerimatcik. Cikeritakosiwok, nama wi natotamok, kaie tekaci nama kackitawok kitci itotisketcik kekociciriw e ici mirwacinik.

Hébreux iriniwok 12:24

Ki pecowapamaw Cecoc, anahwe nictowitc ka icikapowitc iriniwa kirika Kice Manitowa otci, ocki acotamakewiniw kitci ki takonik. Ki pecowapatamwanawaw Cecoc omikw ka ki macokowinik, kirawe e mirwacinik kekociciriw ka otci tipatcimonaniwonik patok aniheriw Abel omikw.

Hébreux iriniwok 13:4

Kaskina awik kata kicteritam nipowiwiniw. Kaskina ka nipowitcik kata kicterimitowok, nama kata wipewok kotakihi awiriw. Kice Manito kata tipaskonew awiriw ka nosanetaritci matci pimatisiwiniw kaie peikon anahweriw ka pacikwatisiritci.

1 Jean 2:22

Awin tca ka kiraski iriniwitc? Anahwe ka itetc: “Cecoc namaiew ni wir Krist, nama ki otci pe iciticohoko Kice Manitowa kitci pe nta akwacimitokw.” Kiraski iriniw, enko kaie anahwe Ka wi naskowatatc Krista. Tapickotc wepakonew Kotawinowa acitc Okosiriw.

1 Jean 3:15

Kaskina awik ka cikerimatc owitcicana, manoho iriniw iteritakosiw. Nama meka ki takoniw kakike pimatisiwiniw otehik awik e manoho iriniwitc.

1 Jean 5:10

Anahwe tca ka tapwerimatc Kice Manitowa Okosiriw, kiskeritam otehik e tapwemakanik aniheriw. Aric anahwe aka ka tapwerimatc Kice Manitowa, mia peikon e iteritak, “Kiraskiw Kice Manito,” aka e tapwetamwatc aniheriw ka ki iteritci Kice Manitowa, Okosiriw otci.

Ka ki ici wapatahakaniwitc Jean 14:10

ki kiciwahew Kice Manitowa. Mia peikon mitowi kata mirakaniwiw kitci minikwetc minicaporiw ka mackawakaminik, Kice Manitowa e ki sikinamiritci orakanik, mia peikon Kice Manito okiciwasiwin e iteritakonik. Kaskina aniki ka itatisitcik kata nekatcihakaniwiwok ickotek kaie ka akwapiterik, mekwata e kanawapamikotcik Kice Manitowa otacerimiriw acitc Maritcenica.

Ka ki ici wapatahakaniwitc Jean 19:20

Ki makonakaniwiw anahwe matci awesis, kaie wir anahwe arotc ka ki nikan tipatcimotc ka ki kiraskispan ki makonakaniwiw, ka ki matawi aitotakipan anihi matci awesisa otci. E ki matawi aitotakipan tekaci ki onirew iriniwa ka ki masinahokoritci anihi matci awesisa kaie ka ki kicterimawaspan anihi manitokana mia ka icinakosiritci. Anahwe matci awesis kirika anahwe iriniw ka ki kiraskitc ka nikan tipatcimotc ki iciwepinakaniwiwok ickotek kiapatc e pimatisitcik, e micta micarik, mia micta sakihikan e irikokwarik. Micta kiciteriw neta, micta kanokoroweriw e osawapiterik.

Ka ki ici wapatahakaniwitc Jean 2:11

Acteriw kaskina iriniwok ka kackitatcik kitci petawitcik wewerita kitci natotawatcik Miro Manitowa e itaritci nitirinima. Aniki ke cakotcitatcik ka maratanik nama nicwaw kata nipowok.”

Ka ki ici wapatahakaniwitc Jean 2:2

Ni kiskeriten e aitotamekw. Ni kiskeriten ka ici arimihitisoekw e mantokasoekw kirika e sokikapowiekw e nakickamekw arimisiwin. Ni kiskeriten aka e pakitinekok ka matci totakik kitci witcewitakok. Ki ki nanto kiskerimawawok iriniwok ka kiraskitcik e itetcik e ki pe iciticohwakik, namaiew aniki tapwe nitarotakanak. Ki ki nisitowinowawawok e wecimiwetcik.

Ka ki ici wapatahakaniwitc Jean 21:27

Nama aric kekocic e maratak kata pitakewotakaniwon neta otenak, nama kaie awik ka matcatikositc, nama kaie ka wi nta kiraskitc ko kata ki pitakew neta. Tepirak aniki kata pitakewok oticinikasowiniwaw ka masinaterik neta Pimatisi Masinahikanik, Maritcenic ka takonik.

Ka ki ici wapatahakaniwitc Jean 22:15

Aric kaskina ka matcatikositcik kata tacikewok orowitimik otenak, kaie aniki ka matci totakik e matawositcik ka maratanik e wi ispatakik, kaie aniki ka pacikwatisitcik, ka manohotcik, ka kicterimatcik manitokana, kaie kaskina ka sakitatcik ka wi nta kiraskitcik!”

Ka ki ici wapatahakaniwitc Jean 9:17

Enko ohwe ka icinowakik aniki atikok kirika anahweriw ka okitapiritci ospiskoniwak e ki ici wapamakik: apatcitapanak wikasiriw ka apatanik e nta natoparinaniwonik. Aniheriw ka apatcitawaspan otasinakewak, piwapisko papakiwaniw e micta mikowarik mia ickote, e wasiskonarik mia mitowi asini ka micta mirositc ka icinikatakaniwitc “saphir,” acitc e osawarik mitowi akwapite e osawapitek. Octikwaniwaw aniki atikok, mia mitowi micapiciw octikwan e icinakonikipan. Ickoteriw kirika akwapiteriw kaie aniheriw kotakeriw ka osawapiterik ka micta witcekimakonik otci orowiparinipan otoniwak.

Ka ki ici wapatahakaniwitc Jean 9:21

Aniki iriniwok nama ki otci ponitawok e manohotcik, kaie e matawositcik e matci totakik, kaie matci pimatisiwiniw e sakitatcik acitc e kimotitcik. Nama ki otci wi kweskatisiwok.